Ka Ophis jong u Myntri Rangbah duh ka ri
azadi ka amrit mahotsav

Yn plie paidbah u Myntri Rangbah duh ka ri ia ka ‘Nasha Mukt Yuva for Viksit Bharat Sankalp Abhiyan’ ha ka 2 tarik Nailar

Ka jingplie paidbah kan long ka dak jong ka jingsdang jong ka Campaign Jan Bhagidari ba 100 taiew ha ka ri baroh kawei pyrshah ia ka jingdih pynbuaid

प्रविष्टि तिथि: 01 AUG 2026 4:04PM by PIB Shillong

U Myntri Rangbahduh Narendra Modi un plie paidbah ia ka ‘Nasha Mukt Yuva for Viksit Bharat Sankalp Abhiyan’ ha ka 2 tarik u Nailar 2026 ha ka por 11 baje mynstep lyngba ka video conferencing. Kane ka sienjam ka thmu ban ai mynsiem ia ki samla ban kiar na ki jingdih pynbuaid bad pynshlur ia ki ban long ki nongmihkhmat jong ka jingkylla kaba bha ha ka imlang sahlang jong ki.

Kane ka jingplie paidbah kan long ka dak jong ka Jan Bhagifari kaba100 taiew ha kylleng ka ri pyrshah ia ka jingdih buaid. Hapoh kane ka kam, yn pynlong ki prokram man ka Sngi u Blei ban kyntiew ia ka jingai jingtip bad pynshlur ia ka jingiashim bynta ki paidbah ban tei ia ka imlang sahlang kaba lait na u drok. Ki prokram kin kynthup ia ki jingialehkai, ki jingiaid paidbah, ki jingiasyllok, ki prokram kiba iadei bad ka kolshor, ki prokram ai jingtip, ki nukkad nataak, ki jingiamir jingmut, ki jingiakhun ha ka jingdro bad ki prokram ban iakren bad ka imlang sahlang.

Kine ki sienjam ki thmu ban pynkhlain shuh shuh ia ka jingiashim bynta ka imlang sahlang da kaba wanrah lang ia ki jaka pule, ki kynhun jong ki samla, ki kynhun ha ka imlang sahlang, ki kynhun kiba iadei bad kane ka kam bad ki kynhun kiba iadei bad ka niam ha kawei ka rynsan ban wanrah ia ka jingiatreilang pyrshah ia ka jingdih pynbuaid.

Ha kane ka prokram yn wan iashim bynta da ki samla na kylleng ka ri ha palat 10,000 ki jaka. Ki nongtrei mon sngewbha jong ka MY Bharat, ki nongtrei mon sngewbha jong ka MY Bharat National Service Scheme, ki kynhun jong ki samla, ki skul, ki kolej, ki skul bah, ki NGO ki kynhun samla jong ki kynhun kiba iadei bad kane ka kam bad palat 125 tylli ki kynhun kiba iadei bad ka niam kin iashim bynta ha kane ka prokram lyngba ki lad digital.

***


(रिलीज़ आईडी: 2293151) आगंतुक पटल : 5
इस विज्ञप्ति को इन भाषाओं में पढ़ें: Telugu , Malayalam , Bengali , English , Urdu , Marathi , हिन्दी , Manipuri , Gujarati , Odia , Tamil , Kannada