PIB Backgrounder
মাইক্রো, স্মোল অমসুং মেদিয়ম ইন্তর্প্রাইজ দিবেলপমেন্ত (এমেন্দমেন্ত) বিল, ২০২৬
प्रविष्टि तिथि:
11 AUG 2026 6:05PM by PIB Imphal
চাউখৎলক্লিবা এম.এস.এম.ই. সেক্তরগীদমক রিফোর্মশিং
|
মাইক্রো, স্মোল অমসুং মেদিয়ম ইন্তর্প্রাইজেস দিবেলপমেন্ত (এমেন্দমেন্ত) বিল, ২০২৬ অসি পার্লিয়ামেন্তনা ওগস্ত ২০২৬তা পাস তৌখি। মসিনা হৌজিক লৈরিবা এম.এস.এম.ই.দি. এক্ত, ২০০৬ অসি এম.এস.এম.ই. সেক্তরগী মথৌ তাবশিংগা চান্নহন্নবা শেমদোক্লে। অহোংবশিং অসিনা পেমেন্তগা মরী লৈনবা অথিংবা অপনবা লৈবশিং হন্থহন্নবা, মতম চানা ৱারোইশিন পুরক্নবা অমসুং কমপ্লাইয়েন্স লায়থোকহন্নবা পান্দম থম্লি। মখোয়গী পাক-চাউরবা পান্দমদি ইজ ওফ দুইং বিজিনেস প্রমোত তৌরগা এম.এস.এম.ই.শিংগী গ্রোথ, দিবেলপমেন্ত অমসুং কম্পিতিতিবনেসবু ফেসিলিতেত তৌবা হায়বসিনি।
|
Introduction
এম.এস.এম.ই. দিবেলপমেন্ত (এমেন্দমেন্ত) বিল, ২০২৬ অসি পার্লিয়ামেন্তনা ওগস্ত ২০২৬তা পাস তৌখি। মসিগী এমেন্দমেন্ত অসিগী মরুওইবা অসি সেক্তর অসিনা ভারতকী শেন্মিৎলোনদা লৌরিবা থৌদাং হেনগৎলকপদগীনি। মাইক্রো, স্মোল অমসুং মেদিয়ম ইন্তর্প্রাইজ দিবেলপমেন্ত এক্ত (এম.এস.এম.ই.দি. এক্ত) অসি ২০০৬দা নোতিফাই তৌখি। মতম অদুদগী হৌনা, এম.এস.এম.ই. ইকোসিস্তেম অসি স্কেল, দাইবর্সিতী অমসুং দিজিতেলগী লমদা পাকথোক চাউথোকখ্রে।
ইকোনোমিক সর্ভে ২০২৫-২৬গী মতুং ইন্না, এম.এস.এম.ই.না জি.দি.পি.গী ৩১.১%, মেন্যুফেকচরিং আউতপুতকী ৩৫.৪% অমসুং এক্সপোর্তকী ৪৮.৫৮% ওইরি। ২০২৬গী ওগস্ত ফাওবদা, এম.এস.এম.ই. করোর ৯.১৬না উদয়ম প্লেৎফোর্মদা রেজিস্তর তৌখ্রে, মসিনা মীওই করোর ৪০ হেন্না থবক পীরি। তেক্নোলোজিগী খুমাং চাওশিল্লকপা অমসুং আই.তি.না মতেং পাংলিবা সিস্তেমশিংনা এম.এস.এম.ই. লেন্দস্কেপতা অওনবা পুরকখি। হায়রিবা ইন্তর্প্রাইজশিং অসি হৌজিক্তি খুঙ্গংগী, সেমি-অর্বান অমসুং অর্বানগী মফমশিংদা থবক তৌরি অমসুং ফোর্মেল সপ্লাই চেনশিংদা হেন্না হকথেংননা শরুক য়ারি।
এম.এস.এম.ই. দিবেলপমেন্ত (এমেন্দমেন্ত) বিল, ২০২৬ অসি মসিগী য়ুম্ফম অসিদা শেমগৎপনি। মসিগী পান্দমদি সেক্তর অসিগী হোংলক্লিবা মথৌ তাবশিং অমসুং মসিগী হেনগৎলক্লিবা শেন্মিৎলোনগী মরুওইবশিংগা লোয়ননা লিগেল ফ্রেমৱার্ক অসি মান্নহন্নবা হোৎনবনি।
Changes introduced in the Bill
২০২৬ বিল অসিনা এম.এস.এম.ই.দি. এক্ত, ২০০৬গী মখাদা অখন্নবা প্রোভিজন খরা শেমদোক্লে। রিফোর্মগী মরুওইবা লমশিংগী অকুপ্পা মরোলশিং মখাদা পীরি:
|
রিফোর্মগি লমশিং
|
মাইক্রো, স্মোল অমসুং মেদিয়ম ইন্তর্প্রাইজ দিবেলপমেন্ত এক্ত, ২০০৬
|
মাইক্রো, স্মোল অমসুং মেদিয়ম ইন্তর্প্রাইজ দিবেলপমেন্ত (এমেন্দমেন্ত) বিল, ২০২৬
|
|
এম.এস.এম.ই. ক্লাসিফিকেসন
|
এম.এস.এম.ই.শিং অসি মখাদা পীরিবা ইনভেস্তমেন্ত থ্রেশহোল্দশিংগী মতুং ইন্না কাঙলুপ খায়দোকই:
a. মেন্যুফেকচরিংদা প্লান্ত অমসুং মেছিনরী; অমসুং
b. সর্ভিসশিংদা ইক্বিপমেন্ত।
|
এম.এস.এম.ই.শিং অসি মখাদা পীরিবা অসিগী মতুং ইন্না কাঙলুপ খায়দোকই:
a. প্লান্ত অমসুং মেছিনরী নত্রগা ইক্বিপমেন্ততা ইনভেস্তমেন্ত; অমসুং
b. তর্নওভর।
|
|
এম.এস.এম.ই. রেজিস্ত্রেসন
|
মেন্যুফেকচরিংদা থবক তৌরিবা মেদিয়ম ইন্তর্প্রাইজশিংনা অখন্নবা ওথোরিতি অমদা মেমোরেন্দম অমা ফাইল তৌবগী মথৌ তাই। মেমোরেন্দম ফাইল তৌবা অসি অতৈ এম.এস.এম.ই.শিংগীদমক্তা ভোলুন্তরি ওই।
|
বিল অসিনা মেমোরেন্দম ফাইল তৌবা অসি এম.এস.এম.ই. পুম্নমক্কীদমক লেম্না অমসুং মশা-মশানা ভোলন্তরি ওইনা তৌবা য়াহল্লি।
সেন্ত্রেল গবর্নমেন্তনা মসিগীদমক্তা নেস্নেল প্লেতফোর্ম অমা নোতিফাই তৌগনি। রাজ্য সরকারশিংনা রাজ্যগী দিজিতেল প্লেতফোর্মশিংসু খঙহনবসু য়াই।
স্তেত স্কিমগী কান্নবশিং অসি নেস্নেল অমসুং স্তেত লেবেল প্লেতফোর্মদা রেজিস্তর তৌরবা এম.এস.এম.ই.শিংদা পীবা য়াই।
|
|
ত্রেদ রিসীভেবল দিসকাউন্তিং সিস্তেম (তি.আর.ই.দি.এস.)কী খুত্থাংদা পেমেন্তশিং তৌবা
|
বিল অসিদা অনৌবা প্রোভিজন অমা পুথোক্তুনা ৱারোইশিন পুরকপা।
|
সেন্ত্রেল পব্লিক সেক্তর ইন্তর্প্রাইজেস (সি.পি.এস.ই.শিং) পুম্নমক্না এম.এস.এম.ই.শিংদগী পোৎলমশিং অমসুং সর্বিসশিং তি.আর.ই.দি.এস. প্লেতফোর্মগী খুত্থাংদা লৌরিবা ইনভোইসশিং সেতল তৌগদবনি। মসিগী পান্দমদি এম.এস.এম.ই.শিংনা থেংনরিবা পেমেন্তকা মরী লৈনবা ইসুশিং কোকহন্নবনি।
স্তেতশিংনা মখোয়গী পব্লিক সেক্তর ইন্তর্প্রাইজশিং (পি.এস.ই.শিং), ওথোরিতীশিং, নত্রগা এন্তিতীশিংবু ইনভোইস সেতলমেন্তগীদমক তি.আর.ই.দি.এস. শীজিন্ননবা ওর্দর পীবা য়াই।
|
|
মাইক্রো অমসুং স্মোল ইন্তর্প্রাইজেস ফেসিলিতেসন কাউন্সিল (এম.এস.ই.এফ.সি.শিং) ফ্রেমৱার্ক
|
রাজ্য সরকারশিংনা এম.এস.ই. ফেসিলিতেসন কাউন্সিল অমা নত্রগা অমদগী হেনবা লিংখৎপা য়াই।
|
রাজ্য সরকারশিংনা পেমেন্তকা মরী লৈনবা ৱাথোকশিং অথুবা মতমদা লোইশিন্নবা এম.এস.ই.এফ.সি. কয়া অমা লিংখৎপা য়াই। মথৌ তাবা মতুং ইন্না ফিজিকেল ইনফ্রাস্ত্রকচর, দিজিতেল সিস্তেম অমসুং ত্রেনিং পীরবা মীওইশিং য়াওনা মতিক চাবা ইনফ্রাস্ত্রকচর অমসুং রিসোর্সশিং ফংহন্নবা মখোয়দা শক্তি পীরি।
|
|
মেদিয়েসন অমসং আর্বিত্রেসন
|
এম.এস.ই.এফ.সি.শিং নৎত্রগা রেফর তৌরবা মেদিয়েসন সর্ভিস প্রোভাইদরশিংনা মেদিয়েসনগী খুত্থাংদা পেমেন্তগী ৱাথোকশিং লোইশিন্নবা অয়াবা পীরি।
করিগুম্বামেদিয়েসন অমা মাইপাকপা ঙমদ্রবদি, ৱাথোক অদু আরবিত্রেসনগীদমক্তা রিফর তৌবা য়াই।
|
সেন্ত্রেল গবর্নমেন্তনা ওনলাইন মেদিয়েসন নত্রগা আরবিত্রেসন পাংথোক্নবগীদমক ওনলাইন মেকানিজম অমা লিংখৎপা য়াই।
মেদিয়েসন অমসুং আরবিত্রেসনগীদমক অকক্নবা মতমগী পরিংশিং হৌদোক্লে:
- এম.এস.ই.এফ.সি. নত্রগা মেদিয়েসন সর্ভিস প্রোভাইদরনা মেদিয়েসন অদু অহানবা ওইনা হাংবগীদমক লেপখিবা তাংদগী নুমিৎ ৯০নিগী মনুংদা লোইশিনগদবনি।
- করিগুম্বা মেদিয়েসন অসি লোইশিনখ্রবদি, এম.এস.ই.এফ.সি.না নুমিৎ ৩০নিগী মনুংদা ৱাফম অদু আরবিত্রেসনগীদমক রিফর তৌগদবনি।
- এম.এস.ই.এফ.সি. নত্রগা ইন্সতিত্যুসন নত্রগা সেন্তর অমনা দিসপ্যুতকী অতোপ্পা সোলুসন সর্ভিসশিং পীবা মতমদা, পীশিনলবা মতুং নুমিৎ ৯০নিগী মনুংদা অরবিত্রেল এৱার্দ অদু পীগদবনি।
|
|
ৱাথোক্কী ৱারোইশিন
|
কাউন্সিলগী ওর্দর/এৱার্দ অমবু লৌথোক্নবা এপ্লিকেসন অসি পীখ্রবা শেনফমগী ৭৫% দিপোজিৎ তৌরবা মতুংদা কোর্টতা পীশিনবা য়াই।
|
বিল অসিনা অসিগুম্বা এপ্লিকেসনশিং অসিসু অয়াবা পীরি। এপ্লিকেসন অদু পন্দিং তৌরিঙৈদা, দিপোজিৎ তৌরবা শেনফম অদুগী মতিক চাবা শরুক অমবু এম.এস.এম.ই. সপ্লাইয়র অদুদা শেল থাদনবা কোর্তনা ওর্দর পীবা য়াই।
দিরেক্ত, এদ্রেস নত্রগা ওর্দর অমবু লৌথোক্নবা হায়জরকপা অদু থা তরুকতগী হেন্না লেপ্তুনা লৈরবদি কোর্তশিংনা এম.এস.ই. সপ্লাইয়রশিংদা পেমেন্ত পীনবা খঙহনগনি। পীগদবা শেনফম অদু পীরিবা শেনফম অদুগী য়ামদ্রবদা ৫০% ওইগদবনি।
|
|
দ্যুশিং খোমগৎপা
|
বিল অসিদা অনৌবা প্রোভিজন অমা পুথোক্তুনা ৱারোইশিন পুরকপা।
|
মেদিয়েতেদ সেতলমেন্ত এগ্রিমেন্ত নত্রগা অরবিত্রেল এৱার্দ অসি ‘লেন্দ রিভিন্যুগী এরিয়রশিং’ ওইনা খোমগৎপা য়াই। ফেসিলিতেসন কাউন্সিলনা, মেদিয়েসন সর্ভিস প্রোভাইদর অমনা নত্রগা অতোপ্পা দিসপ্যুত রিজোলুসন ইন্সতিত্যুসন অমনা সেক্সন ১৮গী মখাদা পীবা এগ্রীমেন্ত নত্রগা এৱার্দশিংদা মসি চৎনগনি।
দিস্ত্রিক্ত কলেক্তর, দিপুতি কম্মিস্নর নত্রগা অতোপ্পা নোতিফাই তৌরবা ওথোরিতীগী খুত্থাংদা রিকোভরী তৌবা য়াই। নোতিফাই তৌরবা ওথোরিতিনা বায়রগী এসেতশিং লৈবা মফম অদুদা জুরিসদিক্সন লৈগদবনি।
|
|
মরালশিংগী দিক্রিমিনেলাইজেসন
|
খঙনা খঙনা অরানবা রেজিস্ত্রেসন ইনফোর্মেসন পীবনা অহানবা কনভিক্সনগীদমক ₹১,০০০ অমসুং মতুংগী কনভিক্সনগীদমক ₹১০০,০-₹১০,০০০ ফাইন লৌবা য়াই।
চহিগী একাউন্তশিংদা এম.এস.এম.ই. সপ্লাইয়রশিংদা পীদ্রবা শেনফমগী রিপোর্ত তৌদবনা য়ামদ্রবদা ₹১০,০০০গী ফাইন লৌবা য়াই।
|
রেজিস্ত্রেসন ফাইল তৌদবা নত্রগা ইনফোর্মেসন পীরক্তবা: মমাংদা, অসিগুম্বা কাংলোনশিং অসি থুগাইবনা কনভেনসন অমসুং ফাইন লৌবা থোকই। পেনাল দিভিজনশিং অসি হৌজিক দি-ক্রিমিনেলাইজ তৌখ্রে।
অরানবা ইনফোর্মেসন পীবা: অহানবা ইন্সতেন্সগীদমক ৱার্নিং অমা পীগনি, মসিগী মতুংদা অনিশুবা অমসুং মখাতাবা ইন্সতেন্সগীদমক পেনাল্তী অমা পীগনি।
বায়রশিংনা পীথোক্ত্রিবা তাকথোক্তবা: মসিনা অহানবা ইন্সতেন্সগীদমক ৱার্নিং অমা, অনিশুবা ইন্সতেন্সগীদমক পেনাল্তী অমা অমসুং অহুমশুবা অমসুং মথংগী ইন্সতেন্সগীদমক ফাইন অমা পী।
|
Digital and Institutional Support
বিল অসিনা হৌদোক্লিবা রিফোর্মশিং অসি দিজিতেল প্লেতফোর্মশিং অমসুং এম.এস.এম.ই. ইকোসিস্তেম পুম্বদা ইন্সতিত্যুস্নেল মেকানিজমশিং অসিনা মতেং পাংলি।
ফোর্মেল রিকোগনিসন পাকথোক চাউথোকহনবা: উদ্যম রেজিস্ত্রেসন পোর্তেলনা এম.এস.এম.ই.শিংদা ওফিসিয়েল রিকোগনিসন অমা লেম্না, পেপরলেস অমসুং সেল্ফ-দিক্লেরেসনদা য়ুম্ফম ওইবা ওনলাইন প্রোসেস অমগী খুত্থাংদা পীরি।
উদ্যম এসিস্ত প্লেতফোর্মনা ইনফোর্মেল মাইক্রো এন্তর্প্রাইজশিংবু ফোর্মেল ওইনা শকখঙনদুনা মসিগী অনৌবা খোংথাং অসিবু মপুং ফাহল্লি। ওথোরাইজ তৌরবা পার্তনরশিংনা ভেরিফাই তৌরবা দেতাদা য়ুম্ফম ওইদুনা, মসিদা জি.এস.তি. রেজিস্ত্রেসন তৌদ্রবা নত্রত্রগা ইনকম তেক্স সিস্তেমগী মখাদা কোনশিনদ্রবা এন্তর্প্রাইজশিং য়াওরি।
ফাইনান্সিংদা এক্সেস ফগৎহনবা: তি.আর.ই.দি.এস. অসি এম.এস.এম.ই.শিংদা ত্রেদ রিসিভেবলশিং ফাইনান্সিং তৌবা নত্রগা দিসকাউন্ত তৌবদা মতেং পাংলিবা ইলেক্ত্রোনিক প্লেতফোর্ম অমনি। মসিনা রিজর্ব বেঙ্ক ওফ ইন্দিয়ানা পীবা গাইদলাইনশিং অদুগী মতুং ইন্না মথৌ তৌই। প্লেতফোর্ম অসিগী খুত্থাংদা দিসকাউন্ত তৌরবা ইনভোইসশিংগী ভেল্যু অসি ২০২২-২৩দা লুপা করোর ৪০,০০০দগী ২০২৫-২৬দা লুপা করোর লাখ ৩.৪৭দা হেনগৎলে।
ওনলাইন দিসপ্যুত রিজোলুসন (ও.দি.আর.) য়াহনবা: ও.দি.আর. পোর্তেল অসি জুন ২০২৫দা হৌদোকখি। মসিনা এম.এস.ই.শিংদা অপীকপা ভেল্যুগী ক্লেমশিং য়াওনা লেপ্পা পেমেন্তগী ৱাথোকশিং ৱারোইশিন পুরক্নবা মমল হোংবা, এন্দ-তু-এন্দ দিজিতেল মেকানিজম অমা পীরি।
এম.এস.ই.এফ.সি. নেতৱার্ক মপাঙ্গল কনখৎহনবা: রাজ্য অমসুং য়ুনিয়ন তেরিতোরীশিংদা এম.এস.ই.এফ.সি. ১৬১ লিংখৎখ্রে। এম.এস.ই.এফ.সি.শিং অসি মাইক্রো অমসুং স্মোল ইন্তর্প্রাইজেসশিংনা থেংনরিবা পেমেন্ত থেংথবগী ৱাথোকশিং য়েংশিন্নবা লিংখৎলিবনি।
The MSME Development (Amendment) Bill, 2026 seeks to strengthen the foundations of an MSME’s journey from a small enterprise to a growing business. It provides for a stronger regulatory framework to help MSMEs operate and expand in an evolving business environment.
এম.এস.এম.ই. দিবেলপমেন্ত (এমেন্দমেন্ত) বিল, ২০২৬না এম.এস.এম.ই.না অপীকপা এন্তর্প্রাইজ অমদগী হৌরগা চাউখৎলক্লিবা ব্যুজিনেস অমা ওইরকপগী য়ুম্ফম অদু মপাঙ্গল কনখৎহন্নবা হোৎনরি। মসিনা এম.এস.এম.ই.শিং অসি চাউখৎলক্লিবা বিজিনেস এনভাইরনমেন্ত অমদা মথৌ তৌহনবদা অমসুং পাকথোক চাউথোকহনবদা মতেং পাংনবা হেন্না মপাঙ্গল লৈবা রেগ্যুলেতরী ফ্রেমৱার্ক অমা শেমগৎলি।
রিফরেন্সশিং:
রাজ্য সভা:
https://sansad.in/rs/legislation/bills
মাইক্রো, স্মোল অমসুং মেদিয়ম এন্ত্রপ্রাইজশিংগী মন্ত্রালয়:
https://www.pib.gov.in/PressReleasePage.aspx?PRID=2296358®=48&lang=1
https://www.pib.gov.in/PressReleasePage.aspx?PRID=2209712&lang=1®=3
https://www.pib.gov.in/PressReleasePage.aspx?PRID=2284414®=3&lang=1
ফাইনান্স মন্ত্রালয়:
https://www.pib.gov.in/PressReleasePage.aspx?PRID=2219984®=48&lang=2
পি.আই.বি. আর্কাইবশিং:
https://www.pib.gov.in/PressReleasePage.aspx?PRID=2278107®=48&lang=2
https://www.pib.gov.in/PressReleasePage.aspx?PRID=2260904&lang=1®=3
অতোপ্পশিং:
https://prsindia.org/billtrack/the-micro-small-and-medium-enterprises-development-amendment-bill-2026
পি.দি.এফ. য়েংবীনবগীদমক্তা অসিদা ক্লিক তৌবীয়ু
****
(रिलीज़ आईडी: 2298956)
आगंतुक पटल : 7