جے پور، 12 اگست 2026

خزانہ اور کمپنی امور کی مرکزی وزیر محترمہ نرملا سیتا رمن نے آج جے پور میں منعقد ہونے والے برکس وزرائے خارجہ اور مرکزی بینک کے گورنرز (ایف ایم سی بی جی) کے اجلاس کے موقع پر، "رکن ممالک میں نجی سرمائے کو متحرک کرنے میں نیو ڈیولپمنٹ بینک کا کردار" کے عنوان پر منعقدہ سیمینار میں کلیدی خطاب کیا۔

عزت مآب محترمہ دلما روسیف نے ایک خصوصی خطاب کیا، جس میں وزارتِ مالیات کے محکمہ اقتصادی امور (ڈی ای اے) کی سیکرٹری محترمہ انورادھا ٹھاکر، اور فکی کے سینئر نائب صدر جناب وجے شنکر نے شرکت کی۔

اپنے کلیدی خطاب میں، مرکزی وزیرِ خزانہ نے اس بات کو اجاگر کرتے ہوئے پس منظر واضح کیا کہ کثیر الجہتی ترقیاتی بینک سرمایہ کاری کے خطرات کو کم کرنے، منصوبوں کی بینکیبلٹی کو بڑھانے، اور سرمایہ کاروں کا اعتماد مضبوط کرنے میں انتہائی اہم کردار ادا کرتے ہیں تاکہ نجی سرمائے کو بڑے پیمانے پر متحرک کیا جا سکے۔

بھارت کے تجربے کا ذکر کرتے ہوئے، محترمہ سیتا رمن نے کہا کہ حکومتِ ہند نے مسلسل عوامی سرمایہ کاری اور تکمیلی ساختی اصلاحات کے ذریعے اپنے بنیادی ڈھانچے کے نظام کو مضبوط کیا ہے۔ انہوں نے کہا کہ ایک دہائی قبل کے مقابلے میں سرکاری سرمایہ کاری میں نمایاں اضافہ ہوا ہے، جو شاہراہوں، ریلوے، بندرگاہوں، لاجسٹکس سسٹمز، ڈیجیٹل انفراسٹرکچر اور انرجی نیٹ ورکس میں منافع بخش قومی اثاثے تیار کرنے کی ایک سوچی سمجھی حکمت عملی کی عکاسی کرتا ہے۔

وزیرِ خزانہ محترمہ سیتا رمن نے واضح کیا کہ حکومتِ ہند کا یہ ماننا ہے کہ سرکاری سرمائے کو ایک محرک کے طور پر کام کرنا چاہیے—نہ کہ نجی سرمایہ کاری کے متبادل کے طور پر، اور اسی اصول کے تحت، حکومتِ ہند نے متعدد اصلاحات کی ہیں:

• وائبلٹی گیپ فنڈنگ : مالی طور پر کمزور لیکن سماجی طور پر سودمند (ضروری) منصوبوں کی مالی مدد کے لیے۔
• ہائبرڈ اینوٹی ماڈل : سڑکوں کے بنیادی ڈھانچے میں خطرات کی متوازن شراکت داری کو یقینی بنانے کے لیے۔
• کریڈٹ انہانسمنٹ کے طریقے:  منصوبوں کی بینکیبلٹی (مالیاتی فنڈنگ حاصل کرنے کی صلاحیت) کو بہتر بنانے کے لیے۔
• انفراسٹرکچر انویسٹمنٹ ٹرسٹس : سرمائے کی ری سائیکلنگ اور طویل مدتی ادارہ جاتی سرمایہ کاروں کو راغب کرنے کے لیے۔
• نیشنل انفراسٹرکچر پائپ لائن:  سرمایہ کاروں کو طویل مدتی منصوبوں کی واضح معلومات فراہم کرنے کے لیے۔
• پی ایم گتی شکتی - ملٹی موڈل کنیکٹیویٹی کے لیے نیشنل ماسٹر پلان:  مختلف شعبوں کے درمیان تال میل اور کارکردگی کو بہتر بنانے کے لیے۔

اس بنیاد کو آگے بڑھاتے ہوئے، مرکزی وزیرِ خزانہ نے مطلع کیا کہ مرکزی بجٹ 27-2026 میں نجی شعبے کی سرمایہ کاری کو آسان بنانے کے لیے کئی ہدف شدہ اقدامات متعارف کرائے گئے ہیں، جن میں درج ذیل شامل ہیں:

• نئے مخصوص مال بردار راہداریاں
• نئے تیز رفتار ریل راہداریاں
• نئے قومی آبی گزرگاہوں کو فعال کرنا، اور
• ساحلی کارگو فروغ کی اسکیم

وزیرِ خزانہ محترمہ سیتا رمن نے اس بات کا اعتراف کیا کہ اگرچہ برکس معیشتیں عالمی معیشت کے فروغ میں بنیادی محرک کی حیثیت رکھتی ہیں، لیکن بڑے پیمانے پر نجی سرمائے کو متحرک کرنے میں انہیں یکساں ساختی رکاوٹوں کا سامنا ہے۔ چیلنج محض سرمائے کی دستیابی کا نہیں ہے، بلکہ اعتماد، استحکام، پائیداری، اور قابلِ اعتبار طویل مدتی فریم ورکس کا قیام ہے، جو رکن ممالک میں نجی شعبے کی مستقل شرکت کی راہ ہموار کرنے کے لیے ناگزیر ہیں۔

مرکزی وزیرِ خزانہ نے اپنے کلیدی خطاب کا اختتام اس بات پر زور دیتے ہوئے کیا کہ ترقیاتی فنڈنگ کا مستقبل شراکت داری میں مضمر ہے۔ کثیر الجہتی ادارے، قومی حکومتیں، اور نجی شعبہ، ہر ایک اپنے ساتھ منفرد اور الگ صلاحیتیں لاتے ہیں۔

قبل ازیں اپنے استقبالیہ خطاب میں، سکریٹری، اقتصادی امور، محترمہ انورادھا ٹھاکر نے کہا کہ آج ہونے والا سیمینار خاص طور پر متعلقہ ہے کیونکہ ترقیاتی فنانس ایک ایسے مرحلے میں داخل ہوتا ہے جہاں پیمانے کو لچک کے ساتھ ملایا جانا چاہیے۔ سرمائے کی نقل و حرکت کا انحصار صرف سازگار حالات پر نہیں ہو سکتا۔ اسے ایسے فریم ورک میں لنگر انداز ہونا چاہیے جو برداشت کریں۔ اس طرح کے فریم ورک کو مضبوط بنانا وہ جگہ ہے جہاں کثیر جہتی تعاون دیرپا قدر بڑھا سکتا ہے۔

اس سیمینار میں سینئر پالیسی سازوں، کثیر الجہتی اداروں اور نجی شعبے کے رہنماؤں کو ایک ساتھ اکٹھا کیا گیا، جس کے بعد ایک تفصیلی پینل ڈسکشن ہوا جس میں آئی آر ڈی اے آئی کے چیئرمین جناب اجے سیٹھ، این ڈی بی کے وائس پریذیڈنٹ مسٹر رومن سیروف، سرٹریڈنگ سے مسٹر الیسانڈرو ٹیکسیرا، ٹینسنٹ کے سینئر ایڈوائزر مسٹر یونگ پنگ ژائی، ٹاٹا کیپیٹل ڈیکاربنائزیشن فنڈ سے مسٹر پنکج سندوانی اور برکس ممالک، مالیاتی اداروں، تھنک ٹینکس اور تعلیمی اداروں کے دیگر نمائندوں نے شرکت کی۔

**********

 (ش ح –ا ب ن)

U.No:1959