மத்தியப் பிரதேசம் முழுவதும் ரயில் இணைப்பை வலுப்படுத்தும் ஒரு முக்கிய நடவடிக்கையாக, இட்டார்சி-மதன் மஹால் இடையேயான தினசரி ரயில் எண் 51673/51674 பயணிகள் சேவையை அறிமுகப்படுத்த ரயில்வே ஒப்புதல் அளித்துள்ளது. இந்தப் புதிய பயணிகள் சேவையானது, இட்டார்சி - ஜபல்பூர் (மதன் மஹால்) இடையேயான ரயில் இணைப்பை வலுப்படுத்துவதோடு,  பயண வசதியை மேம்படுத்தும்.

51673 எண் கொண்ட இட்டார்சி-மதன் மஹால் பயணிகள் ரயில், இட்டார்சி சந்திப்பிலிருந்து காலை 11:40 மணிக்கு புறப்பட்டு, மதன் மஹாலை மாலை 16:45 மணிக்கு வந்தடையும். மறு திசையில், 51674 எண் கொண்ட மதன் மஹால்-இட்டார்சி பயணிகள் ரயில், மதன் மஹாலிலிருந்து மாலை 17:50 மணிக்கு புறப்பட்டு, இட்டார்சி சந்திப்பை இரவு 22:55 மணிக்கு வந்தடையும்.

தினசரி பயணிகள் சேவையானது 242 கிலோ மீட்டர் தூரத்தை சுமார் 5 மணி 5 நிமிடங்களில் கடக்கும். இந்த ரயில், பக்ரா தவா, சோக்பூர், பிப்பரியா, பாங்கேடி, சாலிசௌகா ரோடு, கடர்வாடா, கரேலி, நர்சிங்பூர், ஸ்ரீதம் ஆகிய நிலையங்களில் நிறுத்தங்களைக் கொண்டிருக்கும். இது இந்த நிலையங்களிலிருந்து பயணிக்கும் பயணிகளுக்கு மேம்பட்ட ரயில் பயண வசதியை வழங்கும். இது மத்தியப் பிரதேசத்தில் ரயில் போக்குவரத்துக் கட்டமைப்பை மேலும் வலுப்படுத்த உதவும் என எதிர்பார்க்கப்படுகிறது.

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும்: https://www.pib.gov.in/PressReleasePage.aspx?PRID=2296553&reg=3&lang=1

***

TV/PLM/RJ