پرنسپل چیف کنٹرولر آف کمیونیکیشن اکاؤنٹس (پی سی سی اے)، دہلی کے دفتر نے مالی سال 2026-27 کی دوسری سہ ماہی کے لیے 6 اگست 2026 کو ایک پنشن عدالت کا کامیابی کے ساتھ انعقاد کیا۔ اس پنشن عدالت کی صدارت محترمہ آشا رانی رنگٹا، پرنسپل کنٹرولر آف کمیونیکیشن اکاؤنٹس (پی آر۔ سی سی اے)، دہلی نے کی۔ اس موقع پر جناب ادے بھان تیواری، سی سی اے دہلی، محترمہ سشما نیگی، جوائنٹ سی سی اے اور جناب رجت ترپاٹھی، جوائنٹ سی سی اے بھی موجود تھے۔

اس پنشن عدالت میں بی ایس این ایل، ایم ٹی این ایل اور محکمۂ ٹیلی مواصلات (ڈی او ٹی) سے تعلق رکھنے والے پنشن یافتگان کی شکایات سنی گئیں اور ان کا ازالہ کیا گیا۔ ان شکایات میں پنشن کی ادائیگی، پنشن کی یکمشت رقم (کمیوٹیشن) اور دیگر پنشن فوائد سے متعلق معاملات شامل تھے۔

اس پنشن عدالت نے پنشن یافتگان اور خاندانی پنشن حاصل کرنے والوں کی پنشن سے متعلق شکایات کے ازالے کے لیے ایک مؤثر پلیٹ فارم فراہم کیا۔ کارروائی کے دوران پنشن کی منظوری، نظرثانی، خاندانی پنشن اور دیگر پنشن معاملات سے متعلق امور کا جائزہ لیا گیا، جن میں سے متعدد معاملات کو موقع پر ہی حل کر دیا گیا۔

یہ اقدام پرنسپل کنٹرولر آف کمیونیکیشن اکاؤنٹس (پی آر۔ سی سی اے)، دہلی کے اس عزم کی عکاسی کرتا ہے کہ پنشن سے متعلق شکایات کا بروقت ازالہ یقینی بنایا جائے اور شہریوں پر مرکوز پنشن خدمات فراہم کی جائیں۔

***

ش ح۔ ع و –ت ع

U.No. 1500

(रिलीज़ आईडी: 2295652) आगंतुक पटल : 5