કાર્મિક, જાહેર ન્યાય અને પેન્શન મંત્રાલય હેઠળનો પેન્શન અને પેન્શનર્સ કલ્યાણ વિભાગ (DoPPW), 17 ઓગસ્ટ 2026ના રોજ વિજય ભવન, નવી દિલ્હી ખાતે 9મા નેશનલ અનુભવ એવોર્ડ્સ સમારોહ અને 60મી પ્રી-રિટાયરમેન્ટ કાઉન્સેલિંગ (PRC) વર્કશોપનું આયોજન કરશે. આ કાર્યક્રમો કાર્મિક, જાહેર ન્યાય અને પેન્શન મંત્રાલયના રાજ્ય મંત્રી ડૉ. જિતેન્દ્ર સિંહના અધ્યક્ષસ્થાને યોજાશે.

'અનુભવ' પ્લેટફોર્મ કેન્દ્ર સરકારના કર્મચારીઓ, 12 જાહેર ક્ષેત્રની બેંકો અને સેન્ટ્રલ પબ્લિક સેક્ટર એન્ટરપ્રાઇઝિસના નિવૃત્ત થતા/નિવૃત્ત થયેલા કર્મચારીઓને સરકારમાં કામ કરવાના તેમના અનુભવો શેર કરવા માટે એક મંચ પૂરો પાડે છે.

નેશનલ અનુભવ એવોર્ડ્સ સ્કીમ, 2026 માટે પસંદ કરાયેલા 15 એવોર્ડ વિજેતાઓએ રાષ્ટ્ર-નિર્માણમાં યોગદાન આપ્યું છે અને ભારત સરકારના વિવિધ મહત્વાકાંક્ષી પ્રોજેક્ટ્સ જેવા કે પાસપોર્ટ સેવા કેન્દ્ર, જૂના નિયમો રદ કરવા અને વર્તમાન પરિસ્થિતિને અનુકૂળ નવા નિયમો બનાવવા, વહીવટ અને હિસાબી ક્ષેત્રે ટેકનોલોજીકલ અનુકૂલન, ઊર્જા સંરક્ષણ વગેરેમાં ભાગ લીધો છે.

ડૉ. જિતેન્દ્ર સિંહ 9મા નેશનલ અનુભવ એવોર્ડ્સ સમારોહમાં તેમને નેશનલ અનુભવ એવોર્ડ્સ, 2026 એનાયત કરશે.

60મી પ્રી-રિટાયરમેન્ટ કાઉન્સેલિંગ વર્કશોપ મુખ્યત્વે નેશનલ કેપિટલ રીજન (NCR) માં પોસ્ટેડ ભારત સરકારના નિવૃત્ત થતા કર્મચારીઓ માટે નિવૃત્તિ લાભોની સમયસર ચુકવણી માટે જરૂરી પ્રક્રિયાઓની માહિતી જાણવા માટે આયોજિત કરવામાં આવી રહી છે.

આ કાર્યક્રમમાં પેન્શન મિત્ર પરની હેન્ડબુક અને દેશવ્યાપી ડિજિટલ લાઈફ સર્ટિફિકેટ (DLC) અભિયાન 5 ની માર્ગદર્શિકા પણ બહાર પાડવામાં આવશે.

કાર્યક્રમના ભાગરૂપે એક બેંક પ્રદર્શનનું પણ આયોજન કરવામાં આવશે, જ્યાં 17 પેન્શન વિતરણ કરતી બેંકો નિવૃત્ત થતા કર્મચારીઓ માટે ડિઝાઇન કરાયેલી તેમની પ્રોડક્ટ્સ અને સેવાઓનું પ્રદર્શન કરશે.

SM/DK/JD