ماہی پروری ، مویشی پروری اور ڈیری کی وزارت کے تحت محکمہ مویشی پروری اور ڈیری کسانوں کو پائیدار روزی روٹی فراہم کرنے کے لیے مویشی پروری اور ڈیری کے شعبے کی موثر ترقی کے لیے ہر ممکن کوشش کر رہا ہے ۔  ہندوستان کی مقامی مویشیوں کی نسلیں مضبوط ہیں اور قومی معیشت  میں اہم کردار ادا کرنے کی جینیاتی صلاحیت رکھتی ہیں۔ملک میں دیسی مویشیوں  کی نسلوں کے سائنسی انداز میں تحفظ اور ان کی ترقی و افزائش کے مقصد سے دسمبر 2014 میں 'راشٹریہ گوکل مشن' (آر جی ایم) کا آغاز کیا گیا تھا۔

آر جی ایم کے تحت ، 2021 سے یہ محکمہ ڈیری کسانوں ، ڈیری کوآپریٹو سوسائٹیوں/ایم پی سی/ایف پی اوز اور مصنوعی حمل تکنیکی ماہرین (اے آئی ٹی) کی کوششوں کو تسلیم کرنے اور ان کی حوصلہ افزائی کرنے کے مقصد سے ہر سال نیشنل گوپال رتن ایوارڈ (این جی آر اے) عطا کر رہا ہے۔  اس سال بھی درج ذیل زمروں کے لیے نیشنل گوپال رتن ایوارڈ 2026 کے لیے نامزدگیاں طلب کی گئی ہیں:

• دیسی مویشیوں/بھینسوں کی نسلوں کی پرورش کرنے والا بہترین ڈیری کسان (تفصیلات رہنما خطوط میں فراہم کی گئی ہیں)
• بہترین ڈیری کوآپریٹو سوسائٹی (ڈی سی ایس)/دودھ پیدا کرنے والی کمپنی (ایم پی سی)/ڈیری فارمر پروڈیوسر آرگنائزیشن (ایف پی او)
• بہترین مصنوعی حمل ٹیکنیشن (اے آئی ٹی)

شمال مشرقی خطے (این ای آر) اور ہمالیائی ریاستوں کے لیے خصوصی ایوارڈ کا التزام ہے تاکہ ان ریاستوں/مرکز کے زیر انتظام علاقوں میں ڈیری کی ترقیاتی سرگرمیوں کی حوصلہ افزائی اور فروغ دیا جا سکے ۔

این جی آر اے 2026 میں ہر زمرے کے پہلے، دوسرے اور تیسرے نمبر پر آنے والے فاتحین کو انعامات دیے جائیں گے، جبکہ شمال مشرقی خطے (این ای آر) اور ہمالیائی ریاستوں کے لیے ہر زمرے میں ایک خصوصی ایوارڈ بھی دیا جائے گا، جیسا کہ اوپر ذکر کیا گیا ہے۔ این جی آر اے 2026 میں دو زمروں، یعنی بہترین ڈیری فارمر اور بہترین ڈی سی ایس/ایف پی او/ایم پی سی کے لیے سندِ امتیاز، یادگاری نشان اور نقد انعام شامل ہوں گے۔

• پہلی پوزیشن: 5,00,000 روپے (پانچ لاکھ روپے)
• دوسری پوزیشن: 3,00,000 روپے (تین لاکھ روپے)
• تیسری پوزیشن: 2,00,000 روپے (دو لاکھ روپے)
• شمال مشرقی خطے (این ای آر) / ہمالیائی ریاستوں کے لیے خصوصی ایوارڈ: 2,00,000 روپے (دو لاکھ روپے)

بہترین مصنوعی نسل کشی ٹیکنیشن (اے آئی ٹی) کے زمرے میں نیشنل گوپال رتن ایوارڈ 2026 کے تحت صرف سندِ امتیاز اور یادگاری نشان دیا جائے گا۔ مصنوعی نسل کشی ٹیکنیشن (اے آئی ٹی) کے زمرے میں کوئی نقد انعام نہیں دیا جائے گا۔

سال 2026 کے نیشنل گوپال رتن ایوارڈ کے لیے نامزدگیاں صرف آن لائن نیشنل ایوارڈ پورٹل https://awards.gov.in  کے ذریعے جمع کرائی جا سکتی ہیں۔ نامزدگیاں 10 اگست 2026 سے شروع ہوں گی اور جمع کرانے کی آخری تاریخ 10 ستمبر 2026 ہوگی۔ یہ ایوارڈز نیشنل  ِملک ڈے  (26 نومبر 2026) کے موقع پر پیش کیے جائیں گے۔ اہلیت کے معیار اور رہنما اصولوں سے متعلق مزید تفصیلات کے لیے ویب سائٹ  https://awards.gov.in  یا  https://dahd.nic.in   سے رجوع کیا  جا سکتا ہے۔

******

ش ح۔ ف ا۔ م ر

U-NO. 1634