ত্রাইবেল ফোরেস্ত ইকনমীশিং ঙাকপা

উমংদা লৈবা ত্রাইবেল ইমুং মিলিয়ন কয়াগী ওইনদি, খোইহী, তেন্দু মনা, মহুৱা মপাল, মঙ্গে, লেক, ৱা অমসুং লমলক্কী মনা মশিংনচিংবা মাইনর ফোরেস্ত প্রদ্যুস (এম.এফ.পি.) অসি চুম্নগী উমংগী পোত্থোক নত্তে। মসি হিংনবগী মরুওইবা লম্বী অমনি। মখোয়গী চহিগী শেন্থোক্কী ২০% দগী ৪০% ফাওবদি এম.এফ.পি. য়োনবদগী লাকই। অদুম ওইনমক, এম.এফ.পি. হকথেংননা লৌবা অমসুং য়োনবা তৌরবসু, ত্রাইবেলশিংনা মখোয়গী কৈথেলগী মমলগী শরুক মচেৎ অমখক্তমক ফংলি। মসিগী মরমদি মখোয়না এম.এফ.পি.শিং অতাবা মমলদা ইন্তরমেদিয়রীশিংদা য়োনবনি।

প্রধান মন্ত্রী জনজাতিয় বিকাস মিসন (পি.এম.জে.ভি.এম.) না ইক্বেসন অসি হোংদোক্নবা পান্দম থম্লি। ২০২১-২২ দা হৌদোকখিবা মিসন অসিনা মখোয়দা এম.এফ.পি.গী মমল হেন্না ফংহন্নবা মওং মরিল নাইবা লম্বী অমা ত্রাইবেলশিংদা অনৌবা তেক্নোলোজী অমসুং থৌওংশিং তম্বিদুনা ফংহল্লি। স্কীম অসিনা মীয়ামবু হেন্না চাউবা নেস্নেল অমসুং দিজিতেল কৈথেলশিংগা শম্নহন্দুনা মখোয়দা এক্সপোজর ফংহনবদা অমসুং পোত্থোক হেন্না য়োলহনবদা মতেঙ পাংলি। মসিনা ত্রাইবেলশিংদগী পোত্থোক হকথেংননা লৌদুনা মখোয়দা মিনিমম সপ্পোর্ত প্রাইস (এম.এস.পি.) ফংহল্লি।

হোৎনরিবশিং অসিনা উমংদগী পোৎ-চৈ খোমজিল্লিবশিংবু মখোয় মশাগী এন্তরপ্রাইজকী মপু ওইহন্দুনা ভারতকী ত্রাইবেলগী শেন্মিৎলোনবু গ্রাসরুত থাক্তা মপাঙ্গল কনখৎহল্লি।

পি.এম.জে.ভি.এম.না মতৌ করম্না ত্রাইবেলশিংদা ঙাক্লৌ পীবগে?

এম.এস.পি. প্রোক্যুরমেন্তকী মথক্তা, পি.ভি.জেএম. স্কীম্না ত্রাইবেলশিংদা স্কিল্লিং, তেক্নোলোজিকেল, মার্কেতিং, অমসুং ইনফ্রাস্ত্রকচরেল সপ্পোর্ত পীরি।

ত্রাইবেলশিংবু বন ধন বিকাস কেন্দ্র ওইহনবা

মিসন অসিনা ত্রাইবেল গেদদররশিংগী সেল্ফ-হেল্প গ্রুপ (এস.ঐচ.জি.)শিং শেম্মি। ত্রাইবেল ৩০০ লোম য়াওবা এস.ঐচ.জি. ১৫ গী কাঙলুপ অমাা পুনশিন্দুনা বন ধন বিকাস কেন্দ্র (ভি.দি.ভি.কে.) অমা শেম্মি। ভি.দি.ভি.কে. মেম্বরগী ৬০% দি সিদ্যুল ত্রাইব ফুরুপ্তগী ওইগদবনি।

এপ্রিল ১৪, ২০১৮ দা হৌদোকখিবা বন ধন য়োজনা অসি পি.এম.জে.ভি.এম.গী শরুক অমনি। মসিনা ভি.দি.ভি.কে. মোদেলগী য়ুম্ফম থোল্লি অমসুং ত্রাইবেল ফুরুপশিংদা মসি পায়খৎনবা মতিক হাপ্পি।

স্কিল্লিং, ফন্দিং অমসুং তেক্নোলোজিকেল সপ্পোর্ত

লৈঙশক অসিনা বন ধন বিকাস কেন্দ্র (ভি.দি.ভি.কে.)শিংদা সাইন্তিফিক হার্ভেস্তিং থৌওংশিং য়াওনা এম.এফ.পি. গেদররশিংদা স্কিল্লিং, অমসুং অতৈ ত্রেনিং প্রোগ্রামশিং পাঙথোক্লি।

এস.ঐচ.গি.শিং অসিদা মখাগীশিং অসিসু ফংহল্লি:

• ইনফ্রাস্ত্রকচরেল সপ্পোর্ত, বেনিফিসরীগী ময়ুমদা নৎত্রগা লৈঙাক্কী নৎত্রগা গ্রাম পঞ্চায়তকী বিল্দিংদা
• প্রাইমারী প্রোসেসিং ইকুইপমেন্ত — কত্তিং অমসুং সিভিং খুৎলায়শিং, দিকোর্তিকেতর, দ্রাইয়র, অমসুং পেকেজ তৌনবা খুৎলায় — মফম মফমদা ফংলিবা এম.এফ.পি.দা য়ুম্ফম ওইরগা
• রো মেতরিএল অমসুং ত্রেনী কিত ফংহন্দুনা মেম্বর ৩০ দা সস্তেনেবল হার্ভেস্তিং অমসুং ভেল্যু এদিসনগী ত্রেনিং পীবা
• ফাইনেন্সিএল ইনস্তিত্যুসন, বেঙ্ক, অমসুং নেস্নেল সিদ্যুল ত্রাইব্স ফাইনান্স এন্দ দিভেলপমেন্ত কোর্পোরেসন (এন.এস.তি.এফ.দি.সি.)গা খুৎশম্নদুনা ৱর্কিং কেপিতেল ফংহনবা
• রেন্তেল বেসিস্তা স্তোরেজ অমসুং ত্রান্সপোর্তেসনগী ঙাক্লৌ পীবা

মার্কেতিং অমসুং বিজিনেস সপ্পোর্ত

ভেল্যু এদিসনগী মথক্তা, ভি.দি.ভি.কে.শিং অসি ফাইনেল প্রদক্তকী মার্কেত লিঙ্কেজ – অনকপা অমসুং অরাপ্পা অনিমক – কী মফমশিংনি।

• ভি.দি.ভি.কে.শিং অসি ত্রাইবেলশিংদা পোত্থোক য়োনবদা লায়হন্নবগীদমক মফম মফমগী হাত বজার, প্রাইমারী এম.এফ.পি. প্রোক্যুরমেন্ত পোইন্তশিংগী অকোয়বদা লিংখৎপনি।
• ত্রাইবেল মফমশিংদা হাত ৫,০০০ হেন্না লৈ।
• হাতশিং অসি পর্মেনেন্ত স্ত্রকচর, স্তোরেজ, থক্নবা ঈশিং, সেদ অমসুং অরুম্বা ওন্নবা খুৎশু-খুৎলায়শিংগা লোয়ননা তাঙ্কক নাইনা মতমগা চুনবা ওইহল্লি।
• ভি.দি.ভি.কে.শিংনা মখোয়গী পোত্থোকশিংগী ভেল্যু এদিসন নৎত্রগা মার্কেতিংগীদমক প্রাইভেত এন্তিতীশিং নৎত্রগা নন-প্রোফিতশিংগা খোঙবু ওইবা য়াই।
• ত্রাইফেদনা ভি.দি.ভি.কে.শিংদা মখোয়গী বিজিনেস দীলগী ৱারেপ লৌবা ঙম্বগী থাক ৱাংখৎহন্নবা নুংতিগী লৈরিবা মমল অমসুং ই-কম্মর্স মফমশিং য়াওনা মার্কেত ইন্তলিজেন্সশিং ফংহল্লি।
• পি.এম.জে.ভি.এম.না মখাগীশিং অসিসু ফংহল্লি:
  • কুমহৈ, একজিবিসন, অমসুং আর্তিজন মেলাশিংগী খুত্থাঙদা ব্রান্দিং, প্রমোসন অমসুং এদভরতাইজমেন্ত তৌবা
  • ভি.দি.ভি.কে.শিং অমসুং অতৈ স্কীম এসেতশিং জিও-তেগ তৌবা
  • ত্রাইবেল পোত্থোকশিংগী জিওগ্রাফিকেল ইন্দিকেতরশিং (জি.আই. হায়বসি অকক্নবা মফম অমদগী পুথোকপা পোত্থোক নৎত্রগা হৌরকফম্না মরম ওইরগা অকক্নবা মতিং নৎত্রগা মিংচৎ লৈবা পোত্থোকশিংদা শীজিন্নবা খুদম অমনি)
  • আই.তি. অমসুং ই-কম্মর্সন প্লেতফোর্মশিং শেমগৎপা অমসুং অপগ্রেদ তৌবা
  • রিছর্চ অমসুং দিভেলপমেন্তকী ঙাক্লৌ পীবা

পি.এম.জে.ভি.এম. স্কীমগী মখাদা:

• ভি.দি.ভি.কে. ৪,১৭২ সেংসন তৌখ্রে অমসুং ভি.দি.ভি.কে. ২,৯১১ না মথৌ তৌদুনা লুপা করোর ১৬৮ লোম (জুলাই ৩১, ২০২৬ ফাওবা) য়োনবা ঙমখ্রে।
• ত্রাইবেল মেম্বর লাখ ১২.৪৮ ভি.দি.ভি.কে.গা মরী শম্নহনখ্রে।

তুং কোইগদবা ফোরেস্ত ইকনমী অমগী মায়কৈদা

প্রধান মন্ত্রী জনজাতিয় বিকাস মিসন (পি.এম.জে.ভি.এম.) না উমংদা লৈবা ত্রাইবেলশিংদা হিংনবগী লম্বী পীদুনা নন-তিম্বর উমংগী পোত্থোকশিং পুথোক্নবা অমসুং য়োন্নবা মওং মরিল নাইবা লম্বী অমা পীরি। পোত্থোকশিং অসি মখোয় মখোয়গী মফমদগী লোকপনি অমসুং ত্রেদিস্নেল প্রাক্তিসশিংদা চেৎনা মরা তাখিদুনা কম্ম্যুনিতী ওনরসিপকা মার্কেত কম্পিতিতিবনেসকা খল চুনহনবা ফোরেস্ত-বেজ ইকনমী অমা ওইহল্লি।

মাস-মেনুফেকচর্দ অমসুং প্লাস্তিক-পেকেজ পোৎলমশিং হেন্না মরাং কায়রকপা তাইবংপান অসিদা মখোয়গী ভারতকী মহৌশাগী ওইবা, মীয়াম্না মপু ওইবা অমসুং উমংদগী পুথোকপা পোত্থোকশিংগী তোপ তোপ্পা খুদোল ওইরি। পি.এম.জে.ভি.এম.না সবকা সাথ, সবকা বিকাসকী পরিংদা চত্তুনা – ভারতকী চাওখৎ ৱারীবু খ্বায়দগী মনুং হঞ্জিনবা উমং অমসুং মফমশিংসিবু ময়ুম্নি হায়জরিবা মীয়ামদা য়ৌহল্লি। মসিনা ভিকসিত ভারত@২০৪৭ গী ভারতকী মঙলান মঙফাওনহনবদা মতেঙ পাংগনি।

রিফরেন্সশিং:

ত্রাইবেল এফ্যার্স মন্ত্রালয়:

https://tribal.gov.in/downloads/Livelihood/Guidelines/PMJVMGuidelines.pdf

https://tribal.nic.in/FRA/data/FRARulesBook.pdf

https://tribal.nic.in/fra.aspx

https://www.pib.gov.in/PressReleasePage.aspx?PRID=2247596&reg=3&lang=1

https://trifed.tribal.gov.in/en/division/mfp-for-msp

https://trifed.tribal.gov.in/en/pmvdy

https://trifed.tribal.gov.in/index.php/en/pmvdy/guideline

https://trifed.tribal.gov.in/sites/default/files/2024-11/Success%20Stories.pdf

https://forestsclearance.nic.in/writereaddata/Frequently%20Asked%20Questions.pdf

শেলথুম মন্ত্রালয়:

https://www.indiabudget.gov.in/economicsurvey/doc/eschapter/echap13.pdf

প্রধান মন্ত্রী জনজাতিয় বিকাস মিসন

*****