آج 80ویں یومِ آزادی کے موقع پر نئی دہلی میں لال قلعے کی فصیل سے قوم سے خطاب کرتے ہوئے وزیرِ اعظم جناب نریندر مودی نے دوا سازی کے شعبے میں بھارت کی نمایاں پیش رفت کو اجاگر کیا اور عالمی سطح پر مزید بلند عزائم اختیار کرنے پر زور دیا۔

انہوں نے کہا کہ بھارت نے دوا سازی کے شعبے میں بہت اہم کام کیا ہے، تاہم وقت کا تقاضا ہے کہ ایک یا دو بھارتی دوا ساز کمپنیاں دنیا کی پانچ سرفہرست دوا ساز کمپنیوں میں اپنا مقام بنائیں۔

وزیرِ اعظم نے مزید کہا کہ مختلف شعبوں میں عالمی سطح پر پہچانے جانے والے بھارتی برانڈز قائم کرنے کی ضرورت ہے۔ انہوں نے کہا کہ بھارتی مشاورتی اور اکاؤنٹنگ کمپنیوں کو بھی دنیا کی سرفہرست کمپنیوں میں شامل ہونے کا ہدف رکھنا چاہیے، جبکہ بھارتی ٹیکنالوجی کمپنیوں کو عالمی رہنما بننے کی کوشش کرنی چاہیے۔

انہوں نے ایسی برانڈز تیار کرنے پر زور دیا جو دنیا کو اپنی جانب متوجہ کریں اور کہا کہ بھارتی برانڈز کو ملک کی مضبوط شناخت اور دنیا کے لیے ایک منزل بنانا چاہیے۔

******

ش ح۔ ش ا ر۔ ول

Uno-2174

(रिलीज़ आईडी: 2300121) आगंतुक पटल : 6