কেন্দ্রগী কলচর অমসুং তুরিজম মন্ত্রী শ্রী গজেন্দ্র সিংহ শেখৱতনা ঙসি তুরিজম মন্ত্রালয় অমসুং নেতফ্লিক্স ইন্দিয়াগী মরক্তা চৎথরিবা কোলাবোরেসনগী শরুক অমা ওইনা শেমগৎখিবা ইঙ্ক্রিদিবল ইন্দিয়া পোর্তেলদা 'এস সীন ওন নেতফ্লিক্স' সেক্সন হৌদোকখ্রে। মসিগী খোঙথাং অসিগী পান্দমদি মালেম শীনবা থুংনা লৈরিবা মীওইশিংনা নেতফ্লিক্স ইন্দিয়াগী ফিল্ম অমসুং সেরিজশিংদা য়াওরিবা অশেংবা মফমশিং, কলচরেল ত্রেদিসনশিং অমসুং অশেংবা এক্সপরিয়েন্সশিং খঙদোকপা ঙমহনবনি। মসিনা ভারতকী কলচরেল হেরিতেজ অমসুং তুরিজমগী মপাঙ্গল হেনগৎহনগনি।

হৌদোকখিবা অসি নেস্নেল গেল্লরী ওফ মোদর্ন আর্ত (এন.জি.এম.এ.), ন্যু দিল্লীদা ভারত্তা নেতফ্লিক্সকী চহী তরা মপুং ফারকপগী থৌরমগা তামিন্নখি। নেতফ্লিক্সকী কো-চীফ ইগজিক্যুতিব ওফিসর মিস্তর তেদ সরন্দোসনা কেন্দ্রগী মন্ত্রীগা লোয়ননা ভারতকী কলচরেল হেরিতেজ, তুরিজম অমসুং ক্রিয়েতিব ইকোনোমী প্রমোৎ তৌবদা স্তোরিতেলিংগী ত্রান্সফোর্মেতিব রোলগী মতাংদা ৱারী শানখি।

থৌরম অদুদা ৱা ঙাংলদুনা শ্রী গজেন্দ্র সিংহ শেখৱতনা হায়খি মদুদি ভারতকী ৱারীশিংনা চহি লিশিং কয়াদগী মালেম পুম্বগী পুক্নিং চিংশিল্লি অমসুং তেক্নোলোজীনা হৌজিক্তি ৱারীশিং অসি মালেমগী মফম খুদিংদা পুখৎনবা অমুক্তা ওইখিদ্রিবা খুদোংচাবা অমা পীরি। ভারতকী চৎনবীগী মশক মওং অসি ঙাক-শেন্দুনা হিংনবগী লম্বী পুথোক্তুনা ক্রিএতিব ইকোনোমী চাউখৎপগী মপাঙ্গল লৈবা দ্রাইভর অমা ওইরক্লি হায়না মহাক্না ফোংদোকখি। কেন্দ্রগী মন্ত্রীনা ভারতকী তেলেন্তপু মপাঙ্গল কনখৎহনবা, লৈবাক অসিগী মখল-মখা কয়াগী মঙলানশিং শিংথাবা অমসুং মসিগী সিভিলাইজেস্নেল হেরিতেজবু অশেংবা মওংদা উৎপীরিবা মপাংশিংবু তরাম্না ওকখি। মহাক্না মখা তানা ফোংদোকখি মদুদি কলচর অসি ভারতকী লন অমা খক্তা ওইবতা নত্তনা মসি খ্বাইদগী চাউবা স্ত্রেতেজিক ওইবা মপাঙ্গল অমনি, অমসুং মোন্যুমেন্ত, ফেস্তিবেল, লোল অমসুং ফোল্ক ত্রেদিসন খুদিংমক মালেমগী মীয়ামগীদমক শিংথানিংঙাই ওইবা ৱারীশিং পুদুনা চৎলি।

থৌরম অদুদা ৱা ঙাংলদুনা, নেতফ্লিক্সকী কো-চীফ ইগজিক্যুতিব ওফিসর তেদ সরন্দোসনা  হায়খি মদুদি ভারত অসি মান্নবা মশক অমখক্তনা শাবা নত্তে ভারত ময়াম অমা লৈ, মখোয় খুদিংমক্কী মশাগী ওইবা অখন্নবা ৱারী অমসুং চৎনবী লৈ। মহাক্না হায়খি মদুদি হৌখিবা চহী তরা অসিদা, লৈবাক অসিগী তোঙান তোঙানবা মফমশিংদা হৌরকখিবা ৱারীশিং অসিনা মালেম শীনবা থুংনা লৈরিবা মীয়ামদা ইথিল পীরি অমসুং মসিনা ভারতকী মফমশিং অমসুং কলচরশিং মশক খঙদোক্নবা ইথিল পীরি। ভারতকী ৱারী অমসুং লমদম কয়া মালেমগী মীয়ামদা শন্দোক্নবা কলচর মন্ত্রালয় অমসুং তুরিজম মন্ত্রালয়গা লোইননা নেতফ্লিক্সনা মখা তানা খুৎশম্নরি হায়না মহাক্না ফোংদোকখি।

কেন্দ্রগী মন্ত্রী অমসুং মিস্তর সেরান্দোসনা লৈবাক অসিগী ক্রিএতিব ইকোনোমী মপাঙ্গল কনখৎহন্দুনা অমসুং মালেমগী ওইনা ভারতকী কলচরেল ফুতপ্রিন্স হেঙ্গৎহন্দুনা, ভারতকী তোঙান তোঙানবা কলচরশিং, লেন্দস্কেপশিং অমসুং চৎনবীশিংদা য়ুম্ফম ওইবা অশেংবা ৱারীশিং প্রমোৎ তৌনবা মখোয়গী অপুনবা ৱাশক অদু অমুক হন্না ফোংদোকখি।

হৌখিবা চহী তরা অসিদা, নেতফ্লিক্সনা লৈবাক অসিগী তোঙান তোঙানবা চৎনবীশিং, চৎনবীশিং, লমদমশিং অমসুং কাংলুপশিংদগী ইথিল ফংলবা ৱারীশিং মালেমগী মীয়ামদা য়ৌহন্নবগীদমক ভারত শিনবা থুংনা লৈরিবা ক্রিএতরশিংগা খুৎশম্নদুনা থবক তৌমিন্নরি। ভারতকী নাৎকী ওইবা হেরিতেজবু ঙাক-শেন্দুনা থম্নবা, প্রোমোৎ তৌনবা অমসুং সেলেব্রেত তৌনবা শক্তি লৈবা মীদিয়ম অমা ওইনা ৱারী ৱাতাইবু শীজিন্ননবা ভারত সরকারগী ভিজনগা লোয়ননা মসিগী খোংথাং অসি চৎনবীগী ওইবা তুরিজম পুক্নিং থৌগৎপা অমসুং ক্রিএতিব ইকোনোমীদা মতেং পাংবগী মায়কৈদা চৎলি। 

***