મધ્ય મધ્ય પ્રદેશમાં રેલ કનેક્ટિવિટી મજબૂત કરવા તરફના એક મહત્વપૂર્ણ પગલા તરીકે ભારતીય રેલવેએ દૈનિક ટ્રેન નંબર 51673/51674 ઇટારસી-મદન મહલ પેસેન્જર શરૂ કરવાની મંજૂરી આપી છે. આ નવી પેસેન્જર સેવા ઇટારસી અને જબ્બલપુર (મદન મહલ) વચ્ચે રેલ કનેક્ટિવિટી મજબૂત કરશે, જ્યારે મુખ્ય મધ્યવર્તી સ્ટેશનો પર મુસાફરો માટે મુસાફરીના વિકલ્પોમાં સુધારો કરશે.

ટ્રેન નંબર 51673 ઇટારસી-મદન મહલ પેસેન્જર ઇટારસી જંકશનથી 11:40 વાગ્યે ઉપડશે અને 16:45 વાગ્યે મદન મહલ પહોંચશે. પરત વળતા માર્ગમાં, ટ્રેન નંબર 51674 મદન મહલ-ઇટારસી પેસેન્જર મદન મહલથી 17:50 વાગ્યે ઉપડશે અને 22:55 વાગ્યે ઇટારસી જંકશન પહોંચશે.

આ દૈનિક પેસેન્જર સેવા લગભગ 5 કલાક અને 5 મિનિટમાં 242 કિમીનું અંતર કાપશે. આ ટ્રેન બાગરા તવા, સોહાગપુર, પિપરિયા, બનખેડી, સાલીચૌકા રોડ, ગાડરવાડા, કારેલી, નરસિંહપુર અને શ્રીધામ ખાતે વ્યાવસાયિક રોકાણ (સ્ટોપેજ) કરશે, જે આ સ્ટેશનોથી મુસાફરી કરતા મુસાફરોને સુધારેલી રેલ પહોંચ પૂરી પાડશે.

ઇટારસી - મદન મહલ પેસેન્જર સેવા માત્ર પોઇન્ટ-ટુ-પોઇન્ટ કનેક્ટિવિટીને બદલે પ્રાદેશિક કનેક્ટિવિટીના પરિપ્રેક્ષ્યમાં મહત્વપૂર્ણ છે. આ સેવા બે મુખ્ય રેલવે નોડ્સ, જબ્બલપુર અને ઇટારસીને જોડતી વખતે જબ્બલપુર-નર્મદાપુરમ બેલ્ટના મધ્યવર્તી શહેરો અને નાના સ્ટેશનો માટે પરવડે તેવી અને દૈનિક પહોંચ પૂરી પાડે છે. તે ખાસ કરીને મધ્યમ વર્ગ, બિન અનામત (unreserved) અને ટૂંકા અંતરના મુસાફરોની જરૂરિયાતોને પૂરી કરે છે. આવી સેવા રોજગાર, શિક્ષણ, તબીબી, વ્યાવસાયિક, યાત્રાધામ કેન્દ્રો સુધી પહોંચવાની સુવિધા આપીને અને ઇટારસીથી ભારતના અન્ય ભાગોમાં મુખ્ય સ્થળો માટે આગળની કનેક્ટિવિટી સક્ષમ કરીને મહત્વપૂર્ણ ફીડર/ડિસ્ટ્રિબ્યુશન કાર્ય પણ કરે છે.

નવી દૈનિક પેસેન્જર સેવા શરૂ થવાથી પ્રાદેશિક કનેક્ટિવિટીમાં વધારો થશે, દૈનિક મુસાફરો અને અન્ય મુસાફરો માટે અનુકૂળ અને પરવડે તેવી મુસાફરી સુગમ બનશે અને મધ્ય પ્રદેશમાં રેલ પરિવહન નેટવર્ક વધુ મજબૂત થશે તેવી અપેક્ષા છે.

SM/JD