وزارتِ آیوش نے آیوروید، یونانی، سدھا اور ہومیوپیتھی میں طبی تعلیم کے معیار کو بہتر بنانے کے لیے مختلف اقدامات کیے ہیں۔ یہ اقدامات ضابطہ ساز اداروں، یعنی نیشنل کمیشن فار انڈین سسٹم آف میڈیسن (این سی آئی ایس ایم) اور نیشنل کمیشن فار ہومیوپیتھی (این سی ایچ) کے ذریعے کیے گئے ہیں، جو بالترتیب نیشنل کمیشن فار انڈین سسٹم آف میڈیسن ایکٹ، 2020 اور نیشنل کمیشن فار ہومیوپیتھی ایکٹ، 2020 کے تحت قائم کیے گئے ہیں۔ گزشتہ تین برسوں کے دوران کیے گئے اہم اقدامات ضمیمہ میں منسلک ہیں۔

چونکہ صحت عامہ ریاستی موضوع ہے، اس لیے نئے آیوش تعلیمی اداروں کے قیام کی بنیادی ذمہ داری متعلقہ ریاستی حکومتوں کے دائرۂ اختیار میں آتی ہے، جن میں اتراکھنڈ بھی شامل ہے۔ تاہم، قومی آیوش مشن (این اے ایم) کی مرکزی سرپرستی والی اسکیم کے تحت ان ریاستوں اور مرکز کے زیر انتظام علاقوں کی حکومتوں کو نئے آیوش کالج قائم کرنے کے لیے مالی معاونت فراہم کرنے کی گنجائش موجود ہے، جہاں سرکاری شعبے میں آیوش کے تدریسی اداروں کی دستیابی ناکافی ہے۔ اس کے مطابق، ریاستیں اور مرکز کے زیر انتظام علاقے قومی آیوش مشن کی رہنما ہدایات کے تحت ریاستی سالانہ ایکشن پلان (ایس اے اے پی) کے ذریعے موزوں تجاویز پیش کرکے مالی معاونت حاصل کرسکتے ہیں۔ تاہم، اتراکھنڈ کی ریاستی حکومت نے مالی سال 2026-27 کے لیے ایس اے اے پی کے ذریعے نئے آیوش تعلیمی ادارے کے قیام کی کوئی تجویز پیش نہیں کی ہے۔

مرکزی کونسل برائے تحقیقِ آیورویدک علوم (سی سی آر اے ایس) ایک خودمختار ادارہ ہے، جو اپنے ذیلی ادارے، یعنی رانی کھیت (تاری کھیت) میں واقع علاقائی آیوروید تحقیقی ادارے (آر اے آر آئی) کے ذریعے اتراکھنڈ میں ایک اہم تحقیقی مرکز چلا رہی ہے۔ فی الحال اتراکھنڈ میں نئے تحقیقی ادارے کے قیام کی کوئی تجویز زیرِ غور نہیں ہے۔

ضمیمہ

آیوش نظامِ طب میں طبی تعلیم کے معیار کو بہتر بنانے کے لیے گزشتہ تین برسوں کے دوران کیے گئے اہم اقدامات

(الف) بھارتی نظامِ طب کے لیے نیشنل کمیشن فار انڈین سسٹم آف میڈیسن (این سی آئی ایس ایم) کی جانب سے اٹھائے گئے اقدامات

1. ضوابط: آیوروید، سدھا اور یونانی میں تعلیم کے معیار کو بہتر بنانے کے لیے این سی آئی ایس ایم نے انڈرگریجویٹ اور پوسٹ گریجویٹ سطح پر درج ذیل ضوابط وضع کرکے شائع اور نافذ کیے ہیں:

1. نیشنل کمیشن فار انڈین سسٹم آف میڈیسن (آیوروید میں انڈرگریجویٹ تعلیم کے کم از کم معیارات) ضوابط، 2022
2.  نیشنل کمیشن فار انڈین سسٹم آف میڈیسن (یونانی میں انڈرگریجویٹ تعلیم کے کم از کم معیارات) ضوابط، 2022
3. نیشنل کمیشن فار انڈین سسٹم آف میڈیسن (سدھا میں انڈرگریجویٹ تعلیم کے کم از کم معیارات) ضوابط، 2022
4. نیشنل کمیشن فار انڈین سسٹم آف میڈیسن (مستند اسناد کی منظوری) ضوابط، 2023
5. نیشنل کمیشن فار انڈین سسٹم آف میڈیسن (بھارتی نظامِ طب کے قومی امتحانات) ضوابط، 2023
6. نیشنل کمیشن فار انڈین سسٹم آف میڈیسن (اخلاقیات اور رجسٹریشن) ضوابط، 2023
7. نیشنل کمیشن فار انڈین سسٹم آف میڈیسن (انڈرگریجویٹ آیوروید کالجوں اور منسلک تدریسی اسپتالوں کے لیے کم از کم ضروری معیارات، جائزہ اور درجہ بندی) ضوابط، 2024
8. نیشنل کمیشن فار انڈین سسٹم آف میڈیسن (انڈرگریجویٹ یونانی کالجوں اور منسلک تدریسی اسپتالوں کے لیے کم از کم ضروری معیارات، جائزہ اور درجہ بندی) ضوابط، 2023
9. نیشنل کمیشن فار انڈین سسٹم آف میڈیسن (انڈرگریجویٹ سدھا کالجوں اور منسلک تدریسی اسپتالوں کے لیے کم از کم ضروری معیارات، جائزہ اور درجہ بندی) ضوابط، 2024
10. نیشنل کمیشن فار انڈین سسٹم آف میڈیسن (پوسٹ گریجویٹ اداروں کے لیے کم از کم ضروری معیارات، جائزہ اور درجہ بندی اور آیوروید میں پوسٹ گریجویٹ تعلیم کے کم از کم معیارات) ضوابط، 2024
11. نیشنل کمیشن فار انڈین سسٹم آف میڈیسن (پوسٹ گریجویٹ اداروں کے لیے کم از کم ضروری معیارات، جائزہ اور درجہ بندی اور سدھا میں پوسٹ گریجویٹ تعلیم کے کم از کم معیارات) ضوابط، 2024
12.  نیشنل کمیشن فار انڈین سسٹم آف میڈیسن (پوسٹ گریجویٹ اداروں کے لیے کم از کم ضروری معیارات، جائزہ اور درجہ بندی اور یونانی میں پوسٹ گریجویٹ تعلیم کے کم از کم معیارات) ضوابط،2024
13. نیشنل کمیشن فار انڈین سسٹم آف میڈیسن (بیچلر آف آیورویدک میڈیسن اینڈ سرجری کے لیے پری آیوروید پروگرام) ضوابط، 2024

2. نصاب : قومی تعلیمی پالیسی 2020، طبی تعلیم کے عالمی معیارات سے ہم آہنگی پیدا کرنے اور باصلاحیت و ہنرمند آیوروید، سدھا اور یونانی گریجویٹس تیار کرنے کے لیے این سی آئی ایس ایم نے طبی تعلیمی پالیسی، تعلیم کے بنیادی معیارات، تعلیمی انتظام، تدریس و تربیت کے طریقۂ کار، جانچ کے عمل، تعلیم میں تکنیکی معاونت اور صلاحیت پر مبنی نصاب کے شعبوں میں نمایاں اصلاحات کی ہیں۔

یونانی، سدھا اور سووا رگپا بورڈ اور آیوروید بورڈ نے درج ذیل نصاب اور کورس مرتب کرکے شائع اور نافذ کیے ہیں:

1. بی ایس ایم ایس کے پہلے پروفیشنل کے لیے صلاحیت پر مبنی کورس کا نصاب اور تدریسی خاکہ
2. بی ایس ایم ایس کے دوسرے پروفیشنل کے لیے صلاحیت پر مبنی کورس کا نصاب اور تدریسی خاکہ
3.  بی ایس ایم ایس کے تیسرے پروفیشنل کے لیے صلاحیت پر مبنی متحرک نصاب اور تدریسی خاکہ
4. بی اے ایم ایس کے پہلے پروفیشنل کے لیے صلاحیت پر مبنی کورس کا نصاب اور تدریسی خاکہ
5. بی اے ایم ایس کے دوسرے پروفیشنل کے لیے صلاحیت پر مبنی کورس کا نصاب اور تدریسی خاکہ
6. بی اے ایم ایس کے تیسرے پروفیشنل کے لیے صلاحیت پر مبنی کورس کا نصاب اور تدریسی خاکہ
7. بی یو ایم ایس کے پہلے پروفیشنل کے لیے صلاحیت پر مبنی کورس کا نصاب اور تدریسی خاکہ
8. بی یو ایم ایس کے دوسرے پروفیشنل کے لیے صلاحیت پر مبنی کورس کا نصاب اور تدریسی خاکہ
9. بی یو ایم ایس کے تیسرے پروفیشنل کے لیے صلاحیت پر مبنی متحرک نصاب اور تدریسی خاکہ
10. آیوروید کے پوسٹ گریجویٹ پروگرام میں حیاتیاتی شماریات کے لیے نتائج پر مبنی نصاب اور تدریسی خاکہ
11. آیوروید کے پوسٹ گریجویٹ پروگرام میں تحقیقی طریقۂ کار کے لیے نتائج پر مبنی نصاب اور تدریسی خاکہ
12. سدھا کے پوسٹ گریجویٹ پروگرام میں حیاتیاتی شماریات کے لیے صلاحیت پر مبنی کورس کا نصاب اور تدریسی خاکہ
13. سدھا کے پوسٹ گریجویٹ پروگرام میں تحقیقی طریقۂ کار کے لیے صلاحیت پر مبنی کورس کا نصاب اور تدریسی خاکہ
14. یونانی کے پوسٹ گریجویٹ پروگرام میں حیاتیاتی شماریات کے لیے صلاحیت پر مبنی کورس کا نصاب اور تدریسی خاکہ
15. یونانی کے پوسٹ گریجویٹ پروگرام میں تحقیقی طریقۂ کار کے لیے صلاحیت پر مبنی کورس کا نصاب اور تدریسی خاکہ
16. پوسٹ گریجویٹ آیوروید کے دوسرے اور تیسرے تا چھٹے سمسٹر کے پروگراموں کے لیے نتائج پر مبنی نصاب اور تدریسی خاکہ
17. پوسٹ گریجویٹ سدھا کے16   پروگراموں کے دوسرے اور تیسرے تا چھٹے سمسٹر کے لیے صلاحیت پر مبنی متحرک نصاب اور تدریسی خاکہ
18. پوسٹ گریجویٹ یونانی کے15  پروگراموں کے دوسرے اور تیسرے تا چھٹے سمسٹر کے لیے صلاحیت پر مبنی متحرک نصاب اور تدریسی خاکہ

3. انڈرگریجویٹ سطح پر نصاب میں اصلاحات:

1.  پیشہ ورانہ اور نرم مہارتوں کے فروغ کے لیے لیکچر اور غیر لیکچر اوقات کے تناسب کو تبدیل کرکے 1:2 کر دیا گیا ہے۔
2. اختیاری مضامین متعارف کرانے کا مقصد طلبہ کو مختلف متعلقہ شعبوں سے واقفیت، رہنمائی اور عملی تجربہ فراہم کرنا، بین الشعبہ جاتی نقطۂ نظر کو فروغ دینا اور خود رہنمائی کے ساتھ سیکھنے کی حوصلہ افزائی کرنا ہے۔
3.  نئے داخل ہونے والے طلبہ کے لیے باقاعدہ کلاسز شروع ہونے سے قبل عبوری نصاب کے ساتھ تعارفی پروگرام متعارف کرایا گیا ہے۔
4.  صلاحیت پر مبنی متحرک نصاب اور تدریسی خاکہ متعارف کرایا گیا ہے، جس میں گریجویٹس کی مطلوبہ خصوصیات، پروگرام کے متوقع نتائج، کورس کے متوقع نتائج، مشکل کی سطح، عالمی معیارات کے مطابق جدید تدریسی و تربیتی طریقے، طلبہ کی مسلسل جانچ کے لیے تشکیلی جائزہ، مجموعی جائزے کے طریقے، سوالیہ پرچے کا خاکہ، عمودی و افقی انضمام وغیرہ واضح طور پر شامل ہیں۔
5.  ابتدائی طبی عملی تجربہ پہلے پروفیشنل سیشن ہی سے شروع کیا جاتا ہے، تاکہ طلبہ کو زیادہ طبی تربیت اور عملی تجربہ حاصل ہو اور ان میں خود اعتمادی پیدا ہو۔
6. کتب خانے، کھیل اور تفریح کے لیے الگ اوقات تمام جماعتوں کے باقاعدہ نظام الاوقات میں شامل کیے گئے ہیں، تاکہ کتب خانے کا مؤثر استعمال، ہم نصابی اور غیر نصابی سرگرمیوں میں صلاحیتوں کے اظہار اور جسمانی و ذہنی صحت کو فروغ دیا جاسکے۔
7.  آیوروید، سدھا اور یونانی میں جدید پیش رفت، سائنسی اور تکنیکی ترقیات کو شامل کرنے کے لیے تدریسی طریقۂ کار متعارف کرائے گئے ہیں۔
8.  یونیورسٹی امتحان (مجموعی جائزے) کے علاوہ تشکیلی جائزہ بھی متعارف کرایا گیا ہے، جس میں نو باقاعدہ دورانیہ وار ٹیسٹ اور دو ٹرم ٹیسٹ شامل ہیں۔
9.  انڈرگریجویٹ سطح پر طبی مہارت اور عملی تربیت کی لیبارٹری متعارف کرائی گئی ہے، تاکہ طبی علم اور عملی مہارت میں اضافہ کیا جاسکے۔

4. پوسٹ گریجویٹ سطح پر نصاب میں اصلاحات:

1.  سمسٹر نظام متعارف کرایا گیا ہے اور ہر سمسٹر کے لیے مخصوص مضامین اور پرچے مقرر کیے گئے ہیں۔
2.  پوسٹ گریجویٹ سطح پر کریڈٹ نظام نافذ کیا گیا ہے۔ ہر کریڈٹ میں لیکچر، عملی تربیت اور تجرباتی سیکھنے کا تناسب بالترتیب 1:2:3 رکھا گیا ہے، تاکہ متعلقہ تخصص میں انتہائی پُراعتماد اور نمایا ں ماہرین تیار کیے جاسکیں۔
3.  تشکیلی جائزے کے تحت یونٹ وار اور ماڈیولر جائزے متعارف کرائے گئے ہیں، جن کے ذریعے سمسٹر گریڈ پوائنٹ اوسط (ایس جی پی اے) کا حساب لگایا جاتا ہے اور یونیورسٹی کے مجموعی امتحان میں شرکت کے لیے اہلیت کا جائزہ لیا جاتا ہے۔
4.  پوسٹ گریجویٹ پروگرام میں بنیادی مضامین کے ساتھ مخصوص شعبے اور صلاحیت میں اضافے کے زمروں کے تحت اختیاری کورسز بھی متعارف کرائے گئے ہیں۔
5.  پوسٹ گریجویٹ اداروں میں مدافعتی علوم اور بافتی تشخیص سے متعلق جدید مطالعات اور ٹیسٹ کرنے کے لیے سالماتی حیاتیات کی لیبارٹری متعارف کرائی گئی ہے۔
6. ہر پوسٹ گریجویٹ پروگرام کے لیے تحقیق کے ترجیحی شعبے مقرر کیے گئے ہیں، جن کے ساتھ تخصص کے مطابق پروگرام کے متوقع نتائج بھی متعین کیے گئے ہیں، اور کثیر الشعبہ جاتی تحقیق کو فروغ دیا گیا ہے۔
7.  پوسٹ گریجویٹ اداروں کی تحقیقی سرگرمیوں کو منظم اور مربوط کرنے کے لیے انضمامی صحت اور عملی اطلاقی تحقیق کا شعبہ نافذ کیا گیا ہے۔

5. تعلیم کے معیار کو بہتر بنانے کے لیے این سی آئی ایس ایم کے دیگر اقدامات:

1.  پورے ملک میں یکساں تعلیمی و انتظامی طریقۂ کار کو یقینی بنانے کے لیے مکمل کورس کی مدت کے لیے تعلیمی کیلنڈر متعارف کرایا گیا ہے۔
2.  ہر ماہ کے پہلے جمعہ کو ہر استاد کو تدریسی ٹیکنالوجی سے متعلق ایک مضمون اور تیسرے جمعہ کو تحقیقی مضمون بذریعہ ای میل بھیجا جاتا ہے، تاکہ وہ تعلیمی ٹیکنالوجی اور تحقیق کے شعبوں میں جدید معلومات سے باخبر رہیں۔

(vi) ٹیکنالوجی کا استعمال:

1. کیو آر کوڈ سے منسلک نصاب: این سی آئی ایس ایم کی ویب سائٹ پر اپ لوڈ کیا گیا ہے۔
2. ایل ایم ایس (لرننگ مینجمنٹ سسٹم) کے ذریعے اختیاری کورسز۔
3. آیوش گرڈ کے تحت این سی آئی ایس ایم کے پلیٹ فارم/پورٹلز:

1. ہندوستانی نظامِ طب کے اداروں کے پرنسپلز کے لیے تعلیمی منصوبہ بندی اور انتظام سے متعلق ورکشاپس کا پورٹل۔
2. ہندوستانی نظامِ طب کے اداروں کے تحقیقی و اختراعی سیل کے کوآرڈینیٹروں کے لیے کاروباری صلاحیتوں کی ترقی اور تربیتی پروگراموں کی ورکشاپس کا پورٹل۔
3. ہندوستانی نظامِ طب کے پوسٹ گریجویٹ اداروں کے پوسٹ گریجویٹ رہنماؤں کے لیے سائنسی تحریر، تحقیقی دیانت داری اور اشاعتی اخلاقیات سے متعلق رہنمائی ورکشاپس کا پورٹل۔
4. تیار کردہ جائزہ پیمانے کے مطابق درسی کتب کے معیار کی جانچ کے لیے پورٹل۔
5. ہندوستانی نظامِ طب کے نصاب اور تعلیمی خاکے کی تشکیل کے لیے سافٹ ویئر۔
6. تعلیمی دورِ حیات کے انتظام کا نظام، تعلیمی انتظام کا نظام اور باہمی تعاون کا نظام، جنہیں آیوش گرڈ کے ساتھ مربوط کیا گیا ہے۔
7. ہندوستانی نظامِ طب کے اداروں میں ’’آزادی کا امرت مہوتسو‘‘ کی سرگرمیوں کے لیے پورٹل۔
8. اداروں اور کونسلنگ حکام کی جانب سے داخلہ لینے والے طلبہ کا آن لائن ڈیٹا جمع کرانے کے لیے پورٹل۔
1. اختیاری مضامین کے لیے پورٹل۔
10. ڈگری کی منظوری کے نظام کے لیے پورٹل۔
11. ہندوستانی نظامِ طب کے اداروں کی تعلیمی کارکردگی کے لیے پورٹل تیار کیا گیا ہے۔

(vi) امتحانات:

1. این سی آئی ایس ایم نے ہندوستانی نظامِ طب کے آیوروید، سدّھ اور یونانی کے ہر شعبے میں تدریس کے پیشے کو اختیار کرنے کے خواہش مند افراد کے لیے قومی اہلیتی امتحان برائے اساتذہ (این ٹی ای ٹی) نافذ کیا ہے۔
2. این سی آئی ایس ایم نے یونانی پری ٹی آئی بی پروگرام میں داخلے کے لیے این سی آئی ایس ایم پری ٹی آئی بی امتحان، کونسلنگ اور نشستوں کی الاٹمنٹ کا عمل منعقد کیا۔
3. آیوروید، سدّھ اور یونانی کے انڈرگریجویٹ بی اے ایم ایس، بی ایس ایم ایس اور بی یو ایم ایس کورسز میں داخلے کے لیے قومی امتحانات ایجنسی (این ٹی اے) کے ذریعے قومی اہلیتی و داخلہ امتحان (نیٹ) منعقد کیا گیا۔
4. آل انڈیا آیوش پوسٹ گریجویٹ انٹرنس ٹیسٹ (اے آئی اے پی جی ای ٹی) این سی آئی ایس ایم نے قومی امتحانات ایجنسی (این ٹی اے) کے ذریعے منعقد کیا ہے۔

 

(بی) قومی کمیشن برائے ہومیوپیتھی (این سی ایچ) کی جانب سے کئے  گئے اقدامات

(i) ضوابط:ہومیوپیتھی میں تعلیم کے معیار کو بہتر بنانے کے لیے این سی ایچ نے انڈرگریجویٹ اور پوسٹ گریجویٹ سطح پر درج ذیل ضوابط وضع، شائع اور نافذ کیے ہیں:

1. قومی کمیشن برائے ہومیوپیتھی (ہومیوپیتھی گریجویٹ ڈگری کورس — بیچلر آف ہومیوپیتھک میڈیسن اینڈ سرجری (بی ایچ ایم ایس)) ضوابط، 2022۔
2. قومی کمیشن برائے ہومیوپیتھی (ہومیوپیتھی کے معالجین کے لیے پیشہ ورانہ طرزِ عمل، آداب اور اخلاقی ضابطہ) ضوابط، 2022۔
3. قومی کمیشن برائے ہومیوپیتھی (ہومیوپیتھی کے معالجین کے لیے قومی رجسٹر کی تیاری اور دیکھ بھال کا طریقۂ کار) ضوابط، 2022۔
4. قومی کمیشن برائے ہومیوپیتھی (عمومی) ضوابط، 2023۔
5. قومی کمیشن برائے ہومیوپیتھی (ہومیوپیتھی کی اسناد کی منظوری) ضوابط، 2023۔
6. قومی کمیشن برائے ہومیوپیتھی (ہومیوپیتھی میں قومی امتحانات) ضوابط، 2023۔
7. قومی کمیشن برائے ہومیوپیتھی (ہومیوپیتھی میں طبی تحقیق) ضوابط، 2023۔
8. قومی کمیشن برائے ہومیوپیتھی (طبی اداروں کی جانچ اور درجہ بندی) ضوابط، 2024۔
9. قومی کمیشن برائے ہومیوپیتھی (ہومیوپیتھک کالجوں اور ان سے منسلک اسپتالوں کے لیے کم از کم ضروری معیارات) ضوابط، 2024۔
10. نئے ہومیوپیتھک طبی ادارے کا قیام (نئے یا اعلیٰ درجے کے مطالعاتی یا تربیتی کورس کا آغاز اور کسی طبی ادارے میں داخلوں کی گنجائش میں اضافہ) ضوابط، 2024۔
11. قومی کمیشن برائے ہومیوپیتھی (ہومیوپیتھی پوسٹ گریجویٹ ڈگری کورس — ڈاکٹر آف میڈیسن اِن ہومیوپیتھی) ضوابط، 2024۔

(ii) تعلیم کے معیار کو بہتر بنانے کے لیے این سی ایچ کی جانب سے دیگر اقدامات:

1. قومی تعلیمی پالیسی 2020 کے مطابق انڈرگریجویٹ اور پوسٹ گریجویٹ سطح پر قابلیت پر مبنی متحرک نصاب (سی بی ڈی سی) نافذ کیا گیا ہے۔
2. نصاب میں تحقیق پر مبنی اختیاری مضامین اور تحقیقی طریقۂ کار متعارف کرایا گیا ہے۔
3. بی ایچ ایم ایس کے نصاب میں نفسیات، جدید ادویاتی علم اور یوگا کے مضامین شامل کیے گئے ہیں تاکہ مربوط تعلیمی نظام کو مضبوط بنایا جا سکے۔
4. ہنرمندی کی لیبریٹریز کا قیام اور بنیادی قلبی زندگی بچاؤ معاونت (بی سی ایل ایس)، ہنگامی نگہداشت اور معمولی طبی طریقۂ کار کی تربیت لازمی قرار دی گئی ہے۔
5. تعلیمی زندگی کے دورانیے کے انتظام کے پورٹل (ای ایل سی ایم)، لرننگ مینجمنٹ سسٹم (ایل ایم ایس) اور ای لرننگ ماڈیولز کے ذریعے طبی تعلیم کو ڈیجیٹل بنایا گیا ہے۔
6. بنیادی صحت مراکز (پی ایچ سی)، کمیونٹی ہیلتھ سینٹرز (سی ایچ سی) اور ضلعی اسپتالوں میں انٹرن شپ کے ذریعے طلبہ کی عملی طبی تربیت کو مضبوط بنایا گیا ہے۔
7. انڈرگریجویٹ سطح پر تحقیقی طریقۂ کار متعارف کرایا گیا ہے اور پوسٹ گریجویٹ سطح پر تحقیقی طریقۂ کار کے شعبوں کا قیام لازمی قرار دیا گیا ہے۔
8. کم از کم ضروری معیارات (ایم ای ایس)، 2024 کے تحت ہومیوپیتھک طبی اداروں میں جدید طب کے ماہرین، یعنی معالج، سرجن، ماہر امراضِ نسواں اور ماہر امراضِ باطنیہ، کی تقرری لازمی قرار دی گئی ہے، تاکہ بین شعبہ جاتی طبی تربیت اور باہمی تعاون پر مبنی مریضوں کی نگہداشت کو بہتر بنایا جا سکے۔
9. مرکزی کونسل برائے تحقیقِ ہومیوپیتھی (سی سی آر ایچ) کے تعاون سے پوسٹ گریجویٹ طلبہ اور اساتذہ کے لیے تحقیقی طریقۂ کار کی تربیت فراہم کی گئی ہے۔
10. اسمارٹ-ہوم (جدید طبی پیش رفت، تحقیق اور ٹیکنالوجی کی تکمیل) کے تحت جدید پیش رفت کو شامل کرنے کے لیے مضمون وار کمیٹیاں تشکیل دی گئی ہیں۔
11. ہومیوپیتھی میں طبی آزمائشوں کے لیے اچھی طبی عملی کارکردگی (جی سی پی) کے رہنما اصولوں سے متعلق اختیاری کورسز کے لیے سی سی آر ایچ اور این سی ایچ کے درمیان مفاہمت ناموں پر دستخط کیے گئے ہیں۔
12. سی بی ڈی سی کے نفاذ کے لیے اساتذہ کی تربیت کا اہتمام کیا گیا، جس میں 3,145 انڈرگریجویٹ اساتذہ، 602 پوسٹ گریجویٹ اساتذہ اور 450 طبی افسران شامل تھے۔
13. انڈرگریجویٹ اور پوسٹ گریجویٹ کورسز کے لیے سی بی ڈی سی تربیتی پروگرام منعقد کیے گئے۔ چوتھے سال کے انڈرگریجویٹ اور پوسٹ گریجویٹ مضامین کی ورچوئل تربیت بھی فراہم کی گئی۔ انڈرگریجویٹ طلبہ کے لیے ایچ ای بی کی ورچوئل تربیت 16 اور 30 جون 2026 کو، جبکہ پوسٹ گریجویٹ طلبہ کے لیے 18، 25 اور 26 مئی 2026 کو منعقد ہوئی۔ پانچ انڈرگریجویٹ مضامین میں مجموعی طور پر 1,658 افراد نے شرکت کی، جبکہ پوسٹ گریجویٹ سطح پر میٹیریا میڈیکا میں 144، آرگینن میں 138، نفسیات میں 43، ریپرٹری میں 132، کمیونٹی میڈیسن میں 25، تحقیقی طریقۂ کار میں 73، طب کی عملی مشق میں 96، اطفال میں 60، ہومیوپیتھک فارمیسی میں 51 اور جلدی امراض میں 7 افراد نے شرکت کی۔
14. آیوش ایجوکیشن پورٹل کے حوالے سے زون وار صلاحیت سازی بڑھانے والی ورکشاپس منعقد کی گئی ہیں۔
15. جون تا جولائی 2022 کے دوران آن لائن طبی تحقیقی تربیتی پروگرام منعقد کیے گئے، جن میں تقریباً 600 اساتذہ اور 2,300 پوسٹ گریجویٹ طلبہ نے شرکت کی۔
16. 2025 اور 2026 میں قومی اساتذہ اہلیتی امتحان منعقد کیا گیا۔
17. سی بی ڈی سی نصاب کے حوالے سے اساتذہ کی باقاعدہ صلاحیت سازی میں اضافے کی تربیت اور باہمی تبادلۂ خیال کے اجلاس منعقد کیے گئے۔
18. انڈرگریجویٹ اور پوسٹ گریجویٹ طلبہ اور اساتذہ کو تحقیق کرنے اور تحقیقی مقالے شائع کرنے کی ترغیب دے کر شواہد پر مبنی تعلیم کو فروغ دیا گیا ہے۔
19. نئے ہومیوپیتھک طبی کالجوں اور اسپتالوں کے قیام اور انڈرگریجویٹ و پوسٹ گریجویٹ نشستوں میں اضافے کے لیے درخواستیں طلب کی گئی ہیں۔
20. مقررہ معیارات کی تعمیل یقینی بنانے کے لیے ہومیوپیتھک طبی کالجوں اور ان سے منسلک اسپتالوں کا وقتاً فوقتاً معائنہ اور جائزہ لیا جاتا ہے۔

(سی) یوگا کی تعلیم:

آیوش کی وزارت اپنے خودمختار ادارے، مورار جی دیسائی نیشنل انسٹی ٹیوٹ آف یوگا (ایم ڈی این آئی وائی) کے ذریعے یوگا کو فروغ دے رہی ہے۔ ایم ڈی این آئی وائی یوگا کی تعلیم کے لیے مختلف کورسز پیش کرتا ہے۔ ایم ڈی این آئی وائی کی سرگرمیوں اور پروگراموں کی تفصیلات اس کی ویب سائٹ پر دستیاب ہیں۔

یہ معلومات آیوش کے مرکزی وزیر مملکت (آزادانہ چارج) جناب پرتاپ راؤ جادھو نے آج راجیہ سبھا میں ایک تحریری جواب میں دیں۔

******

ش ح ۔ ا ع خ ۔ اک ۔ م ا ۔ ت ا

UR No-2330

 

(ریلیز آئی ڈی: 2301304) وزیٹر کاؤنٹر : 18