আজি নতুন দিল্লীৰ লালকিল্লাৰ প্ৰাচীৰৰ পৰা ৮০ সংখ্যক স্বাধীনতা দিৱস উপলক্ষে জাতিক উদ্দেশ্যি ভাষণ প্ৰদান কৰি প্ৰধানমন্ত্ৰী শ্ৰী নৰেন্দ্ৰ মোদীয়ে ঔষধ নিৰ্মাণ (ফাৰ্মাচিউটিকেল) খণ্ডত সম্পন্ন হোৱা গুৰুত্বপূৰ্ণ কাম-কাজৰ ওপৰত আলোকপাত কৰে আৰু অধিক গোলকীয় উচ্চাকাংক্ষাৰ বাবে আহ্বান জনায়। তেওঁ কয় যে ভাৰতে ঔষধ নিৰ্মাণ খণ্ডত যথেষ্ট কাম কৰিছে; অৱশ্যে, সময়ৰ আহ্বান হ'ল ভাৰতৰ এক বা দুটা ঔষধ কোম্পানীয়ে বিশ্বৰ শীৰ্ষ পাঁচটা ঔষধ কোম্পানীৰ ভিতৰত নিজৰ স্থান দখল কৰিব লাগিব।

প্ৰধানমন্ত্ৰীয়ে সকলো খণ্ডতে বিশ্বজুৰি পৰিচিত ভাৰতীয় ব্ৰেণ্ড গঢ়ি তোলাৰ প্ৰয়োজনীয়তাৰ ওপৰত অধিক গুৰুত্ব আৰোপ কৰে। তেওঁ কয় যে ভাৰতীয় পৰামৰ্শদাতা আৰু একাউণ্টিং প্ৰতিষ্ঠানসমূহেও বিশ্বৰ শীৰ্ষ প্ৰতিষ্ঠানসমূহৰ ভিতৰত স্থান পোৱাৰ আশা ৰখা উচিত, আনহাতে ভাৰতীয় প্ৰযুক্তি কোম্পানীসমূহে বিশ্বৰ আগশাৰীৰ হোৱাৰ লক্ষ্য ৰাখিব লাগে। তেওঁ বিশ্বক আকৰ্ষণ কৰা ব্ৰেণ্ড সৃষ্টি কৰাৰ লগতে ভাৰতীয় ব্ৰেণ্ডসমূহক দেশৰ এক শক্তিশালী পৰিচয় আৰু বিশ্বৰ বাবে এক গন্তব্যস্থান হিচাপে গঢ়ি তুলিবলৈ আহ্বান জনায়।

*****

PC/PM/RD