ಸಂಸದೀಯ ವ್ಯವಹಾರಗಳ ಸಚಿವಾಲಯವು ʻರಾಷ್ಟ್ರೀಯ ಯುವ ಸಂಸತ್ ಯೋಜನೆʼಯ (ಎನ್‌ವೈಪಿಎಸ್) ವೆಬ್ ಪೋರ್ಟಲ್‌ನ ನವೀಕರಿಸಿದ ಆವೃತ್ತಿ - ʻಎನ್‌ವೈಪಿಎಸ್-2.0ʼ ಅನ್ನು 2024ರ ಸೆಪ್ಟೆಂಬರ್ 11 ರಂದು ಆರಂಭಿಸಿತು. ಮಾನ್ಯತೆ ಪಡೆದ ಸಂಸ್ಥೆಗಳ ವಿದ್ಯಾರ್ಥಿಗಳಿಗೆ ಮಾತ್ರ ಸೀಮಿತವಾಗಿದ್ದ ಹಿಂದಿನ ಆವೃತ್ತಿಗಿಂತ ಭಿನ್ನವಾಗಿ, ʻಎನ್‌ವೈಪಿಎಸ್ 2.0ʼ ದೇಶಾದ್ಯಂತ ಎಲ್ಲಾ ಶಿಕ್ಷಣ ಸಂಸ್ಥೆಗಳು, ಗುಂಪುಗಳು ಮತ್ತು ನಾಗರಿಕರಿಗೆ ಮುಕ್ತವಾಗಿದೆ. ಪ್ರಾರಂಭವಾದಾಗಿನಿಂದ, ಪೋರ್ಟಲ್‌ನಲ್ಲಿ ಪ್ರತಿ ವಿಧಾನದ ಅಡಿಯಲ್ಲಿ ಸಾಂಸ್ಥಿಕ, ಗುಂಪು ಮತ್ತು ವೈಯಕ್ತಿಕ ನೋಂದಣಿಗಳನ್ನು ದಾಖಲಿಸಲಾಗಿದ್ದು, ಸಭೆಗಳನ್ನು ನಡೆಸಲಾಗಿದೆ. ಅದರ ವಿವರಗಳು ಈ ಕೆಳಗಿನಂತಿವೆ:

ವಿವಿಧ ಸಚಿವಾಲಯಗಳ 42 ಸಲಹಾ ಸಮಿತಿಗಳ ವಿವರಗಳು ʻಸಂಸದೀಯ ವ್ಯವಹಾರಗಳ ಸಚಿವಾಲಯದ ಸಲಹಾ ಸಮಿತಿ ನಿರ್ವಹಣಾ ವ್ಯವಸ್ಥೆʼ(ಸಿಸಿಎಂಎಸ್) ಪೋರ್ಟಲ್‌ - https://oams.nic.in/ccms/index.aspx, ನಲ್ಲಿ ಲಭ್ಯವಿದೆ, ಈ ದಾಖಲೆಯು ಪ್ರವೇಶಮುಕ್ತವಾಗಿದೆ.

ʻಎನ್‌ವೈಪಿಎಸ್ʼ ವೆಬ್ ಪೋರ್ಟಲ್‌ನ ವ್ಯಾಪ್ತಿಯನ್ನು ಬಲಪಡಿಸಲು, ಸಚಿವಾಲಯವು ಎಲ್ಲಾ ರಾಜ್ಯ ಸರ್ಕಾರಗಳು, ಕೇಂದ್ರಾಡಳಿತ ಪ್ರದೇಶಗಳ ಆಡಳಿತಗಳಿಗೆ ಪತ್ರ ಬರೆದಿದೆ; ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳ ಶಾಸಕಾಂಗಗಳು; ವಿವಿಧ ಶಿಕ್ಷಣ ಮಂಡಳಿಗಳು (ಸಿಬಿಎಸ್ಇ, ಸಿಐಎಸ್‌ಸಿಇ) ಮತ್ತು ಪ್ರಚಾರ ವೀಡಿಯೊ ಟ್ಯುಟೋರಿಯಲ್ ಅನ್ನು ʻಸಂಸದ್ ಟಿವಿʼಯಲ್ಲಿ ಕಾಲಕಾಲಕ್ಕೆ ಪ್ರಸಾರ ಮಾಡಲಾಗುತ್ತದೆ. ಮಧ್ಯಸ್ಥಗಾರರ ಅಗತ್ಯಕ್ಕೆ ಅನುಗುಣವಾಗಿ ʻಸಿಸಿಎಂಎಸ್ʼ ಪೋರ್ಟಲ್ ಅನ್ನು ಕಾಲಕಾಲಕ್ಕೆ ನಿರಂತರವಾಗಿ ಡಿಜಿಟಲ್ ಆಗಿ ನವೀಕರಿಸಲಾಗುತ್ತಿದೆ.

ಸಂಸದೀಯ ವ್ಯವಹಾರಗಳ ಸಹಾಯಕ ಸಚಿವರಾದ ಡಾ.ಎಲ್.ಮುರುಗನ್ ಅವರು ಇಂದು ರಾಜ್ಯಸಭೆಯಲ್ಲಿ ಲಿಖಿತ ಉತ್ತರದಲ್ಲಿ ಈ ಮಾಹಿತಿಯನ್ನು ನೀಡಿದ್ದಾರೆ.

*****