দুৰ্যোগ সতৰ্কবাণীৰ বাবে চেল সম্প্ৰচাৰ সতৰ্কতা ব্যৱস্থা ৰাষ্ট্ৰীয় দুৰ্যোগ ব্যৱস্থাপনা কৰ্তৃপক্ষ (এনডিএমএ) দ্বাৰা প্ৰণয়ন কৰা সাধাৰণ সতৰ্কতা প্ৰট'কল (চিএপি)ৰ ওপৰত ভিত্তি কৰি সংহত সতৰ্কতা ব্যৱস্থাৰ জৰিয়তে পৰিচালিত হয়। এই ব্যৱস্থাত পাঁচটা সতৰ্কবাণী উৎপাদনকাৰী সংস্থাক একত্ৰিত কৰা হৈছে-বতৰ বিজ্ঞান বিভাগ (আই এম ডি), কেন্দ্ৰীয় জল আয়োগ (চি ডব্লিউ চি), ভাৰতীয় ৰাষ্ট্ৰীয় মহাসাগৰ তথ্য সেৱা কেন্দ্ৰ (আই এন চি অ’ আই এছ), প্ৰতিৰক্ষা ভূ-তথ্যবিজ্ঞান গৱেষণা প্ৰতিষ্ঠান (ডি জি আৰ ই) আৰু ভাৰতৰ বন জৰীপ (এফ এছ আই)। সকলো ৰাজ্য/কেন্দ্ৰীয় শাসিত অঞ্চলৰ ৰাজ্যিক দুৰ্যোগ ব্যৱস্থাপনা কৰ্তৃপক্ষ (এছ ডি এম এ)ৰ সৈতে ইয়াক সংযোগ কৰা হৈছে। নিজ নিজ সতৰ্কবাণী সৃষ্টিকাৰী সংস্থা আৰু এছডিএমএ দুৰ্যোগ-নিৰ্দিষ্ট সতৰ্কবাণী জাৰি আৰু অনুমোদনৰ বাবে দায়বদ্ধ, আনহাতে চিএপি-ভিত্তিক মঞ্চই চেল সম্প্ৰচাৰ ব্যৱস্থাৰ জৰিয়তে ইয়াৰ প্ৰচাৰৰ সুবিধা প্ৰদান কৰে।চেল ব্ৰডকাষ্ট এলাৰ্ট ব্যৱহাৰ কৰা হ’ব দুৰ্যোগৰ পৰিঘটনা যেনে ঘূৰ্ণীবতাহ, চুনামী, প্ৰচণ্ড বৰষুণ, বিজুলী, ফ্লেছ ফ্লাড, ধুমুহা, শিলাবৃষ্টি, এভালেঞ্চ, ক্লাউডবাৰ্ষ্ট, ঔদ্যোগিক/মানৱসৃষ্ট দুৰ্যোগ আৰু অন্যান্য পৰিঘটনা যিবোৰ তাৎক্ষণিকভাৱে সতৰ্ক কৰি দিয়াৰ যোগ্য। সতৰ্কবাণী সৃষ্টিকাৰী সংস্থাসমূহে জিঅ’-টাৰ্গেটেড সতৰ্কবাণী প্ৰদান কৰে আৰু জিঅ’-টাৰ্গেটেড সতৰ্কবাণীসমূহ জনসাধাৰণৰ মাজত প্ৰচাৰ কৰা হয়।

সময়মতে সতৰ্কবাণী লাভ কৰা আৰু সময়মতে সতৰ্কবাণী প্ৰচাৰ কৰাটোৱে দুৰ্যোগ সম্পৰ্কীয় কাৰণগততা হ্ৰাস কৰা আৰু জৰুৰীকালীন প্ৰস্তুতি উন্নত কৰাত অন্যতম অৰিহণা যোগোৱা কাৰক হিচাপে কাম কৰে। ব্যৱস্থাটোৱে জনসাধাৰণক সময়মতে সতৰ্কবাণী প্ৰদান কৰে, যিয়ে পৰোক্ষভাৱে জৰুৰীকালীন প্ৰস্তুতি আৰু প্ৰয়োজনীয় সাৱধানতা উন্নত কৰে, যাৰ ফলত দুৰ্যোগৰ লগত জড়িত হতাহতৰ সংখ্যা হ্ৰাস কৰাত সহায় কৰে।

পূৰ্বাভাস দিয়া সংস্থাসমূহে সৃষ্টি কৰা সকলো সতৰ্কবাণী লক্ষ্য নিৰ্ধাৰিত জনসংখ্যাৰ ৰাজ্যিক ভাষালৈ অনুবাদ কৰে আৰু এছডিএমএসমূহে গ্ৰাহকসকলৰ মাজত সেয়া  প্ৰচাৰ কৰে। জিঅ’-টাৰ্গেটেড এলেকাত থকা সকলো মোবাইল নেটৱৰ্ক আৰু হেণ্ডছেটত এই সতৰ্কবাণীসমূহ লাভ কৰা হয় যিয়ে দূৰৱৰ্তী আৰু দুৰ্বল অঞ্চলসমূহ অন্তৰ্ভুক্ত কৰে।

এই কথা কয় গৃহ মন্ত্ৰালয়ৰ ৰাজ্যিক মন্ত্ৰী শ্ৰীযুত নিত্যানন্দ ৰায়ে লোকসভাত এক প্ৰশ্নৰ লিখিত উত্তৰত উল্লেখ কৰে।

*****

RK/PR/PS/SC/DM