قومی انسانی حقوق کمیشن (این ایچ آر سی)، انڈیا نے ایک میڈیا رپورٹ کا ازخود سے نوٹس لیا ہے جس کے مطابق 26 جولائی 2026 کو اتر پردیش کے ضلع گوتم بدھ نگر کے شہر نوئیڈا میں واقع ایک رہائشی سوسائٹی میں سیوریج ٹریٹمنٹ پلانٹ کے اندر زہریلی گیسوں کی زد میں آنے سے ایک صفائی ملازم اور ایک سیکیورٹی گارڈ کی موت ہو گئی۔ خبروں کے مطابق، صفائی ملازم ایک ٹینک کی صفائی کے لیے اندر داخل ہوا اور بے ہوش ہو گیا۔ جب وہ باہر نہیں آیا تو سوسائٹی کا ایک سیکیورٹی گارڈ اسے بچانے کے لیے ٹینک میں اترا، لیکن وہ بھی بے ہوش ہو گیا۔

کمیشن نے کہا کہ اگر میڈیا رپورٹ کے مندرجات درست ہیں تو یہ انسانی حقوق کی سنگین خلاف ورزی کا معاملہ ہے۔ چنانچہ، کمیشن نےضلع مجسٹریٹ اور پولیس کمشنر، گوتم بدھ نگر کو نوٹس جاری کرتے ہوئے دو ہفتوں کے اندر اس معاملے پر تفصیلی رپورٹ طلب کی ہے۔ توقع ہے کہ رپورٹ میں تفتیش کی تازہ ترین صورتحال اور متوفین کے ورثاء کو دیے گئے معاوضے (اگر کوئی دیا گیا ہو) کی تفصیلات بھی شامل ہوں گی۔

ستائس جولائی 2026 کو شائع ہونے والی میڈیا رپورٹ کے مطابق، دونوں متاثرین کو پولیس اور فائر بریگیڈ کے اہلکاروں نے باہر نکالا اور اسپتال پہنچایا، جہاں علاج کے دوران انہیں مردہ قرار دے دیا گیا۔

***

ش ح۔ ع و ۔ ن م۔

U-834