آفات کی وارننگ کے لیے سیل براڈکاسٹ الرٹ سسٹم کو نیشنل ڈیزاسٹر مینجمنٹ اتھارٹی (این ڈی ایم اے) کے ذریعے نافذ کردہ کامن الرٹنگ پروٹوکول (سی اے پی) پر مبنی انٹیگریٹڈ الرٹ سسٹم کے ذریعے چلایا جاتا ہے ۔  یہ نظام تمام ریاستوں/مرکز کے زیر انتظام علاقوں کی اسٹیٹ ڈیزاسٹر مینجمنٹ اتھارٹی (ایس ڈی ایم اے) کے ساتھ ساتھ پانچ وارننگ جنریٹنگ ایجنسیوں کے ساتھ ہم آہنگی سے چلتا ہے،جن میں محکمہ موسمیات (آئی ایم ڈی)، سنٹرل واٹر کمیشن (سی ڈبلیو سی)، انڈین نیشنل سینٹر فار اوشین انفارمیشن سروسز (آئی این سی او آئی ایس)، ڈیفنس جیوانفارمیٹکس ریسرچ اسٹیبلشمنٹ (ڈی جی آر ای) اور فاریسٹ سروے آف انڈیا (ایف ایس آئی) شامل ہیں۔متعلقہ وارننگ جنریٹنگ ایجنسیاں اور ایس ڈی ایم اے آفات سے متعلق انتباہات جاری کرنے اور ان کی اجازت دینے کے لیے ذمہ دار ہیں ، جبکہ سی اے پی پر مبنی پلیٹ فارم سیل براڈکاسٹ سسٹم کے ذریعے ان کی تشہیر میں سہولت فراہم کرتا ہے ۔

سیل براڈکاسٹ الرٹ سسٹم کا استعمال شہریوں کو بہت مختصر وقت  میں  آنے والےآفات کے واقعات جیسے طوفان ، سونامی ، شدید بارش ، آسمانی بجلی ، اچانک سیلاب ، گرج ، برفانی تودے ، کلاؤڈ برسٹ ، صنعتی/انسان ساختہ آفات اور دیگروقوعات کے بارے میں بروقت انتباہ کے لیے کیا جائے گا ۔  انتباہ دینے والی ایجنسیاں جیو ٹارگیٹڈ انتباہات فراہم کرتی ہیں اور جیو ٹارگیٹڈ الرٹ کو عوام تک پہنچایا جاتا ہے ۔

انتباہ کی بروقت وصولی اور انتباہات کی بروقت ترسیل آفات سے متعلق اموات کو کم کرنے اور ہنگامی تیاریوں کو بہتر بنانے میں معاون عوامل کے طور پر کام کرتی ہے ۔  اس نظام سے عوام کو بروقت الرٹ فراہم ہوتا ہے ، جو بالواسطہ طور پر ہنگامی تیاریوں اور ضروری احتیاطی تدابیر کو بہتر بناتا ہے ، اس طرح آفات سے متعلق ہلاکتوں کو کم کرنے میں مدد ملتی ہے ۔

پیشن گوئی کرنے والی ایجنسیوں کی طرف سے جاری  کردہ تمام انتباہات کا متاثرہ آبادی کی ریاستی زبان میں ترجمہ کیا جاتا ہے اور ایس ڈی ایم اے کے ذریعے وصول کنندگان تک پھیلایا جاتا ہے ۔  انتباہات جیو ٹارگیٹڈ علاقے میں موجود تمام موبائل نیٹ ورکس اور ہینڈ سیٹس پر موصول ہوتے ہیں جن میں دور دراز اور ممکنہ متاثر ہونے والے علاقے شامل ہیں ۔

یہ معلومات وزارت داخلہ کے وزیر مملکت جناب نتیانند رائے نے لوک سبھا میں ایک سوال کے تحریری جواب میں فراہم کی ہیں ۔

***

)ش ح۔م ش ع۔اش  ق)

745: UN No

(रिलीज़ आईडी: 2290594) आगंतुक पटल : 7