આંકડાશાસ્ત્ર અને કાર્યક્રમ અમલીકરણ મંત્રાલય
BRICS દેશોના નેશનલ સ્ટેટિસ્ટિકલ ઓફિસીસના વડાઓની બેઠક
"ગુણવત્તાયુક્ત આંકડાકીય માહિતી પરિવર્તનના ચાલક બળ તરીકે"
प्रविष्टि तिथि:
02 AUG 2026 3:58PM by PIB Ahmedabad
BRICS દેશો (બ્રાઝિલ, રશિયા, ભારત, ચીન, દક્ષિણ આફ્રિકા, ઇજિપ્ત, ઇથોપિયા, ઇન્ડોનેશિયા, ઇરાન, સાઉદી અરેબિયા અને સંયુક્ત આરબ અમીરાત (UAE))ના નેશનલ સ્ટેટિસ્ટિકલ ઓફિસીસ (NSO)ના વડાઓની બેઠક ભારતની અધ્યક્ષતામાં 03 થી 04 ઓગસ્ટ 2026 દરમિયાન લખનૌ, ઉત્તર પ્રદેશ, ભારત ખાતે યોજાવાની છે.
વર્ષ 2026 માં ભારતની BRICS અધ્યક્ષતા "બિલ્ડિંગ ફોર રિઝિલિયન્સ, ઇનોવેશન, કોઓપરેશન એન્ડ સસ્ટેનેબિલિટી (BRICS)" ની સર્વોપરી થીમ દ્વારા સંચાલિત છે. BRICS આંકડાકીય ટ્રેક (BRICS Statistics track) હેઠળ, ભારતે "ગુણવત્તાયુક્ત આંકડાકીય માહિતી પરિવર્તનના ચાલક બળ તરીકે" થીમ અપનાવી છે. આ થીમ ઝડપી તકનીકી પ્રગતિ, ઉચ્ચ-આવર્તન (high-frequency) અને વિગતવાર આંકડાઓની વધતી માંગ અને પુરાવા-આધારિત, ટકાઉ તથા સમાવેશી વિકાસને ટેકો આપવા માટે અધિકૃત આંકડાઓ પર વધતી જતી નિર્ભરતાને અનુકૂળ પ્રતિસાદ આપતી ડેટા ગુણવત્તા, નવીનતા, અસરકારક પ્રસારણ અને જન-કેન્દ્રિત આંકડાકીય પ્રણાલીઓ પ્રત્યેની અચળ પ્રતિબદ્ધતા દર્શાવે છે.
આધુનિક BRICS નીતિ-નિર્માણ વિકાસને ટ્રેક કરવા, નિર્ણયો માર્ગદર્શિત કરવા અને પરસ્પર સમજણ કેળવવા માટે મજબૂત આંકડાઓ પર આધાર રાખે છે. 2010 થી, સભ્ય દેશો સુલભ અને સુમેળભર્યો ડેટા પૂરો પાડવા માટે જોઈન્ટ સ્ટેટિસ્ટિકલ પબ્લિકેશન (JSP) અને સ્નેપશોટ BRICS JSP (2020 માં શરૂ કરાયેલ) પ્રકાશિત કરે છે. સમય જતાં, BRICS આંકડાકીય સહયોગ માત્ર મૂળભૂત ડેટા સંગ્રહમાંથી આગળ વધીને નીતિ નિર્માતાઓ, સંશોધકો અને જનતા માટે ડેટા ધોરણો, સુમેળ અને નવીનતા પર વધુ ઊંડી સંરેખણ ધરાવતો બન્યો છે. આંકડાકીય બાબતો પર દર વર્ષે સાઇડ ઇવેન્ટ્સ સાથે બે મુખ્ય કાર્યક્રમો યોજવામાં આવે છે:
(i) NSOs ની ટેકનિકલ બેઠક (ii) NSOs ના વડાઓની બેઠક
મુખ્યત્વે BRICS JSP અને સ્નેપશોટ BRICS JSP ના પ્રકરણો પર ચર્ચા કરવા માટે 16 એપ્રિલથી 17 એપ્રિલ, 2026 દરમિયાન ટેકનિકલ બેઠક યોજાઈ હતી. આ ચર્ચા JSP અને સ્નેપશોટ 2026 માટે પરસ્પર સંમત માળખું તૈયાર કરવા તેમજ જવાબદારીઓની ફાળવણી નક્કી કરવા અને દરેક નેશનલ સ્ટેટિસ્ટિકલ ઓફિસ (NSO) ના યોગદાન માટે સમયમર્યાદા સ્થાપિત કરવા પર કેન્દ્રિત હતી.
BRICS સ્ટેટિસ્ટિક્સ ટ્રેકનો ઉદ્દેશ્ય નીચેના પ્રાથમિકતા ધરાવતા ક્ષેત્રો હેઠળ પરિણામો આપવાનો છે:
- મુખ્ય BRICS આંકડાકીય ઉત્પાદનો (JSP અને સ્નેપશોટ) ને મજબૂત બનાવવું
- રાષ્ટ્રીય આંકડાકીય પ્રણાલીઓમાં નવીનતા અને સુધારા
- ડેટા પ્રસારણ અને સુલભતા
- મેક્રોઇકોનોમિક અને ક્ષેત્રીય આંકડાઓને મજબૂત કરવા
BRICS દેશોના નેશનલ સ્ટેટિસ્ટિકલ ઓફિસીસના વડાઓની આ બેઠકમાં બ્રાઝિલ, રશિયા, ચીન, દક્ષિણ આફ્રિકા, ઇજિપ્ત, ઇથોપિયા, ઇન્ડોનેશિયા, ઇરાન અને UAE ના પ્રતિનિધિઓ ઉપસ્થિત રહેવાની ધારણા છે. જેનો મુખ્ય ઉદ્દેશ્ય BRICS JSP દ્વારા આંકડાઓના પ્રસારણ, આંકડાકીય પ્રણાલીઓમાં નવીનતા અને જ્ઞાન તથા શ્રેષ્ઠ પદ્ધતિઓના આદાન-પ્રદાનના ક્ષેત્રોમાં સહયોગને વધુ મજબૂત બનાવવાનો છે.
BRICS દેશોના નેશનલ સ્ટેટિસ્ટિકલ ઓફિસીસ (NSOs) ના વડાઓની બેઠકની સાથે જ નીચે દર્શાવેલ થીમ્સ પર BRICS દેશોના NSOs, નીતિ નિર્માતાઓ, શિક્ષણવિદો, થિંક ટેન્ક્સ, નાગરિક સમાજ સંગઠનો અને તકનીકી નિષ્ણાતોની ભાગીદારી સાથે અડધા દિવસની બે સાઇડ ઇવેન્ટ્સ પણ આયોજિત કરવામાં આવી રહી છે:
- વહીવટી ડેટાની ક્ષમતાને અનલોક કરવી (03 ઓગસ્ટ 2026)
- વિકસતા ડેટા ઇકોસિસ્ટમમાં AI ની સજ્જતા (04 ઓગસ્ટ 2026)
SM/BS/JD
(रिलीज़ आईडी: 2293447)
आगंतुक पटल : 15