প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকখিবা কেন্দ্রগী মন্ত্রীমন্দলনা ২০২৬-২৭দগী ২০৩০-৩১ ফাওবগী মনুংদা লুপা করোর ৩৬,৪৪১ পুন্না থাদদুনা নহারোলশিংগী চাউখৎ-থৌরাং অমসুং লৈবাক শেমগৎপদা শান্ন-খোৎনবগী শক্তি শীজিন্ননবা সরকারগী অচেৎপা ফিরেপ অদু অমুক হন্না ফোংদোক্লদুনা পাকথোক চাউথোক্লবা খেলো ইন্দিয়া স্কিম অমসুং হেন্না মপাঙ্গল লৈরবা নেস্নেল স্পোর্তস ফেদরেসন (এ.এন.এস.এফ.) অসি ২০২৬-২৭ দগী ২০৩০-৩১ ফাওবগী অয়াবা পীখ্রে।

মসি লৈবাক অসিনা নীংতম্বা ফংলবা মতুংদগী শান্ন-খোৎনবগী চাউখৎ থৌরাংগী খ্বাইদগী চাউরবা থৌরাং ওইরি। শান্নখোৎনবগী মায়কৈদা লৈবাক্কী নহারোলশিংগী অনিংবা অপাম্বশিংদা অচৌবা খোংজেল অমা পীখ্রে অমসুং লাক্কদৌরিবা চহি তরারোম অসিদা অহোংবা শাফু অমা উরগনি।

অয়াবা পীরবা শেনফম অসি মমাংগী খেলো ইন্দিয়া স্কিমগী শরুক মঙা ওইরি। মসিনা শান্ন-খোৎনববু নহারোলশিংগী চাউখৎ-থৌরাং, লৈবাক শেমগৎ-শাগৎপা অমসুং ভারতপু মালেমগী শান্ন-খোৎনবগী পাৱরহাউস অমা ওইহন্নবা সরকারগী অচেৎপা ফিরেপ অদু উৎলি।

নৌনা শেমদোক্লবা স্কিম অসি স্কুলগী শান্নবুংশিং অমসুং খুঙ্গংগী শান্নবুংশিংদগী ওলিম্পিক্কী পোদিয়ম ফাওবদা ভারতকী হৈ-শিংলবা নহা খুদিংগী অচুম্বা লম্বী অমা শেমগৎনবা থৌরাংনি। মসিনা জিওগ্রাফী, ইকোনোমিক বেকগ্রাউন্দ নত্ত্রগা খুদোংচাবা লৈতবনা মরম ওইদুনা স্পোর্তিং তেলেন্ত অমত্তা মাঙহন্দনবা হোৎনরি।

খেলো ভারত নীতি ২০২৫ অমসুং নেস্নেল এজুকেসন পোলিসী ২০২০গী ভিজনগা লোয়ননা, স্কিম অসিনা ২০৩০গী কমনৱেল্থ গেমস অমসুং ওলিম্পিক অমসুং পেরালিম্পিক গেম্‌স পাংথোক্নবা লৈবাক অসিনা হোৎনরিবা অসি য়াওনা ভারতকী অতম কুইনা লৈরক্লবা শান্নখোৎনবগী মঙলানশিংগীদমক্তা মপাঙ্গল কনবা য়ুম্ফম অমা শেমদুনা শান্নখোৎনববু এজুকেসন, ফিৎনেস, তেক্নোলোজী অমসুং অৱাংবা থাক্কী ত্রেনিংগা লোযইননা পুনশিন্নরি।

হৈ-শিংলবা নহা খুদিংমক্না মীথোই মীহেন্নবগী লম্বী অমা ফংজবা:

অহানবা ওইনা, নহা ওইরিবা শান্নরোইশিংবু তেলেন্ত মশক খঙদোকপা অমসুং সাইন্তিফিক ত্রেনিংদগী হৌরগা ইন্তর্নেস্নেল কম্পিতিসনদগী অমসুং ওলিম্পিক্কী শেম-শাবা ফাওবগী থাক খুদিংমক্তা মতেং পাংনবা কম্প্রিহেন্সিব এথলেৎ দিবেলপমেন্ত লম্বী অমা শেমখ্রে।

স্কিম অসিনা নেস্নেল সেন্তর ওফ এক্সিলেন্স (এন.সি.ও.ই.), খেলো ইন্দিয়া সেন্তর ওফ এক্সিলেন্স (কে.আই.সি.ও.ই.), এস.আই.আই. ত্রেনিং সেন্তরশিং (এস.তি.সি.), খেলো ইন্দিয়া এক্রেদিতেদ একাদেমিশিং (কে.আই.এ.এ.), খেলো ইন্দিয়া সেন্তরশিং (কে.আই.সি.) অমসুং আর্মদ ফোর্সেসকী য়ুথ স্পোর্তস কম্পেনীশিং (ৱাই.এস.সি.) য়াওনা ইন্তিগ্রেতেদ নেস্নেল স্পোর্তস ইকোসিস্তেম অমা শেমগৎলি। পুন্না, ইন্সতিত্যুসনশিং অসিনা মালেমগী থাক্তা লৈবা কোচিং, স্পোর্তস সাইন্স সপোর্ত অমসুং লৈবাক শিনবা থুংনা মোদর্ন ইনফ্রাস্ত্রকচর ফংহল্লগনি।

স্কুল স্পোর্তস ইকোসিস্তেম মপাঙ্গল কনখৎহন্নবা, সরকারনা অনৌবা থৌরাং অনী হৌদোক্লে। খেলো ইন্দিয়া ফিদর স্কুল (কে.আই.এফ.এস.) অমসুং খেলো ইন্দিয়া উত্তকৃস্ত বিদ্যালয়শিং (কে.আই.য়ু.ভি.)। মখোয়না শান্নখোৎনববু মেনস্ত্রিম এজুকেসনগা পুনশিন্নগনি অমসুং হৈশিংলবা অঙাংশিং অঙনবা মতমদা মশক খঙদোকপা অমসুং পথাপ নাইনা শেমগৎপা ঙম্লগনি।

ভারতকী শান্নরোইশিংগী পুল অসি শরুক ১০ হেনগৎলগনি:

স্কিম অসিগী মখাদা মরুওইবা রিফোর্ম অমা হায়রগদি হৌজিক লৈরিবা খেলো ইন্দিয়া এথলেৎ প্রোগ্রামগী মথক্তা ইমর্জিং খেলো ইন্দিয়া এথলেৎ (ই-কে.আই.এ.) মসিনা স্ত্রকচর তৌরবা এথলেৎ দিবেলপমেন্ত ইকোসিস্তেম অসি চাউরাক্না শরুক তরা হেনগৎহল্লগনি। মসিনা অহেনবা নহা ওইরিবা এথলেৎ লিশিং কয়া অমা প্রোফেস্নেল কোচিং, সাইন্তিফিক সপোর্ত অমসুং মতম শাংনা মেন্তরিংগী মখাদা লৈহল্লগনি।

তেলেন্ত আইদেন্তিফিকেসন দিবেলপমেন্ত কম্মিতীশিং, জোনল কম্মিতীশিং, তেলেন্ত স্কাউতশিং, হাই পর্ফোমেন্স দিরেক্তরশিং অমসুং হাই পর্ফোমেন্স মেনেজরশিং য়াওনা লৈবাক শিনবা থুংনা তেলেন্ত আইদেন্তিফিকেসনগী ফ্রেমৱার্ক মপাঙ্গল কনখৎহনবনা লৈবাক শিনবা থুংনা থাজবা য়াবা শান্নরোইশিং লেপ্তনা মশক খঙদোকপা, ত্রেক তৌবা অমসুং দিবেলপ তৌবদা মতেং পাংগনি।

স্কিম অসিনা গ্রাসরুৎ কম্পিতিসনদগী খেলো ইন্দিয়া অমসুং তুংদা টার্গেৎ ওলিম্পিক পোদিয়ম স্কিম (TOPS) ফাওবগীদমক ময়েক শেংবা প্রোগ্রেসন পাথ অমা লিংখৎলি। মসিনা শক্নাইরবা শান্নরোয়শিংদা মালেমগী থাক্কী ত্রেনিং, ইন্তর্নেস্নেল এক্সপোজর অমসুং মেদলশিংগীদমক্তা খ্বাইদগী ৱাংবা থাক্তা কম্পিত তৌনবগীদমক মপুং ফানা তেংবাং পীবা ঙমহল্লি।

কম্পিতিসন হেন্না লৈবনা খুদোংচাবা হেন্না ফংহল্লি:

স্পোর্তিং এক্সিলেন্স অসি চাং নাইনা চত্থরিবা কম্পিতিসনগী মখা পোল্লি হায়বা খঙলদুনা, নৌনা শেমদোক্লবা স্কিম অসিনা ভারতকী দোমেস্তিক কম্পিতিসন ইকোসিস্তেমবু মপাঙ্গল কনখৎহল্লি। মসিনা নহা ওইরিবা শান্নরোইশিংদা চাং নাইনা অথোই অহেন তান্নবা ফংহন্নবা নেস্নেল চেম্পিয়নশিপকা লোয়ননা স্কুল, য়ুনিভর্সিতী, রিজনেল অমসুং স্পোর্ত-স্পিসিফিক লীগশিং শৌগৎলি।

শান্তি, ইনক্লুজন অমসুং কম্ম্যুনিতী দিবেলপমেন্তকী খুৎলাই অমা ওইনা নুপী শান্নরোইশিং, পেরা-এথলেৎশিং, ইন্দিজিনস স্পোর্তস অমসুং স্পোর্তসকী খুদোংচাবশিং পাকথোক চাউথোকহনবদা অখন্নবা মিৎয়েং থম্লি। স্কিম অসিনা নেস্নেল গেম্স শীনবা অমসুং ভারত্তা অচৌবা ইন্তর্নেস্নেল স্পোর্তিং ইভেন্তশিং পাংথোকপদা মতেং পীরি।

হেন্না ফিত ওইরবা অমসুং হেন্না মশা মৌ ফরবা ভারত অমা শেমগৎপা:

ফিৎ ইন্দিয়া মুভমেন্ত অসি ফিৎনেসপু লৈবাক শিনবা থুংনা মরুওইনা নহারোলশিংগী মরক্তা প্রমোৎ তৌনবগীদমক্তা পাকথোক চাউথোকহনগনি। কেম্পেনশিংনা এক্তিব লাইফস্তাইলশিং, নুপীশিংনা শান্ন-খোৎনবদা শরুক য়াবা, ঙমখৈ অমসুং অরাপ্পা মফমশিংদা মীৎয়েং থম্বা অমসুং ময়াই কাবা পোৎলম শীজিন্নবা থিংবদা স্পোর্তসতা য়ুম্ফম ওইবা থৌরাংশিং, সোসিএল ত্রান্সফোর্মেশনগী খুৎলাই অমা ওইনা স্পোর্তসবু মপাঙ্গল কনখৎহন্দুনা পুক্নিং থৌগৎকনি।

কোচশিং, তেক্নোলোজী অমসুং ইন্নোবেসনদা শেল থাদবা:

শান্নরোইশিংনা মালেমগী থাক্তা তেংবাং পীবগী পথাপশিংগা লোইননা খুমাং চাউশিল্লকপা ঙম্মি হায়বা খঙলদুনা, সরকারনা কোচিংগী মগুনশিং থাক উদা থম্নবা, প্রোফেস্নেল স্তেন্দর্দশিং ফগৎহন্নবা অমসুং লৈবাক শিনবা থুংনা কোচশিং অমসুং তেংবাং পীনবা স্তাফকী কেপাসিতী মপাঙ্গল কনখৎহন্নবা নেস্নেল কোচ এক্রেদিতেসন বোর্দ (এন.সি.এ.বি.) হৌদোক্লগনি।

স্কিম অসিনা এথলেৎশিংগী দেতাবেজশিং, ইনফ্রাস্ত্রকচর, কম্পিতিসনশিং, কোচিং রিসোর্সশিং, তেলেন্ত এসেসমেন্তশিং, ফন্দিং অমসুং ফিৎ ইন্দিয়াগী শরুক য়াহন্দুনা য়ুনিফাইদ দিজিতেল স্পোর্তস প্লেৎফোর্ম অমা শেম্নবা হোৎনরি। প্লেতফোর্ম অসিনা দেতা-দাইরেক্ত প্লান্নিং, ত্রান্সপরেন্ত গবর্নান্স অমসুং পর্সোনেলাইজ এথলেৎ দিবেলপমেন্ত পীবা ঙমহনগনি।

শান্ন-খোৎনবদা মগুন লৈহন্নবা মপাঙ্গল কনখৎহনবা পার্তনরশিপ:

সরকারনা স্পোর্তস ইনফ্রাস্ত্রকচর, তেলেন্ত দিবেলপমেন্ত অমসুং এথলেৎ সপোর্ততা ইনভেস্তমেন্ত, ইন্নোবেসন অমসুং এক্সপর্তীজ শিজিন্ননবা প্রাইবেৎ একাদেমীশিং, কোর্পোরেত পার্তনরশিং অমসুং অতোপ্পা ইন্সতিত্যুসনশিংগা লোয়ননা তেংবাং পীনবা হেনগৎহল্লগনি। মসিনা পব্লিক অমসুং প্রাইবেৎ পার্তিসিপেসন অনিমক্না চলাইবা তশেংবা নেস্নেল স্পোর্তস ইকোসিস্তেম অমা শেমগনি।

ভারতকী মালেমগী ওইবা শান্ন-খোৎনবগী পান্দমশিং শৌগৎপা:

শেমদোক্লবা খেলো ইন্দিয়া স্কিম অসি মপুং ফাহন্নবগীদমক, সরকারনা ২০২৬-৩১গী মতমগী মনুংদা নেস্নেল স্পোর্তস ফেদরেসন (এ.এন.এস.এফ.) স্কিম অসিনা কোচিং, স্পোর্তস সাইন্স, মোদর্ন ইক্বিপমেন্ত, ইন্তর্নেস্নেল এক্সপোজর, কোচিং কেম্পশিং, মপান লৈবাক্কী এক্সপর্তশিং য়াওহনবা অমসুং মরুওইবা ইন্তর্নেস্নেল কম্পিতিতিবশিংদা শরুক য়াবগীদমক শেল থাদদুনা ভারতকী শান্নরোইশিং অমসুং তীমশিংদা মতেং পাংগনি। মসিনা গ্লোবেল সাউথকী লৈবাকশিংগা লোইননা স্পোর্তস কোওপরেসনসু সপোর্ত তৌগনি অমসুং ইন্তর্নেস্নেলগী থাক্তা ভারতকী লমদমসিগী স্পোর্তশিং প্রমোৎ তৌগনি।

বিক্সিত ভারতকীদমক নেস্নেল মিসন অমা:

শেমদোক্লবা খেলো ইন্দিয়া স্কিম অসিনা ভারতকী স্পোর্তসকী তুংলমচৎকীদমক পায়খৎলিবা খ্বাইদগী চাউবা ইনভেস্তমেন্তশিংগী মরক্তগী অমা ওইরি। শান্ন-খোৎনবগী প্রোগ্রাম অমা ওইবদগী হেন্না, মসি ভারতকী নহাশিংদা খুদোংচাবা, থাজবা অমসুং মগুন লৈহন্নবগীদমক্তা মপাঙ্গল কনখৎহন্নবগী নেস্নেল মিসন অমনি।

গ্রাসরুৎ তেলেন্ততগী গ্লোবেল স্পোর্তসকী মাইপাকপদা চপ মান্নবা লম্বী অমা শেমদুনা, স্কিম অসিনা চেম্পিয়নশিং শেমগৎপা, ফিৎনেসকী কলচর অমা পুক্নিং থৌগৎপা, ভারতকী স্পোর্তসকী ইকোসিস্তেম মপাঙ্গল কনখৎহনবা অমসুং লৈবাক অসি মালেমগী মকোক থোংবা স্পোর্তসকী লৈবাকশিংগী মরক্তা থমদুনা বিক্সিত ভারত@2047গী মঙলানগী মায়কৈদা চংশিন্নবগী পান্দম থম্লি।

***