લોકસભા અધ્યક્ષ શ્રી ઓમ બિરલાએ આજે સંવિધાન સદનના સેન્ટ્રલ હોલમાં ભૂતપૂર્વ લોકસભા અધ્યક્ષ ડૉ. જી. એસ. ધિલ્લોનને એમની જન્મજયંતી પર પુષ્પાંજલિ અર્પણ કરી.

રાજ્યસભાના ઉપાધ્યક્ષ શ્રી હરિવંશ; સાંસદો, ભૂતપૂર્વ સાંસદો; લોકસભાના મંત્રી-સચિવ શ્રી ઉત્સવ કુમાર સિંહ અને અન્ય મહાનુભાવોએ પણ ડૉ. ધિલ્લોનને પુષ્પાંજલિ અર્પણ કરી.

ડૉ. ધિલ્લોન એક વિશિષ્ટ સંસદસભ્ય, સ્વતંત્રતા સેનાની અને પત્રકાર હતા. 6 ઓગસ્ટ 1915ના રોજ અમૃતસરમાં જન્મેલા, તેમણે આઝાદી પછી પત્રકારત્વ અપનાવતા પહેલા સ્વતંત્રતા સંગ્રામ અને કિસાન આંદોલનમાં સક્રિયપણે ભાગ લીધો હતો. ઉર્દૂ દૈનિક શેર-એ-ભારતના મુખ્ય સંપાદક અને નેશનલ સીખ ન્યૂઝપેપર્સ લિમિટેડના મેનેજિંગ ડિરેક્ટર તરીકેના તેમના કાર્ય દ્વારા, તેમણે કોમી એકતા અને સામાજિક એકતાની હિમાયત કરી. 1967 માં તરણતારણમાંથી ચોથી લોકસભામાં ચૂંટાયેલા, તેઓ 8 ઓગસ્ટ 1969ના રોજ ચોથી લોકસભાના અધ્યક્ષ તરીકે બિનહરીફ ચૂંટાયા હતા અને 22 માર્ચ 1971ના રોજ પાંચમી લોકસભાના અધ્યક્ષ તરીકે ફરીથી ચૂંટાયા હતા. તેમણે 1 ડિસેમ્બર 1975 સુધી ઉત્કૃષ્ટ સેવા આપી હતી.

શ્રી સમીર દાસ દ્વારા દોરવામાં આવેલું ડૉ. ગુરદિયાળ સિંહ ધિલ્લોનના તેલચિત્રનું, ભારતના તત્કાલીન રાષ્ટ્રપતિ શ્રી પ્રણવ મુખર્જી દ્વારા 10 ફેબ્રુઆરી 2014ના રોજ અનાવરણ કરવામાં આવ્યું હતું. જે સંવિધાન સદનની બહારની લોબીમાં પ્રદર્શિત છે.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com