સેન્ટર ફોર ડેવલપમેન્ટ ઑફ ટેલિમેટિક્સ (C-DOT), જે ભારત સરકારના સંચાર મંત્રાલયના ટેલિકોમ્યુનિકેશન્સ વિભાગ (DoT) ના અગ્રણી ટેલિકોમ R&D સેન્ટર છે, તેણે રાષ્ટ્રીય મહત્વ ધરાવતી અગ્રણી સંસ્થા ફાઉન્ડેશન ફોર સાયન્સ ઇનોવેશન એન્ડ ડેવલપમેન્ટ (FSID) અને ઇન્ડિયન ઇન્સ્ટિટ્યૂટ ઑફ સાયન્સ (IISc), બેંગલુરુ સાથે ત્રિપક્ષિય કરાર પર હસ્તાક્ષર કર્યા છે. આ કરાર સહયોગાત્મક સંશોધન અને ટેકનોલોજી વિકાસ દ્વારા ભારતના સ્વદેશી ટેલિકોમ ઇનોવેશન ઇકોસિસ્ટમને મજબૂત બનાવવામાં વધુ એક મહત્વપૂર્ણ સીમાચિહ્નરૂપ દર્શાવે છે.

કરારના ભાગ રૂપે, C-DOT એ FSID, IISc બેંગલુરુ ખાતે એક સેન્ટર ઑફ એક્સેલન્સ (CoE) ની સ્થાપના કરી છે, જેનો ઉદ્દેશ્ય સ્વદેશી સંશોધન, નવીનતા, ક્ષમતા નિર્માણ અને અદ્યતન સંચાર તકનીકોના વ્યાપારીકરણને વેગ આપવાનો છે. CoE શૈક્ષણિક અને ઉદ્યોગ માટે એક સહયોગી પ્લેટફોર્મ તરીકે સેવા આપશે, જે ભારતના ડિજિટલ ભવિષ્ય માટે મહત્વપૂર્ણ વ્યૂહાત્મક ક્ષેત્રોમાં ઉચ્ચ-પ્રભાવિત સંશોધન, ટેકનોલોજી વિકાસ અને પ્રતિભા નિર્માણને પ્રોત્સાહન આપશે.

નવસ્થાપિત CoE વાયરલેસ કમ્યુનિકેશન્સ, ક્વોન્ટમ ટેકનોલોજી, સાયબર સિક્યુરિટી અને AI-સંચાલિત સંચાર પ્રણાલીઓમાં સંશોધન અને ઇનોવેશન પર ધ્યાન કેન્દ્રિત કરશે, જ્યારે 5G એડવાન્સ્ડ/6G ટેકનોલોજી, વેરી લાર્જ-સ્કેલ MIMO સિસ્ટમ્સ, ઇન્ટિગ્રેટેડ સેન્સિંગ અને કમ્યુનિકેશન, AI-નેટિવ કમ્યુનિકેશન નેટવર્ક્સ અને ડિવાઇસીસ, તથા ક્વોન્ટમ અને પોસ્ટ-ક્વોન્ટમ કમ્યુનિકેશન ટેકનોલોજી સહિતના ઉભરતા ક્ષેત્રોમાં અદ્યતન સંશોધન હાથ ધરશે. IIScની વૈશ્વિક સ્તરે માન્યતા પ્રાપ્ત શૈક્ષણિક શ્રેષ્ઠતાને C-DOTની સ્વદેશી ટેલિકોમ R&Dમાં વ્યાપક કુશળતા સાથે જોડીને, આ કેન્દ્ર ભવિષ્ય માટે તૈયાર સંચાર તકનીકોના વિકાસને ઝડપી બનાવવા, બૌદ્ધિક સંપદા ઉત્પન્ન કરવા, ડીપ-ટેક સ્ટાર્ટ-અપ્સને ટેકો આપવા અને સહયોગાત્મક સંશોધન, વર્કશોપ, તાલીમ કાર્યક્રમો તથા એકેડેમિક-ઇન્ડસ્ટ્રી જોડાણો દ્વારા સતત જ્ઞાન વિનિમયને સરળ બનાવવાનો ધ્યેય રાખે છે.

આ પહેલ સાથે, C-DOT એ IIT હૈદરાબાદ, IIT કાનપુર, IIT ગાંધીનગર અને IIT રૂરકી સાથેના સમાન સહયોગ પછી હવે પાંચ સેન્ટર ઑફ એક્સેલન્સ સ્થાપિત કર્યા છે. વિસ્તરતું CoE નેટવર્ક સહયોગ દ્વારા અત્યાધુનિક સંશોધનને પોષતી, સ્વદેશી તકનીકી ક્ષમતાઓને મજબૂત કરતી અને આગામી પેઢીના ટેલિકોમ્યુનિકેશન્સમાં વૈશ્વિક લીડર તરીકે ભારતનું સ્થાન મજબૂત કરતી વાઇબ્રન્ટ રાષ્ટ્રીય ઇનોવેશન ઇકોસિસ્ટમ બનાવવાની C-DOTની સતત પ્રતિબદ્ધતાને દર્શાવે છે.

આ કરાર પર ડૉ. રાજકુમાર ઉપાધ્યાય, CEO, C-DOT, અને શ્રી ઓમપ્રકાશ સુબ્બારાવ, CEO, FSID ની ઉપસ્થિતિમાં IISc ના ફેકલ્ટી સભ્યો અને C-DOTના વરિષ્ઠ અધિકારીઓ સાથે હસ્તાક્ષર કરવામાં આવ્યા હતા. હસ્તાક્ષર સમારોહ બાદ સહયોગાત્મક, ઉચ્ચ-અસરકારક સંશોધન અને ઇનોવેશન દ્વારા સંચાર તકનીકોને આગળ વધારવા માટે સમર્પિત સેન્ટર ઑફ એક્સેલન્સનું ઉદ્ઘાટન કરવામાં આવ્યું હતું.

આ પ્રસંગે, C-DOTના CEO ડૉ. રાજકુમાર ઉપાધ્યાયે "વિકસિત ભારત માટે સુરક્ષિત સ્વદેશી સંચાર તકનીકોના નિર્માણમાં સી-ડોટની ભૂમિકા" વિષય પર IISC સમુદાયને એક ખાસ વ્યાખ્યાન પણ આપ્યું હતું. આ વ્યાખ્યાનમાં ભારતના ઝડપી ડિજિટલ અને ટેલિકોમ પરિવર્તન, વિશ્વસનીય સ્વદેશી સંચાર તકનીકોના વિકાસના વ્યૂહાત્મક મહત્વ અને આગામી પેઢીના ટેલિકોમ નેટવર્ક્સ, સાયબર સુરક્ષા, AI-સક્ષમ સંચાર પ્રણાલીઓ અને ક્વોન્ટમ-સુરક્ષિત સંદેશાવ્યવહારમાં C-DOTના અગ્રણી યોગદાન પર પ્રકાશ પાડવામાં આવ્યો હતો. સત્રમાં 6G તકનીકોની પરિવર્તનશીલ સંભાવના અને વૈશ્વિક ટેલિકોમ્યુનિકેશનના ભવિષ્યને આકાર આપવામાં ભારતની વધતી જતી નેતૃત્વની પણ શોધ કરવામાં આવી હતી.

સહયોગના મહત્વનું વર્ણન કરતા, C-DOTના CEO ડૉ. રાજકુમાર ઉપાધ્યાયે નોંધ્યું: "IISc બેંગલુરુ ખાતે C-DOT સેન્ટર ઑફ એક્સેલન્સની સ્થાપના ભારતના ભવિષ્યના ટેલિકોમ ઇનોવેશન ઇકોસિસ્ટમમાં એક વ્યૂહાત્મક રોકાણનું પ્રતિનિધિત્વ કરે છે. IIScની વિશ્વસ્તરીય સંશોધન ક્ષમતાઓને સ્વદેશી ટેલિકોમ તકનીકોમાં C-DOTની કુશળતા સાથે લાવીને, અમે એક એવું પ્લેટફોર્મ બનાવી રહ્યા છીએ જે 5G એડવાન્સ્ડ, 6G, AI, ક્વોન્ટમ કમ્યુનિકેશન્સ અને અન્ય ઉભરતી તકનીકોમાં સીમાચિહ્નરૂપ સંશોધનને ઝડપી બનાવશે. આ સહયોગ માત્ર જટિલ સંચાર તકનીકોમાં ભારતની આત્મનિર્ભરતાને મજબૂત કરશે નહીં પરંતુ નવી પેઢીના ઇનોવેટર્સ, સંશોધકો, બૌદ્ધિક સંપદા અને ડીપ-ટેક એન્ટરપ્રાઇઝિસને પણ પોષશે, જે વિકસિત ભારતના વિઝનમાં નોંધપાત્ર યોગદાન આપશે."

આ ભાગીદારીના મહત્વ પર બોલતા, ડિપાર્ટમેન્ટ ઑફ ઇલેક્ટ્રિકલ કમ્યુનિકેશન એન્જિનિયરિંગ (ECE), IISc બેંગલુરુના ચેર પ્રોફેસર નીલેશ બી. મહેતાએ ભારપૂર્વક જણાવ્યું હતું કે C-DOT સાથેની આ ભાગીદારી અત્યાધુનિક સંશોધન પર કામ કરી રહેલા IISના ફેકલ્ટી અને વિદ્યાર્થીઓ તથા C-DOTના ડોમેન નિષ્ણાતો અને એન્જિનિયરો વચ્ચે લાંબા ગાળાના અને પ્રભાવશાળી સહયોગને પ્રોત્સાહિત કરશે, જેનાથી અદ્યતન સંચાર તકનીકોમાં ઇનોવેશન ઝડપી બનશે.

આ સહયોગના મહત્વ પર પ્રકાશ પાડતા, FSIDના CEO શ્રી ઓમપ્રકાશ સુબ્બારાવે ટિપ્પણી કરી, "અમે C-DOT સાથે આ મહત્વપૂર્ણ માઇલસ્ટોન સુધી પહોંચવા બદલ આનંદ અનુભવીએ છીએ અને IIScના અસાધારણ સંશોધકો અને ઇનોવેટર્સ સાથે પ્રભાવશાળી પ્રોજેક્ટ્સ અને સહયોગ શરૂ કરવા માટે ઉત્સુક છીએ. FSID હંમેશા એકેડેમિયા અને ઉદ્યોગ વચ્ચે સેતુ બાંધવા માટે સમર્પિત રહ્યું છે, કારણ કે અમે દ્રઢપણે માનીએ છીએ કે ભારતની વૈજ્ઞાનિક ઇકોસિસ્ટમ અને તકનીકી નેતૃત્વને મજબૂત કરવા માટે સહયોગાત્મક ઇનોવેશન આવશ્યક છે. અમને વિશ્વાસ છે કે આ ભાગીદારી રાષ્ટ્ર માટે અર્થપૂર્ણ પરિણામો લાવશે."

IISc બેંગલુરુ ખાતે CoEનું ઉદ્ઘાટન કરતા C-DOTના CEO ડૉ. રાજકુમાર ઉપાધ્યાય

C-DOTના CEO ડૉ. રાજકુમાર ઉપાધ્યાય અને FSIDના CEO શ્રી ઓમપ્રકાશ સુબ્બારાવ, IIScના ફેકલ્ટી સભ્યો અને C-DOTના વરિષ્ઠ અધિકારીઓની હાજરીમાં MoU પર હસ્તાક્ષર સમારોહ

C-DOTના CEO ડૉ. રાજકુમાર ઉપાધ્યાય, "વિકસિત ભારત માટે સુરક્ષિત સ્વદેશી સંચાર તકનીકોના નિર્માણમાં સી-ડોટની ભૂમિકા" વિષય પર IISC સમુદાયને ખાસ વ્યાખ્યાન આપતા.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com