প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা অন্ধ্র প্রদেসকী বিজিয়ানগরমগী ভোগাপুরমদা লুপা করোর ১৭,৯০০ হেনবগী তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে, শঙ্গাখ্রে অমসুং মীয়ামদা কৎথোকখ্রে
এভিএসন, ক্লিন ইনর্জি, সেমিকন্দক্তরশিং অমসুং লম্বী-থোঙগী ঙসিগী প্রোজেকশিং অসিনা রাজ্য অসিগী চাউখৎপদা মতেং পাংগনি: প্রধান মন্ত্রী
ত্রাইবেল ফুরুপশিংগী য়াইফনবা মহাক্কী পুন্সি কৎথোকখিবা অল্লুরি সিতারমা রাজুগী লমদম অসিদা; ঙসি অন্ধ্র প্রদেসকী অনৌবা এয়রপোর্ত অমা শঙ্গারে: প্রধান মন্ত্রী
এয়রপোর্ত অসিনা অন্ধ্র অমসুং অৱাং থংবা অন্ধ্র চাউখৎনবা রেনৱে ওইনা থবক তৌরে, মসি অন্ধ্রগী নহারোলশিংগী অফবা তুংলমচৎ অমগী খোঙহৌফম অমনি: প্রধান মন্ত্রী
অন্ধ্র প্রদেস অমসুং লৈবাক অসিনা ঐখোয়গী হৈথোই-শিংথোইরবা নহারোলশিংগী তৌবা ঙম্বদগী কান্নবা খ্বাইদগী য়াম্না লৌবা অসি মরুওই; মসি পাংথোকপা ঙম্নবা, সেমিকন্দক্তরশিংগুম্বা তুংগী তেক্নোলোজিদা হৌজিক ঐখোয় মীৎয়েং চঙলি, ভিশাখাপত্নমদা অনৌবা সেমিকন্দক্তর প্লান্তগী উরেপ-উয়ুং তম্বা অসি মাইকৈ অসিদা থাংজিনবা মরুওইবা খোঙথাং অমনি: প্রধান মন্ত্রী
ঙসি, লৈবাক অসিনা মসিগী ব্লু ইকোনোমি লেপ্তনা চাউখৎহল্লি; ঐখোয়গী পান্দমদি লমদম অসি কোষ্টেল ইকোনোমিক কোরিদোর অমা ওইনা শেমগৎপনি, মসিগী পান্দম অসি ৱাখলদা থমদুনা, ভিশাখাপত্নমদগী হৌরগা কৃষ্ণনপাত্নম ফাওবগী ঐখোয়গী অরিবা হিথাংফমশিং নৌনা শেমগৎলে; মসিগী মথক্ত, ঐখোয়না মুলেপেতা অমসুং রামায়াপাত্নমদা অনৌবা হিথাংফমশিং শেমগৎলি: প্রধান মন্ত্রী
प्रविष्टि तिथि:
01 AUG 2026 3:05PM by PIB Imphal
ঙসি প্রধান মন্ত্রী শ্রী নরেন্দ্র মোদীনা অন্ধ্র প্রদেসকী বিজিয়ানগরমগী ভোগাপুরমদা লুপা করোর ১৭,৯০০ হেনবগী তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে, শঙ্গাখ্রে অমসুং মীয়ামদা কৎথোকখ্রে। শ্বারনা অন্ধ্র ভিজনগীদমক নুমিৎ অসিগী মরুওইবা পল্লদুনা, শেংলবা থা অমদা অৱাং অন্ধ্রগী শেংলবা লমদমদা লাকপদা প্রধান মন্ত্রীনা তৌবীমল খঙবা উৎখি, মহাক্না ভগবান শ্রী বরাহ লক্ষ্মী নরসিংহ স্বামী, শ্রী কুরমানাথ স্বামী অমসুং মা পিদিথাল্লি আম্মাভারুদা ইকায়খুম্নবা উৎখি। প্রধান মন্ত্রীনা হায়খি মদুদি অচৌবা থৌরম অসি শরুক য়ানবগীদমক অৱাং অন্ধ্রগী শেংলবা লমদমদা লাকপা অসি মহাক্কী লাইবক ফবনি।
লুপা করোর লিশিং ১৮ রোমগী চাউখৎ-থৌরাংগী প্রোজেকশিং শঙ্গারদুনা অমসুং উরেপ-উয়ুং তম্লদুনা, প্রধান মন্ত্রীনা হায়খি মদুদি এয়রপোর্ত ইনফ্রাষ্ট্রকচর, লম্বী অমসুং ইনর্জি সেকুরিতিগী থবকশিং অসি রাজ্য অসিগী চাউখৎপগী খোঙজেল য়াংশিনবগী চপ চারবা খুদমনি। চাউখৎ-থৌরাংগী থবকশিং অসি অন্ধ্র প্রদেসকী চাউখৎপা য়াংখৎলকপগী অশেংবা খুদম অমনি।
থৌরম অসি মমাঙদা অমুক্ত থোকখিদ্রিবা পুৱারিগী মরুওইবা তাঞ্জা অমনি হায়না শিংথারদুনা, প্রধান মন্ত্রীনা হায়খি মদুদি ইনফ্রাষ্ট্রকচরগী অচৌবা মাইপাকপশিংগা লোয়ননা, ধিমসা জগোয় শাদুনা ফজরবা নাৎকী ৱার্ল্দ রেকোর্দ অমা থমদুনা নুমিৎ অসি অখন্নবা ওইরে। ঙসিগী থৌরম অসি অনৌবা পুৱারি অমা শেম্বা অমসুং হিরম কয়াদা অনৌবা রেকোর্দশিং থম্নবগী থৌরমনি।
ত্রাইবেল ইচল অমসুং ইচানুপী লিশিং ১৩ হেনবগী অঙকপা জগোয় থাগৎলদুনা, প্রধান মন্ত্রীনা হায়খি মদুদি মখোয়গী থৱায় য়াওবা অমসুং থকশি-খাসি থাগৎলি, ফজরবা জগোয় অদুদা লৈবাক অসিগী ইনাকখুল্লবা খেন্নবা অমসুং মপুংফানা ঙাক-শেল্লিবা অরিবা চৎনবীশিং ফজনা মমি তারে। মফম অসিদা ঐখোয়গী ত্রাইবেলগী চৎনবী উৎখিবগী চাউথোকচবা অসি তশেংনা চিং-লেম্বা অমসুং কাউবা ঙম্লরোইদবা অমনি।
অল্লুরি সিতারমা রাজুগী থৌনা ফবগী পুৱারি অমসুং ত্রাইবেলগী য়াইফনবা মহাক্কী পুন্সি কৎথোকখিবা অদুদা ইকায়খুম্নবা উৎলদুনা, প্রধান মন্ত্রীনা হায়খি মদুদি এয়রপোর্ত অসিনা অন্ধ্র অমসুং অৱাং থংবা অন্ধ্র চাউখৎনবা রেনৱে ওইনা থবক তৌরে, মসি অন্ধ্রগী নহারোলশিংগী অফবা তুংলমচৎ অমগী খোঙহৌফম অমনি।
অনৌবা এয়রপোর্ত অসিগী মমিং শক্নাইরবা নিংতম লান্মীগী মমিং থোন্নবা সরকারনা ৱারেপ লৌখিবা অদু লাউথোক্লদুনা, প্রধান মন্ত্রীনা হায়খি মদুদি লমকোয়বা মীওই খুদিংমক্না এয়রপোর্ত অসিগী গেতশিং ফাওদুনা চৎপা মতমদা লৈবাক অসিগী থৌদাং অমা ওইনা চাউনা ইকায়খুম্নবা উৎকনি। এয়রপোর্ত অসি ফাওদুনা চৎপা মীওই খুদিংমক্না মীয়ামগী অমসুং লৈবাক্কী থবক তৌনবা শ্রী অল্লুরি সিতারমন রাজুদগী ইথিল ফংগনি।
হৌখিবা চহি ১২ দা সিবিল এভিএসন সেক্তরদা পুরকখিবা অওনবশিং পল্লদুনা, প্রধান মন্ত্রীনা হায়খি ২০১৪ দা শুপ্নগী এয়রপোর্ত ৭৪ খক লৈরমখি অমসুং হৌজিক এয়রপোর্ত ১৬৬ লৈরে, হৌজিক পাল্লিবা লৈঙাক অসিনা অপীকপা সহরশিংগী মীচম মীয়ামশিং মথক্ত চৎথোক-চৎশিন তৌবা লাইনা ঙমহল্লে। ঙসিদি, অপীকপা সহরশিংগী মীচম মীয়াম নুংঙাইনা মথক্ত পাইরে, মথক্ত চৎথোক-চৎশিন তৌবা অসি অচৌবা সহরশিং খক্তগী ওইরম্বা অদু মতম অদু লৈত্রে।
প্রধান মন্ত্রীনা হায়খি মদুদি এভিএসনগী থবক অহোংবা পুরক্নবা উরান স্কিম পায়খৎখিবনি। থয়ক অসিনা মাইপাক্না লায়রবা ইমুংশিং মথক্ত পাইনবা মখোয়গী মঙলানশিং মঙফাওনবা ঙমহল্লে। লুপা করোর লিশিং ১৯ গী অচৌবা শেনফম অমা থাদদুনা হন্দক স্কিম অসিগী অনৌবা তাঙ্কক হৌদোকখ্রে। লায়রবশিংগী মনুংদা খ্বাইদগী লায়রবশিং মখোয়গী মতম কয়াগী মঙলানশিং মঙফাওনহনবদা স্কিম অসিনা মতেং পাংলে।
এভিএসন সেক্তরগী অতোপ্পা অচৌবা মাইপাকপা অমা পল্লদুনা, প্রধান মন্ত্রীনা হায়খি মদুদি হন্দক কাসিদা ‘স্পোক এয়রপোর্ত’ নমুনা হৌদোকখ্রে অমসুং মখা তানা মাইপাক্না অমৃতশরদা হৌদোক্লে, অঙকপা ওইনা পঞ্জাবগী সহর অসিগা মালেমগী এয়রপোর্ত ২৫ হেনবগা শম্নরে। অন্ধ্র প্রদেসকী লমদম অসিদগী, মাইপাকপা অসিগীদমক পঞ্জাবকী মীয়ামদা ঐনা হরাওবা ফোঙদোকচরি।
হৌজিক পাল্লিবা চীফ মিনিষ্টর অমসুং দিপুতি চীফ মিনিষ্টরগী লুচিংবা অমসুং হৌজিক রাজ্য অসিগী চাউখৎপগী খোঙজেল শরুক অনি য়াংখৎহনবগীদমক প্রধান মন্ত্রীনা থাগৎপা ফোঙদোকখি। প্রধান মন্ত্রীনা হায়খি মদুদি বিকসিত ভারত অমগী গ্রোথ ইঞ্জিন ওইরক্নবা ঐখোয়গী অন্ধ্র প্রদেস মতম পুম্নমক্ত তৌবা খুদোংচাবা কয়া লৈরে।
ব্লু ইকোনোমি চাউখৎনবা লৈবাক্কী লাল্লোং শন্দোক্না পল্লদুনা, প্রধান মন্ত্রীনা হায়খি মদুদি ঙসি, লৈবাক অসিনা মসিগী ব্লু ইকোনোমি লেপ্তনা চাউখৎহল্লি। ঐখোয়গী পান্দমদি লমদম অসি কোষ্টেল ইকোনোমিক কোরিদোর অমা ওইনা শেমগৎপনি। মসিগী পান্দম অসি ৱাখলদা থমদুনা, ভিশাখাপত্নমদগী হৌরগা কৃষ্ণনপাত্নম ফাওবগী ঐখোয়গী অরিবা হিথাংফমশিং নৌনা শেমগৎলে; মসিগী মথক্ত, ঐখোয়না মুলেপেতা অমসুং রামায়াপাত্নমদা অনৌবা হিথাংফমশিং শেমগৎলি।
প্রধান মন্ত্রীনা হায়খি মদুদি রাজ্য শীনবা থুংনা হায়ৱে অমসুং এক্সপ্রেসৱে নেতৱার্কশিং শেমগৎলে, ভিশাখাপত্নম-রাইপুর এক্সপ্রেসৱে অসিনা লমদম অসিগী চাউখৎপগী খোঙজেল য়াংখৎহল্লে। এক্সপ্রেসৱে প্রোজেকশিং অসিনা অপুনবা লমদম অসি মমাংদা অমুক্ত ওইখিদ্রিবা খোঙজেলদা য়াংখৎহল্লে।
লমদম অসি লৈবাক অসিগী অচৌবা উদ্যোগকী মফমশিংগা মপুংফানা শম্নবগী তঙাইফদবা অদু পল্লদুনা, প্রধান মন্ত্রীনা হায়খি মদুদি লুপা করোর লাখ ১ রোমগী রেলৱে প্রোজেকশিং হৌজিক পায়খৎলি, ষ্টেসন ৭০ হেনবা মতমগা চুনবা মওংদা শেমগৎলে অমসুং নেতৱার্ক মপুংফানা মৈ ফংহল্লে। লমদম অসি লৈবাক অসিগী খ্বাইদগী চাউবা উদ্যোগকী মফমশিংগা ফজনা শম্ননবা ঐখোয়না থৱায় য়াওনা থবক পায়খৎলি।
প্রধান মন্ত্রীনা হায়খি মদুদি পি.এম গাতি শক্তি নেসনেল মাষ্টর প্লানগী মখাদা রেল, হিথাংফম অমসুং এয়রপোর্ত ইনফ্রাষ্ট্রকচর অমতা ওইনা পুনশিল্লে। মসিনা পোৎ-চৈ পুথোক-পুশিন অমসুং চৎথোক-চৎশিন ফজনা পাংথোক্লে, লৌমীশিং নুংঙাইহল্লে অমসুং ললোন-ইতিক লাইহল্লে। অনৌবা লোজিষ্টিক্স নেতৱার্ক অসি মপুংফানা শেম-শাবা হেক লোইবগা, মসিনা উদ্যোগকশিংদা হেন্না নুংঙাইনবা লম্বী-থোঙ ফংহনগনি অমসুং ঐখোয়গী লৌমীশিংদা কান্নবা পীগনি অমসুং লাইনা ললোন-ইতিক পাংথোকপা হেনগৎহনগনি।
অনৌবা থবক পায়খৎপগী রাজ্য অসিগী পুৱারি ওইরবা থৌনা থাগৎলদুনা, প্রধান মন্ত্রীনা হায়খি সোফৱায়ার অমসুং তেক্নোলোজি সেক্তরশিংদা লমদম অসিগী নহারোলশিংনা মালেমদা মাংজিল থারি। লমদম অসি চাউখৎনবগীদমক মসিগী হৈথোই-শিংথোইরবা মীওইশিং অসিগী কান্নবা লৌনবা সরকারনা য়াংনা থবক পায়খৎলে।
নহারোলশিংগী হৈথোই-শিংথোইবা অসি লমদম অসিদা থম্নবা অমসুং লৈবাক অসিদা শীজিন্নবগী দরকার ওইবা অদু তকশিল্লদুনা, প্রধান মন্ত্রীনা হায়খি তুংগী তেক ইন্দষ্ট্রিশিংদা সরকারগী মীৎয়েং হোংলে, সেমিকন্দক্তরশিংগুম্বা তুংগী তেক্নোলোজিদা হৌজিক ঐখোয় মীৎয়েং চঙলি। ভিশাখাপত্নমদা অনৌবা সেমিকন্দক্তর প্লান্তগী উরেপ-উয়ুং তম্বা অসি মাইকৈ অসিদা থাংজিনবা মরুওইবা খোঙথাং অমনি। লমদম অসিগী ঐখোয়গী নহারোলশিং মপুংফানা শীজিন্নবা ঙম্নবা সেমিকন্দক্তরশিংগুম্বা তুংগী তেক উদ্যোগশিংদা হৌজিক ঐখোয়না মরুওইবা মীৎয়েং চঙলে।
প্রধান মন্ত্রীনা হায়খি মদুদি রাজ্য অসিগী সোফৱায়ারগী শক্তি অসিগা লোয়ননা অফবা মেনুফেকচরিংগী মফম অমা ওইহন্নবা রাজ্য অসি অওনবা পুরক্লগনি। মসিনা তুংদা থবক ফংনবা অনৌবা ইকোসিষ্টেম অমা শেমগৎলগনি। মসিগী মরুওইবা অওনবা অসিনা মাইপাক্না তুংদা থবকশিং ফংহনগনি অমসুং রাজ্য শীনবা থুংনা তেক ইন্দষ্ট্রিশিংগী অনৌবা ফিবম অমা শেমগৎলগনি।
মালেমগী ইকোনোমিক গ্রোথ সেন্তরশিংগী অরুবা থবকশিং শন্দোক্না তাক্লদুনা, প্রধান মন্ত্রীনা হায়খি মদুদি অপুনবা অকোয়বগী থবকশিং য়াওদনা নাইতোম লৈবা ফেক্তরিশিং মতিক চাদে, হৌজিক রাজ্য অসিদা ফজনা শেম-শারবা মতেং পাংবগী ফিবম অমা লৈরে, মসিদা চীফ মিনিষ্টরনা লেপ্তনা লনাই ওইনা থবক কয়া পায়খৎপগীদমক থাগৎপা ফোঙদোকচরি। অহিং-নুংথিল নাইদনা থবক কন্না পায়খৎপগী ফল ওইনা মালেমগী অচৌবা কম্পেনি কয়া মফম অসিদা শেন থাদনবা ঙাইদুনা লৈরে।
অৱাংবা থাক্কী তেক্নোলোজিগী ইনফ্রাষ্ট্রকচর পাকথোক-চাউথোরক্লিবা অসি পল্লদুনা, প্রধান মন্ত্রীনা হায়খি মদুদি হৌজিক এ.আই অমসুং দেতা সেন্তরশিং শেমগৎলি। গুগলগী দোল্লার বিল্লিয়ন ১৫ গী অচৌবা কেম্পস অমা লাউথোকখিবা অসি মালেমগী ওইনা থৱায় য়াওরকপগী খুদম অমনি অমসুং মসিনা লমদম অসিগী নহারোলশিংদা হকথেংননা কান্নবা পীগনি। মালেমগী কম্পেনি কয়া মফম অসিদা অনৌবা খুদোংচাবা কয়া উরে, মসিনা রাজ্য অসিগী অমসুং লৈবাক্কী নহারোলশিংদা চাউনা কান্নবা পীগনি।
প্রধান মন্ত্রীনা হায়খি মদুদি রাজ্য অসিগী উদ্যোগ অসি দিজিতেল তেক্নোলোজিগী মথক্ত অতোপ্পা কয়া লৈরে। কেন্দ্র সরকারনা নাক্কাপাল্লিদা অচৌবা অনৌবা ফার্মা পার্ক অমা শেমগৎলি, মসিনা রাজ্য অসি লৈবাক অসিগী মরুওইবা হিদাক-লাংথক্কী মফম অমা ওইহল্লগনি। মতেং অসিগা লোয়ননা, অন্ধ্র প্রদেস য়াংনা লৈবাক অসিগী খ্বাইদগী চাউবা ফার্মা হবশিংগী মনুংদা অমা ওইরগনি।
রিন্যুএবল ইনর্জিগী মতাংদা, প্রধান মন্ত্রীনা হায়খি মদুদি রায়ালাসিমা লমদম খক্তদা লুপা করোর লাখ ৫ হেনবগী শেনফম থাদরে, পান্দমশিং অসি ফংনবা লৈঙাক্না চোকথবা লৈতনা মীয়ামগীদমক হোৎনবগী অচেৎপা থাজবা অমা পীরে। অসিগুম্বা য়াম্লবা খুদোংচাবা অমা থবক ওইনা পাংথোক্নবা ঐখোয়গী সরকারনা মখা তানা অহিং অমসুং নুংথিল অনিমক থবক তৌগনি।
হিরম খুদিংমক্ত লৈঙাক্কী চাউখৎপগী পান্দমশিং য়াংখৎলক্লিবা অসি পল্লদুনা, প্রধান মন্ত্রীনা হায়খি মদুদি চহি খর অসিদা রাজ্য অসিদা য়াম্লবা শেনফমশিং থাদখ্রে। মহাক্কী হৌখিবা খোঙচৎ অহুমদা লুপা করোর লাখ ২ হেনবগী প্রোজেকশিং হৌদোকখ্রে। হন্দক হৌদোকখিবা অচৌবা প্রোজেকশিং অসিদগী হিরম খুদিংমক্ত থবক য়াংনা পায়খৎলিবা অদু অদোম্না লাইবা উবা ফংগনি।
চাউখৎপগী ৱারি অসিদা অৱাং থংবা জিলাশিং চাউখৎলকপা অসিদা অপেনবা ফোঙদোক্লদুনা, প্রধান মন্ত্রীনা হায়খি মদুদি ভিশাখাপত্নম ইকোনোমিক রিজন (ভি ই আর) অসি পান্দম অসি ফংনবা নৌনা মতেং পাংদুনা, মরুওইবা এসিয়ান ইকোনোমিক পৱারহাওস অমা ওইরে। ভিশাখাপত্নম ইকোনোমিক রিজন অসি এসিয়াদা খ্বাইদগী মরুওইবা শেন-থুমগী মফম অমা ওইহনবা হায়বসি ঐখোয়গী অমতা ঙাইরবা পান্দমনি।
থাদরিবা শেনফমশিং অসিনা থবক পীনবা সরকারগী মরুওইবা শেন-থুমগী ৱাঙুলোন অদু পল্লদুনা, প্রধান মন্ত্রীনা হায়খি মদুদি সরকার অমসুং লনাইগী শেন থাদবা অসিনা মেনুফেকচরিং চাউখৎহল্লে, মপান্দা থাদোকপা হেনগৎলে অমসুং ইমুং-মনুংগী শেন্থোক হেনগৎলে অমসুং হিংবগী থাকশিং ৱাংখৎলে। থবক ফংবা হেনগৎলকপা মতমদা, মীয়ামগী শেন্থোক মশা মরোমদোম হেনগৎলকই, অমসুং ইমুংশিংগী নোংমগী পুন্সি শিংথাবা য়ানা ফগৎলকই।
ৱারোল লোইশিল্লকপদা, প্রধান মন্ত্রীনা হায়খি মদুদি লমদম অসিগী অফবা তুংলমচৎ অমা লৈরি। থৌরম অসিদা হৌদোকখিবা অচৌবা প্রোজেকশিং অসিনা শ্বারনা অন্ধ্র অমসুং বিকসিত ভারত অনিমক্কী পান্দমশিং ফংনবা মরুওইবা য়ুম্বীশিং ওইরগনি হায়বগী থাজবা থম্লি।
***
(रिलीज़ आईडी: 2293092)
आगंतुक पटल : 16
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Gujarati
,
Tamil
,
Telugu
,
Telugu_Vw
,
Kannada
,
Malayalam