প্রধানমন্ত্রীগী লোইশঙ
প্রধান মন্ত্রীনা কম্মনৱেল্থ গেম্স ২০২৬তা উৎখিবা ভারতকী কন্তিঞ্জেন্তকী পর্ফোর্মেন্সতা চাউথোকচবা ফোংদোকখ্রে
प्रविष्टि तिथि:
03 AUG 2026 9:55AM by PIB Imphal
প্রধান মন্ত্রী শ্রী নরেন্দ্র মোদীনা গ্লাসগোদা পাংথোকপা কম্মনৱেল্থ গেম্স ২০২৬তা ভারতকী কন্তিঞ্জেন্তকী পর্ফোর্মেন্সতা চাউথোকচবা ফোংদোকখ্রে।
ভারতনা গোল্দ মেদল ১৩ য়াওনা মেদল ৩৯ ফংলকপদা প্রধান মন্ত্রীনা নুংঙাইবা ফোংদোকখি অমসুং মেদল লৌরকখ্রবা পুম্নমকপু থাগৎপা ফোংদোকখি।
শ্রী মোদীনা হায়খি মদুদি গেম্স মনুংদা ভারতকী শান্নরোয়শিংনা অখন্নবা হৈশিংবা, অচেৎপা ফিরেপ অমসুং থৌনা উৎখি। মখোয়গী কন্না হোৎনবনা লৈবাক অসিগী নহাশিংবু মখা তানা ইথিল পীরগনি হায়না মহাক্না মখা তাখি।
শ্রী মোদীনা ভারতকী কন্তিঞ্জেন্ত পুম্নমকপু মখোয়গী তুংগী পুন্সিগীদমক য়াইফ-মঙ্গোল পীখি অমসুং মখোয়না লৈবাক অসিগীদমক মখা তানা হেন্না চাউথোকচনীংঙাই ওইবা থবকশিং পাংথোক্কনি হায়বগী থাজবা ফোংদোকখি।
শ্রী মোদীনা এক্সতা ইখি;
“গ্লাসগো কম্মনৱেল্থ গেম্সতা উৎখিবা ঐখোয়গী কন্তিঞ্জেন্তগী পর্ফোর্মেন্সতা চাউথোকচবা পোকই।
ভারতনা গোল্দ ১৩ য়াওনা মেদল ৩৯ ফংখিবা অসিদা নুংঙাইবা ফাওই। মেদল লৌরকখ্রবশিংদা নুংঙাইবা ফোংদোকচরি।
গেম্স মনুংদা ঐখোয়গী হৈ-শিংলবা শান্নরোয়শিংনা অখন্নবা হৈ-শিংবা, অচেৎপা ফিরেপ অমসুং থৌনা উৎখি। মখোয়গী কন্না হোৎনবনা ঐখোয়গী নহাশিংদা ইথিল পীরগনি।
লাক্কদৌরিবা তুংগী পুন্সিগীদমক ভারতকী কন্তিঞ্জেন্ত পুম্নমকপু ঐহাক্না য়াইফ-মঙ্গোল পীজরি। মখোয়না মখা তানা মখোয়গী খ্বাইদগী ফজবা পীবা ঙম্বা ওইদুনা লৈবাক অসিগীদমক হেন্না চাউথোকচবা পুরকপা ওইরসনু।
#CWG2026”
***
(रिलीज़ आईडी: 2293611)
आगंतुक पटल : 5
इस विज्ञप्ति को इन भाषाओं में पढ़ें:
Telugu
,
Kannada
,
Malayalam
,
Assamese
,
English
,
Urdu
,
हिन्दी
,
Marathi
,
Bengali
,
Punjabi
,
Gujarati
,
Tamil