ಕೇಂದ್ರ ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಇಲಾಖೆಯು ಕಾನೂನು ಮಾಪನಶಾಸ್ತ್ರ (ಸರ್ಕಾರ ಅನುಮೋದಿತ ಪರೀಕ್ಷಾ ಕೇಂದ್ರ) ನಿಯಮಗಳು, 2013ರ ಅಡಿಯಲ್ಲಿ Legal Metrology (Government Approved Test Centre) Rules, 2013. ಸರ್ಕಾರಿ ಅನುಮೋದಿತ ಪರೀಕ್ಷಾ ಕೇಂದ್ರಗಳಾಗಿ Government Approved Test Centres (GATCs) (GATC ಗಳು) ಗುರುತಿಸಲು ಅರ್ಹ ಕೈಗಾರಿಕೆಗಳು, ಪ್ರಯೋಗಾಲಯಗಳು, ಎಂಜಿನಿಯರಿಂಗ್ ಕಾಲೇಜುಗಳು, ಪಾಲಿಟೆಕ್ನಿಕ್‌ಗಳು, ಐಟಿಐಗಳು ಮತ್ತು ಪರೀಕ್ಷಾ ಸೌಲಭ್ಯಗಳಿಂದ ಆನ್‌ಲೈನ್ ಮೂಲಕ ಅರ್ಜಿಗಳನ್ನು ಆಹ್ವಾನಿಸಿದೆ.

2026ರ ಆಗಸ್ಟ್ 17 ರಿಂದ 2026ರ ಆಗಸ್ಟ್ 31 ರವರೆಗೆ ಇಲಾಖೆಯ ಅಧಿಕೃತ ಪೋರ್ಟಲ್ emaap.gov.in/gatc ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿಗಳನ್ನು ಸಲ್ಲಿಸಬಹುದು. ಪೋರ್ಟಲ್ ಆನ್‌ಲೈನ್ ಸಲ್ಲಿಕೆ, ಶುಲ್ಕ ಪಾವತಿ, ಅರ್ಜಿ ಟ್ರ್ಯಾಕಿಂಗ್ ಮತ್ತು ಅರ್ಜಿದಾರರೊಂದಿಗೆ ಸಂವಹನ ಸೇರಿದಂತೆ ಸಂಪೂರ್ಣ ಡಿಜಿಟಲ್ ಅರ್ಜಿ ಪ್ರಕ್ರಿಯೆಯನ್ನು ಒದಗಿಸುತ್ತದೆ, ಇದು ಪ್ರಕ್ರಿಯೆಯನ್ನು ಪಾರದರ್ಶಕ, ಪರಿಣಾಮಕಾರಿ ಮತ್ತು ವ್ಯವಹಾರ ಸ್ನೇಹಿಯನ್ನಾಗಿ ಮಾಡುತ್ತದೆ.

ಈ ಉಪಕ್ರಮ ತಾಂತ್ರಿಕವಾಗಿ ಸಮರ್ಥ ಖಾಸಗಿ ಸಂಸ್ಥೆಗಳ ಪಾಲ್ಗೊಳ್ಳುವಿಕೆಯನ್ನು ಹೆಚ್ಚಿಸುವ ಮೂಲಕ ತೂಕ ಮತ್ತು ಅಳತೆಗಳಿಗಾಗಿ ಭಾರತದ ತಪಾಸಣಾ ಪೂರಕ ವ್ಯವಸ್ಥೆಯನ್ನು ವಿಸ್ತರಿಸುವ ಗುರಿಯನ್ನು ಹೊಂದಿದೆ. ಜಿಎಟಿಸಿಗಳ ದೊಡ್ಡ ಜಾಲವು ದೇಶದ ತಪಾಸಣಾ ಸಾಮರ್ಥ್ಯವನ್ನು ಬಲಪಡಿಸುತ್ತದೆ, ತಪಾಸಣಾ ಸೇವೆಗಳ ಲಭ್ಯತೆಯನ್ನು ಸುಧಾರಿಸುತ್ತದೆ ಮತ್ತು ಕೈಗಾರಿಕೆಗಳಿಗೆ ವೇಗವಾಗಿ ಅನುಸರಣೆಯನ್ನು ಸಕ್ರಿಯಗೊಳಿಸುತ್ತದೆ, ಅದೇ ಸಮಯದಲ್ಲಿ ಗ್ರಾಹಕರಿಗೆ ನಿಖರವಾದ ಅಳತೆಗಳನ್ನು ಖಚಿತಪಡಿಸುತ್ತದೆ.

ವ್ಯಾಪಾರ ಮತ್ತು ವಾಣಿಜ್ಯ ಚಟುವಟಿಕೆಗಳಲ್ಲಿ ಬಳಸುವ ನಿರ್ದಿಷ್ಟ ತೂಕ ಮತ್ತು ಅಳತೆ ಸಾಧನಗಳ ತಪಾಸಣೆ ಮತ್ತು ಮರು ತಪಾಸಣೆಯನ್ನು ಕೈಗೊಳ್ಳಲು ಸರ್ಕಾರಿ ಅನುಮೋದಿತ ಪರೀಕ್ಷಾ ಕೇಂದ್ರಗಳಿಗೆ ಅಧಿಕಾರ ನೀಡಲಾಗಿದೆ. ಈ ಕೇಂದ್ರಗಳ ಜಾಲವನ್ನು ವಿಸ್ತರಿಸುವುದರಿಂದ ತಪಾಸಣಾ ಸೇವೆಗಳನ್ನು ಹೆಚ್ಚು ಪಡೆಯಲು, ಟರ್ನ್‌ಅರೌಂಡ್ ಸಮಯವನ್ನು ಕಡಿಮೆ ಮಾಡಲು ಮತ್ತು ದೇಶಾದ್ಯಂತ ಕಾನೂನು ಮಾಪನಶಾಸ್ತ್ರ ಸೇವೆಗಳ ವಿತರಣೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.

ಕಾನೂನು ಮಾಪನಶಾಸ್ತ್ರ (ಸರ್ಕಾರ ಅನುಮೋದಿತ ಪರೀಕ್ಷಾ ಕೇಂದ್ರ) ನಿಯಮಗಳು, 2013 ರ ಇತ್ತೀಚಿನ ತಿದ್ದುಪಡಿಗಳ ನಂತರ, ಮಾನ್ಯತೆ ಪಡೆದ ಜಿಎಟಿಸಿಗಳು ಈಗ ಆರೋಗ್ಯ ರಕ್ಷಣೆ, ಇಂಧನ, ಸಾರಿಗೆ, ಚಿಲ್ಲರೆ ವ್ಯಾಪಾರ, ಉತ್ಪಾದನೆ ಮತ್ತು ಮೂಲಸೌಕರ್ಯದಂತಹ ಕ್ಷೇತ್ರಗಳಲ್ಲಿ ಬಳಸಲಾಗುವ 23 ವರ್ಗಗಳ ತೂಕ ಮತ್ತು ಅಳತೆ ಉಪಕರಣಗಳ ತಪಾಸಣೆಗೆ ಅಧಿಕಾರ ಹೊಂದಿವೆ.

ಅಧಿಕೃತ ವಿಭಾಗಗಳು ಈ ಕೆಳಗಿನಂತಿವೆ:

• ನೀರಿನ ಮೀಟರ್‌ಗಳು

• ಸ್ಪಿಗ್ಮೋಮನೋಮೀಟರ್‌ಗಳು (ರಕ್ತದೊತ್ತಡ ಮಾನಿಟರ್‌ಗಳು)

• ಕ್ಲಿನಿಕಲ್ ಥರ್ಮಾಮೀಟರ್‌ಗಳು

• ಸ್ವಯಂಚಾಲಿತ ರೈಲು ತೂಕ ಸೇತುವೆಗಳು

• ಟೇಪ್ ಅಳತೆಗಳು

• ನಿಖರತೆ ವರ್ಗ III ರ ಸ್ವಯಂಚಾಲಿತವಲ್ಲದ ತೂಕದ ಉಪಕರಣಗಳು (150 ಕೆಜಿ ವರೆಗೆ)

• ನಿಖರತೆ ವರ್ಗ IIII ರ ಸ್ವಯಂಚಾಲಿತವಲ್ಲದ ತೂಕದ ಉಪಕರಣಗಳು

• ಲೋಡ್ ಕೋಶಗಳು(Load cells)

• ಕಿರಣದ ಮಾಪಕಗಳು(Beam scales)

 • ಕೌಂಟರ್ ಯಂತ್ರಗಳು

• ಎಲ್ಲಾ ವರ್ಗಗಳ ತೂಕಗಳು

• ಅನಿಲ ಮೀಟರ್‌ಗಳು

• ಶಕ್ತಿ(ಎನರ್ಜಿ) ಮೀಟರ್‌ಗಳು

• ತೇವಾಂಶ ಮೀಟರ್‌ಗಳು

• ವಾಹನಗಳಿಗೆ ವೇಗ ಮೀಟರ್‌ಗಳು

• ಉಸಿರು ವಿಶ್ಲೇಷಕಗಳು

• ಬಹು ಆಯಾಮದ ಅಳತೆ ಉಪಕರಣಗಳು

• ಹರಿವಿನ ಮೀಟರ್‌ಗಳು( Flow meters)

• ಪೆಟ್ರೋಲ್ ಮತ್ತು ಡೀಸೆಲ್ ವಿತರಕಗಳು

• ಸಿಎನ್ ಜಿ ವಿತರಕಗಳು

• ಎಲ್ ಪಿಜಿ ವಿತರಕಗಳು

• ಎಲ್ ಎನ್ ಜಿ ವಿತರಕಗಳು

• ಹೈಡ್ರೋಜನ್ ವಿತರಕಗಳು

ಅರ್ಹ ಅರ್ಜಿದಾರರಲ್ಲಿ ಕೈಗಾರಿಕೆಗಳು, ಉತ್ಪಾದಕರು, ಪ್ರಯೋಗಾಲಯಗಳು, ಎಂಜಿನಿಯರಿಂಗ್ ಕಾಲೇಜುಗಳು, ಪಾಲಿಟೆಕ್ನಿಕ್‌ಗಳು, ಐಟಿಐಗಳು ಮತ್ತು ಪರೀಕ್ಷಾ ಸೌಲಭ್ಯಗಳು ಸೇರಿವೆ:

• ರಾಷ್ಟ್ರೀಯ ಮಾನದಂಡಗಳಿಗೆ ಅನುಗುಣವಾಗಿ ಪತ್ತೆಹಚ್ಚಬಹುದಾದ ನಿಗದಿತ ಪರೀಕ್ಷಾ ಮತ್ತು ಮಾಪನಾಂಕ ನಿರ್ಣಯ ಉಪಕರಣಗಳು;

• ಕಾನೂನು ಮಾಪನಶಾಸ್ತ್ರದಲ್ಲಿ ಅನುಭವ ಹೊಂದಿರುವ ಅರ್ಹ ತಾಂತ್ರಿಕ ಸಿಬ್ಬಂದಿ; ಮತ್ತು

• ಜಿಎಟಿಸಿ ನಿಯಮಗಳ ಅಡಿಯಲ್ಲಿ ಅಗತ್ಯವಿರುವ ಮೂಲಸೌಕರ್ಯ.

ಜಿಎಟಿಸಿ ಗಳ ವಿಸ್ತೃತ ಜಾಲವು ದೇಶಾದ್ಯಂತ ತಪಾಸಣಾ ಸಾಮರ್ಥ್ಯವನ್ನು ಹೆಚ್ಚಿಸುವ ಮೂಲಕ ರಾಜ್ಯ ಕಾನೂನು ಮಾಪನಶಾಸ್ತ್ರ ಇಲಾಖೆಗಳ ಕೆಲಸಕ್ಕೆ ಪೂರಕವಾಗಿರುತ್ತದೆ. ಇದು ತೂಕ ಮತ್ತು ಅಳತೆ ಉಪಕರಣಗಳ ವೇಗವಾದ ತಪಾಸಣೆ ಮತ್ತು ಮರು-ತಪಾಸಣೆಯನ್ನು ಸಕ್ರಿಯಗೊಳಿಸುತ್ತದೆ, ಅದೇ ವೇಳೆ ರಾಜ್ಯ ಕಾನೂನು ಮಾಪನಶಾಸ್ತ್ರ ಅಧಿಕಾರಿಗಳು ಮಾರುಕಟ್ಟೆ ಕಣ್ಗಾವಲು, ಜಾರಿ ಚಟುವಟಿಕೆಗಳು ಮತ್ತು ಗ್ರಾಹಕರ ಕುಂದುಕೊರತೆ ಪರಿಹಾರದ ಮೇಲೆ ಹೆಚ್ಚು ಗಮನಹರಿಸಲು ಅನುವು ಮಾಡಿಕೊಡುತ್ತದೆ.

ಈ ಉಪಕ್ರಮವು ಆಧುನಿಕ, ತಂತ್ರಜ್ಞಾನ-ಆಧರಿತ ಮತ್ತು ಪಾರದರ್ಶಕ ಕಾನೂನು ಮಾಪನಶಾಸ್ತ್ರ ಪರಿಸರ ವ್ಯವಸ್ಥೆಯನ್ನು ರಚಿಸುವ ಮೂಲಕ ವ್ಯವಹಾರವನ್ನು ಸುಲಭಗೊಳಿಸುವುದು, ಡಿಜಿಟಲ್ ಆಡಳಿತ, ಆತ್ಮನಿರ್ಭರ ಭಾರತ ಮತ್ತು ಗ್ರಾಹಕ ರಕ್ಷಣೆಗೆ ಸರ್ಕಾರದ ನಿರಂತರ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.

ಭಾರತವು  ಒಐಎಂಎಲ್ ಪ್ರಮಾಣೀಕರಣ ಪ್ರಾಧಿಕಾರವಾಗಿ ತನ್ನ ಸ್ಥಾನವನ್ನು ಬಲಪಡಿಸುವುದನ್ನು ಮುಂದುವರಿಸುತ್ತಿದ್ದಂತೆ, ವಿಸ್ತೃತ ಜಿಎಟಿಸಿ ಚೌಕಟ್ಟು ದೇಶದ ಗುಣಮಟ್ಟದ ಮೂಲಸೌಕರ್ಯವನ್ನು ಹೆಚ್ಚಿಸುತ್ತದೆ, ಅಂತಾರಾಷ್ಟ್ರೀಯವಾಗಿ ಅಂಗೀಕರಿಸಲ್ಪಟ್ಟ ಅಳತೆ ಅಭ್ಯಾಸಗಳನ್ನು ಉತ್ತೇಜಿಸುತ್ತದೆ ಮತ್ತು ಜಾಗತಿಕ ಮಾನದಂಡಗಳನ್ನು ಪೂರೈಸುವಲ್ಲಿ ಭಾರತೀಯ ಉದ್ಯಮವನ್ನು ಬೆಂಬಲಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಆಸಕ್ತ ಸಂಸ್ಥೆಗಳು ವಿವರವಾದ ಅರ್ಹತಾ ಷರತ್ತುಗಳಿಗಾಗಿ ಮತ್ತು ತಮ್ಮ ಅರ್ಜಿಗಳನ್ನು ಸಲ್ಲಿಸಲು emaap.gov.in/gatc ಗೆ ಭೇಟಿ ನೀಡಬಹುದು.

*****