لوک سبھا اسپیکر جناب اوم برلا نے آج سابق لوک سبھا اسپیکر ڈاکٹر جی۔ ایس۔ ڈھلون کےیومِ پیدائش کے موقع پر سمودھان سدن کے مرکزی ہال میں گلہائے عقیدت پیش کئے۔

نائب چیئرمین راجیہ سبھا جناب ہری ونش، ارکان پارلیمنٹ، سابق ارکان پارلیمنٹ، لوک سبھا کے سکریٹری جنرل جناب اتپل کمار سنگھ اور دیگر معزز شخصیات نے بھی ڈاکٹر ڈھلون کو گلہائے عقیدت پیش کیے۔

ڈاکٹر ڈھلون ایک ممتاز پارلیمنٹیرین، مجاہدِ آزادی اور صحافی تھے۔ وہ 6 اگست 1915 کو امرتسر میں پیدا ہوئے۔ آزادی کی جدوجہد اور کسان تحریک میں فعال کردار ادا کرنے کے بعد انہوں نے آزادی کے بعد صحافت کے شعبے میں قدم رکھا۔ اردو روزنامہ شیرِ بھارت کے چیف ایڈیٹر اور نیشنل سکھ نیوز پیپرز لمیٹڈ کے مینیجنگ ڈائریکٹر کی حیثیت سے اپنی خدمات کے ذریعے انہوں نے فرقہ وارانہ ہم آہنگی اور سماجی اتحاد کے فروغ کے لیے کام کیا۔وہ 1967 میں ترن تارن سے چوتھی لوک سبھا کے رکن منتخب ہوئے۔ 8 اگست 1969 کو انہیں متفقہ طور پر چوتھی لوک سبھا کا اسپیکر منتخب کیا گیا اور 22 مارچ 1971 کو پانچویں لوک سبھا کے اسپیکر کے طور پر دوبارہ منتخب ہوئے۔ انہوں نے یکم دسمبر 1975 تک اس عہدے پر نمایاں خدمات انجام دیں۔

ڈاکٹر گردیال سنگھ ڈھلون کی تصویر، جسے جناب سمیر داس نے تیار کیا تھا، 10 فروری 2014 کو اُس وقت کے صدرجمہوریہ ہند جناب پرنب مکھرجی نے رونمائی کی تھی۔ یہ تصویر سمودھان سدن کی بیرونی لابی میں آویزاں ہے۔

 

लोक सभा के पूर्व अध्यक्ष डॉ. गुरदयाल सिंह ढिल्लों जी की जयंती पर आज संविधान सदन के केंद्रीय कक्ष में उन्हें भावपूर्ण श्रद्धासुमन अर्पित किए।

अपने नेतृत्व, निष्पक्षता और संसदीय मूल्यों के प्रति अटूट प्रतिबद्धता से डॉ. ढिल्लों ने भारतीय लोकतंत्र को नई ऊँचाइयाँ प्रदान कीं।… pic.twitter.com/aiPhaDIZnq

— Om Birla (@ombirlakota) August 6, 2026

 

***

) ش ح ۔ ش آ۔ ج)

U.No. 1496

(रिलीज़ आईडी: 2295643) आगंतुक पटल : 6