نائب صدرجمہوریہ اور راجیہ سبھا کے چیئرمین جناب سی پی رادھا کرشنن نے آج عزت مآب (ڈاکٹر) موسی ایم ویتانگولا، ای جی ایچ، ایم پی، کینیا  کی قومی اسمبلی کے اسپیکر، جو بھارت کے دو طرفہ دورے پر کینیا سے پارلیمانی وفد کی قیادت کر رہے ہیں،ان گرمجوشی سے ملاقات کی۔

میٹنگ کے دوران، نائب صدر نے بھارت اور کینیا کے درمیان قریبی پارلیمانی تعلقات پر روشنی ڈالی اور ٹکنالوجی کے حل اور ڈیجیٹل ٹکنالوجی میں اپنے تجربے کو بانٹنے کے لئے بھارت کی تیاری کا اظہار کیا، جس میں ڈیجیٹل ٹکنالوجی کے استعمال کو پیپر لیس پارلیمنٹ کی طرف لے جانا شامل ہے۔ انہوں نے کینیا کے پارلیمانی فرینڈشپ گروپ میں بھارتیہ نژاد ممبر پارلیمنٹ کی موجودگی کو نوٹ کیا اور کینیا کی قومی اسمبلی کے احاطے میں مہاتما گاندھی کا مجسمہ نصب کرنے کی تجویز کو سراہتے ہوئے یاد کیا۔

نائب صدر جمہوریہ نے یاد دلایا کہ عزت مآب وزیر اعظم جناب نریندر مودی نے 2016 میں کینیا کا دورہ کیا تھا، اس کے بعد 2023 میں عزت مآب صدر روٹو کا دورہ بھارت ہوا تھا۔

کینیا کے ساتھ بھارت کی ترقیاتی شراکت داری کا حوالہ دیتے ہوئے نائب صدر نے نوٹ کیا کہ گرانٹ ان ایڈ کی شکل میں کئی پروجیکٹوں پر عمل درآمد کیا گیا ہے، جس میں نیروبی یونیورسٹی کی مہاتما گاندھی گریجویٹ لائبریری کی تجدید کاری اور کینیا نیوی بیس، مٹونگوے میں سی ٹی اسکین انفراسٹرکچر شامل ہے۔ انہوں نے ایبولا وائرس پھیلنے کے دوران بھارت کی مدد کو بھی یاد کیا، جب بھارت نے 4.5 ٹن طبی سامان کی پہلی قسط فراہم کی تھی۔

نائب صدر نے کینیا میں صلاحیت سازی کے لیےبھارت کی مسلسل حمایت پر روشنی ڈالی۔ انہوں نے کہا کہ حکومت ہند تقریباً 400 اسکالرشپس پیش کرتی ہے جس میں مختلف سرکاری وزارتوں کے تربیتی کورس بھی شامل ہیں۔ انہوں نے مزید بتایا کہ کینیا کے 20 سفارت کار بھارت میں صلاحیتوں کی ترقی سے گزر رہے ہیں۔ انہوں نے بتایا کہ طویل مدتی کورسز کے لیے آئی سی سی آر اسکالرشپ کو 80 سے بڑھا کر 100 سالانہ کر دیا گیا ہے۔

نائب صدر نے کینیا میں ڈیجی لاکر پائلٹ پروجیکٹ کے معاہدے پر بھی روشنی ڈالی، جس پر نئی دہلی میں اے آئی امپیکٹ سمٹ کے دوران دستخط کیے گئے تھے۔ انہوں نے مزید کہا کہبھارت اور کینیا کی ٹیمیں کینیا کے لیےگتی شکتی پروجیکٹ پر کام کر رہی ہیں۔

نائب صدر نے 2028-29 کی مدت کے لیے اقوام متحدہ کی سلامتی کونسل میں غیر مستقل نشست کے لیے بھارت کی امیدواری کی حمایت کرنے کے لیے کینیا کا شکریہ ادا کیا۔ انہوں نے اقوام متحدہ کی سلامتی کونسل میںبھارت کی مستقل رکنیت کے لیے کینیا کی حمایت طلب کی۔

دونوں ممالک کے درمیان تاریخی تعلقات پر زور دیتے ہوئے نائب صدر نے کہا کہبھارت اور سواحلی ساحل کے درمیان ایک دوسرے کے فائدے کے لیے اچھی طرح سے تجارتی راستے قائم ہیں۔ انہوں نےبھارت کی امید کا بھی اظہار کیا کہ کینیا انٹرنیشنل سولر الائنس اور انٹرنیشنل بگ کیٹ الائنس میں شامل ہوگا۔

نائب صدر جمہوریہ نےبھارت اور کینیا کے درمیان صدیوں پرانے لوگوں سے عوام کے تعلقات کو بھی اجاگر کیا اور کہا کہ انہیں یہ جان کر خوشی ہوئی کہ بھارتیہ تارکین وطن کو کینیا کے 44ویں قبیلے کے طور پر تسلیم کیا گیا ہے۔

میٹنگ کے اختتام پر نائب صدر جمہوریہ نے کینیا کے پارلیمانی وفد کا بھارت کا دورہ کرنے پر شکریہ ادا کیا اور خوشگوار اور نتیجہ خیز قیام کے لیے اپنی نیک خواہشات کا اظہار کیا۔ انہوں نے یقین ظاہر کیا کہ یہ دورہ پارلیمانی مصروفیات کو مزید گہرا کرے گا اوربھارت اور کینیا کے درمیان جامع شراکت داری کو مضبوط بنانے میں تعاون کرے گا۔

***

(ش ح۔اص)

UR No 2058