ಭಾರತೀಯ ರೈಲ್ವೆ 2026ರ ಜುಲೈ ನಲ್ಲಿ ತನ್ನ ಬಲಿಷ್ಠ ಕಾರ್ಯಾಚರಣೆಯ ಕಾರ್ಯಕ್ಷಮತೆಯನ್ನು ಮುಂದುವರೆಸಿದೆ, ಸರಕು ಸಾಗಣೆ ಮತ್ತು ಪ್ರಯಾಣಿಕರ ವಿಭಾಗಗಳಲ್ಲಿ ಆರೋಗ್ಯಕರ ಪ್ರಗತಿಯನ್ನು ದಾಖಲಿಸಿದೆ. ಹೆಚ್ಚಿನ ಸರಕು ಸಾಗಣೆ ಲೋಡಿಂಗ್, ಹೆಚ್ಚಿದ ಪ್ರಯಾಣಿಕರ ದಟ್ಟಣೆ, ಸುಧಾರಿತ ಆದಾಯ ಸೃಷ್ಟಿ ಮತ್ತು ಪ್ರಮುಖ ಸರಕುಗಳ ವರ್ಧಿತ ಚಲನೆಯು ಆರ್ಥಿಕ ಬೆಳವಣಿಗೆಯನ್ನು ಬೆಂಬಲಿಸುವಲ್ಲಿ, ಸರಕು ಸಾಗಾಣೆ (ಲಾಜಿಸ್ಟಿಕ್ಸ್ )ಅನ್ನು ಬಲವರ್ಧನೆಗೊಳಿಸುವಲ್ಲಿ ಮತ್ತು ದೇಶಾದ್ಯಂತ ವಿಶ್ವಾಸಾರ್ಹ ಮೊಬಿಲಿಟಿಯನ್ನು ಒದಗಿಸುವಲ್ಲಿ ಭಾರತೀಯ ರೈಲ್ವೆಯ ಪ್ರಮುಖ ಪಾತ್ರವನ್ನು ಒತ್ತಿಹೇಳುತ್ತದೆ.

ಸರಕು ಸಾಗಣೆಯಲ್ಲಿ ನಿರಂತರ ಬೆಳವಣಿಗೆ

ಭಾರತೀಯ ರೈಲ್ವೆ ಜುಲೈ 2026 ರಲ್ಲಿ 141.3 ಮಿಲಿಯನ್ ಟನ್ ಸರಕು ಸಾಗಣೆಯನ್ನು ಲೋಡ್ ಮಾಡಿದೆ, ಹಿಂದಿನ ವರ್ಷದ ಇದೇ ತಿಂಗಳಿನಲ್ಲಿ ಇದು 129.7 ಮಿಲಿಯನ್ ಟನ್‌ಗಳಷ್ಟಿತ್ತು, ಇದು ಶೇಕಡ 9 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. ಈ ಬಲಿಷ್ಠ ಕಾರ್ಯಕ್ಷಮತೆಯು ಆರ್ಥಿಕತೆಯ ಪ್ರಮುಖ ವಲಯಗಳಲ್ಲಿ ನಿರಂತರ ಬೇಡಿಕೆಯನ್ನು ಮತ್ತು ಸರಕು ಸಾಗಣೆ ಮತ್ತು ಕಾರ್ಯಾಚರಣೆಯ ದಕ್ಷತೆಯನ್ನು ಸುಧಾರಿಸಲು ನಿರಂತರ ಪ್ರಯತ್ನಗಳನ್ನು ಪ್ರತಿಬಿಂಬಿಸುತ್ತದೆ.

ಪ್ರಮುಖ ಸರಕುಗಳ ಹೆಚ್ಚಿನ ಹೊರೆ ಕೈಗಾರಿಕೆ, ಕೃಷಿ ಮತ್ತು ಇಂಧನ ಭದ್ರತೆಗೆ ಬೆಂಬಲ

ಹಲವಾರು ಪ್ರಮುಖ ಸರಕು ಗುಂಪುಗಳು ಜುಲೈ 2026 ರಲ್ಲಿ ವರ್ಷದಿಂದ ವರ್ಷಕ್ಕೆ ಆರೋಗ್ಯಕರ ಬೆಳವಣಿಗೆಯನ್ನು ದಾಖಲಿಸಿವೆ. ಮೂಲಸೌಕರ್ಯ, ಉತ್ಪಾದನೆ ಮತ್ತು ಕೃಷಿ ವಲಯಗಳಿಂದ ಬಲವಾದ ಬೇಡಿಕೆಯನ್ನು ಪ್ರತಿಬಿಂಬಿಸುವ ಕಬ್ಬಿಣದ ಅದಿರು ಲೋಡಿಂಗ್ ಶೇಕಡ 22.2 ರಷ್ಟು, ಕಲ್ಲಿದ್ದಲು ಶೇಕಡ 11.5 ರಷ್ಟು, ಆಹಾರ ಧಾನ್ಯಗಳು ಶೇಕಡ 11.5 ರಷ್ಟು, ರಸಗೊಬ್ಬರಗಳು ಶೇಕಡ 12 ರಷ್ಟು ಮತ್ತು ಸಮತೋಲನ ಇತರ ಸರಕುಗಳು ಶೇಕಡ 12.1 ರಷ್ಟು ಹೆಚ್ಚಾಗಿದೆ. ಉಷ್ಣ ವಿದ್ಯುತ್ ಸ್ಥಾವರಗಳಲ್ಲಿ ಕಲ್ಲಿದ್ದಲು ಬೇಡಿಕೆಯಲ್ಲಿನ ಹೆಚ್ಚಳದೊಂದಿಗೆ, ಭಾರತೀಯ ರೈಲ್ವೆ ಜುಲೈನಲ್ಲಿ ವಿದ್ಯುತ್ ಸ್ಥಾವರಗಳಿಗೆ ದೇಶೀಯ ಕಲ್ಲಿದ್ದಲು ಪೂರೈಕೆಯನ್ನು ಕಳೆದ ವರ್ಷದ ಇದೇ ತಿಂಗಳಿಗೆ ಹೋಲಿಸಿದರೆ ಶೇ.20 ರಷ್ಟು ಹೆಚ್ಚಳವಾಗಿದೆ.

ಏರುಮುಖಿಯಾಗಿ ಮುಂದುವರಿದ ಸರಕು ಸಾಗಣೆ ಆದಾಯ

ಸರಕು ಸಾಗಣೆಯಲ್ಲಿನ ಹೆಚ್ಚಳವು ಜುಲೈ 2025 ಕ್ಕಿಂತ 1,137 ಕೋಟಿ ರೂ. ಸರಕು ಆದಾಯದಲ್ಲಿ ಹೆಚ್ಚಳಕ್ಕೆ ಕಾರಣವಾಗಿದ್ದು, ಶೇ 8 ರಷ್ಟು ಪ್ರಗತಿಯನ್ನು ದಾಖಲಿಸಿದೆ. ವಲಯ ರೈಲ್ವೆಗಳಲ್ಲಿ, ಪೂರ್ವ ಮಧ್ಯ ರೈಲ್ವೆ (ಶೇ.33), ಪೂರ್ವ ರೈಲ್ವೆ (ಶೇ.33), ಪಶ್ಚಿಮ ಮಧ್ಯ ರೈಲ್ವೆ (ಶೇ.23) ಮತ್ತು ಆಗ್ನೇಯ ರೈಲ್ವೆ (ಶೇ.10.33) ರಷ್ಟು ಸರಕು ಆದಾಯದಲ್ಲಿ ಗಮನಾರ್ಹ ಬೆಳವಣಿಗೆಯನ್ನು ದಾಖಲಿಸಿವೆ.

ಪ್ರಯಾಣಿಕರ ದಟ್ಟಣೆಯ ಹೆಚ್ಚಳವು ವರ್ಧಿತ ರೈಲು ಸಂಪರ್ಕ ಮತ್ತು ಸೇವಾ ವಿತರಣೆ ಪ್ರತಿಬಿಂಬಿಸುತ್ತದೆ

ಭಾರತೀಯ ರೈಲ್ವೆ 2026ರ ಜುಲೈ ನಲ್ಲಿ 63.35 ಕೋಟಿ ಪ್ರಯಾಣಿಕರನ್ನು ಸಾಗಿಸಿತು, ಕಳೆದ ವರ್ಷದ ಇದೇ ತಿಂಗಳಲ್ಲಿ 62.19 ಕೋಟಿ ಪ್ರಯಾಣಿಕರನ್ನು ಸಾಗಿಸಿತ್ತು. ದೇಶಾದ್ಯಂತ ರೈಲು ಪ್ರಯಾಣಕ್ಕೆ ಹೆಚ್ಚುತ್ತಿರುವ ಆದ್ಯತೆಯನ್ನು ಪ್ರತಿಬಿಂಬಿಸುವ ಉಪನಗರ ಮತ್ತು ಉಪನಗರವಲ್ಲದ ಎರಡೂ ವಿಭಾಗಗಳಲ್ಲಿ ಪ್ರಯಾಣಿಕರ ದಟ್ಟಣೆ ಹೆಚ್ಚುತ್ತಲೇ ಇದೆ.

ಭಾರತೀಯ ರೈಲ್ವೆ ಸರಕು ಸಾಗಣೆ ಜಾರಿ ವ್ಯವಸ್ಥೆಯನ್ನು ಬಲವರ್ಧನೆಗೊಳಿಸಲು ಪ್ರಯಾಣಿಕರ ಸೇವೆಗಳನ್ನು ಹೆಚ್ಚಿಸಲು ಮತ್ತು ಆಧುನಿಕ ರೈಲು ಮೂಲಸೌಕರ್ಯವನ್ನು ವಿಸ್ತರಿಸಲು ಬದ್ಧವಾಗಿದೆ. ಕಾರ್ಯಾಚರಣೆಯ ದಕ್ಷತೆ, ಸಾಮರ್ಥ್ಯ ವರ್ಧನೆ ಮತ್ತು ಗ್ರಾಹಕ-ಸ್ನೇಹಿ ಉಪಕ್ರಮಗಳಲ್ಲಿ ನಿರಂತರ ಸುಧಾರಣೆಗಳ ಮೂಲಕ, ಭಾರತೀಯ ರೈಲ್ವೆ ಪ್ರತಿದಿನ ಲಕ್ಷಾಂತರ ಪ್ರಯಾಣಿಕರಿಗೆ ಭಾರತದ ಆರ್ಥಿಕ ಬೆಳವಣಿಗೆ, ಇಂಧನ ಭದ್ರತೆ ಮತ್ತು ಅಡೆತಡೆರಹಿತ ಸಂಚಾರವನ್ನು ಬೆಂಬಲಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದೆ. 

*****