નેશનલ હ્યુમન રાઇટ્સ કમિશન (NHRC), ભારતે મીડિયા રિપોર્ટ પર સ્વતઃ સંજ્ઞાન લીધું છે કે 26 જુલાઈ 2026ના રોજ, ઉત્તર પ્રદેશના ગૌતમ બુદ્ધ નગર, નોઈડા સ્થિત એક રહેણાંક સોસાયટીમાં સીવેજ ટ્રીટમેન્ટ પ્લાન્ટની અંદર ઝેરી ગેસ શ્વાસમાં જવાથી એક સફાઈ કર્મચારી અને એક સિક્યુરિટી ગાર્ડનું મૃત્યુ થયું હતું. કથિત રીતે સફાઈ કર્મચારી એક ટાંકી સાફ કરવા માટે સીવેજ ટ્રીટમેન્ટ પ્લાન્ટમાં પ્રવેશ્યો હતો અને બેભાન થઈ ગયો હતો. જ્યારે કર્મચારી બહાર ન આવ્યો, ત્યારે રહેણાંક સોસાયટીનો એક સિક્યુરિટી ગાર્ડ તેને બચાવવા માટે ટાંકીમાં પ્રવેશ્યો હતો પણ તે પણ બેભાન થઈ ગયો હતો.

કમિશને અવલોકન કર્યું છે કે મીડિયા રિપોર્ટની વિગત જો સાચી હોય તો માનવ અધિકારોના ઉલ્લંઘનના ગંભીર મુદ્દાઓ ઊભા કરે છે. તદનુસાર, તેણે ડિસ્ટ્રિક્ટ મેજિસ્ટ્રેટ અને પોલીસ કમિશનર, ગૌતમ બુદ્ધ નગરને નોટિસ પાઠવીને આ બાબતે બે અઠવાડિયાની અંદર વિગતવાર અહેવાલ માંગ્યો છે. અહેવાલમાં તપાસની સ્થિતિ, તેમજ પીડિતોના નજીકના સંબંધીઓને ચૂકવવામાં આવેલ વળતર, જો કોઈ હોય તો, તેનો સમાવેશ થવાની અપેક્ષા છે.

27 જુલાઈ 2026ના રોજ પ્રકાશિત થયેલા મીડિયા રિપોર્ટ અનુસાર, બંને પીડિતોને પોલીસ અને ફાયર બ્રિગેડના કર્મચારીઓ દ્વારા બહાર કાઢવામાં આવ્યા હતા અને હોસ્પિટલમાં લઈ જવામાં આવ્યા હતા, જ્યાં સારવાર દરમિયાન તેમને મૃત જાહેર કરવામાં આવ્યા હતા.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com