اپنی مضبوط ترقی کی رفتار کو برقرار رکھتے ہوئے کیپٹو اور کمرشل کوئلہ کان کنی کے شعبے نے جولائی 2026 میں بھی بلند پیداوار کا سلسلہ جاری رکھا، جس سے ہندوستان کے کوئلہ نظام میں اس شعبے کے بڑھتے ہوئے کردار کو مزید تقویت ملی ہے۔ ماہ کے دوران کیپٹو اور کمرشل کانوں سے کوئلے کی پیداوار 14.78 ملین ٹن (ایم ٹی) رہی، جبکہ کوئلے کی ترسیل 17.49 ملین ٹن تک پہنچ گئی۔ جولائی 2025 کے مقابلے میں کوئلے کی پیداوار میں 9.61 فیصد سالانہ اضافہ ریکارڈ کیا گیا، جو کان کنی کے کاموں میں مسلسل رفتار اور ملک کی مجموعی گھریلو کوئلہ پیداوار میں ان کانوں کے بڑھتے ہوئے تعاون کی عکاسی کرتا ہے۔

یہ حوصلہ افزا کارکردگی آپریشنل کارکردگی میں مسلسل بہتری، کان کنی کی پیداواری صلاحیت میں اضافے اور کیپٹو و کمرشل کوئلہ کان کنی کے شعبے میں دستیاب وسائل کے زیادہ مؤثر استعمال کو ظاہر کرتی ہے۔

ساتھ دیا گیا گراف ماہ کے دوران کوئلے کی پیداوار اور ترسیل کی کارکردگی کو (ملین ٹن میں) ظاہر کرتا ہے۔

کیپٹو اور کمرشل کانوں سے کوئلے کی پیداوار میں مسلسل اضافہ درآمدی کوئلے پر انحصار کم کرنے، سپلائی چین کو مزید مضبوط بنانے، قیمتی زرمبادلہ کی بچت کرنے اور ملک کی توانائی سلامتی اور صنعتی ترقی کے لیے ضروری اہم خام مال میں خود انحصاری کو فروغ دے کر حکومت کے آتم نربھر بھارت کے وژن کو آگے بڑھانے میں معاون ثابت ہوگا۔

وزارتِ کوئلہ کیپٹو اور کمرشل کوئلہ کان کنی کے شعبے کی مکمل صلاحیتوں کو بروئے کار لانے کے لیے پرعزم ہے۔ وزارت ترقی پسند پالیسی اقدامات، مضبوط ضابطہ جاتی نگرانی اور تمام متعلقہ فریقوں کے مسلسل تعاون کے ذریعے پیداوار میں اضافے کو برقرار رکھنے، رسد سے متعلق رکاوٹوں کو دور کرنے اور کوئلے کی دستیابی کو بہتر بنانے کے لیے مسلسل کام کرتی رہے گی، تاکہ یہ شعبہ ملک کی بڑھتی ہوئی توانائی اور صنعتی ضروریات کو پورا کرنے میں قابلِ اعتماد کردار ادا کر سکے۔

********

ش ح۔ ش ت  ۔رض

U-183