পিএম সূৰ্য ঘৰঃ মুক্ত বিজলী যোজনা (পি এম এছ জি: এম বি ৱাই) হৈছে এক চাহিদা-চালিত আঁচনি য'ত গ্ৰাম্য পৰিয়ালকে ধৰি দেশৰ সকলো আৱাসিক গ্ৰাহকে, স্থানীয় বিতৰণ কোম্পাণীৰ সৈতে গ্ৰীড-সংযুক্ত বিদ্যুৎ সংযোগ থকা, আঁচনিখনৰ ৰাষ্ট্ৰীয় পৰ্টেলত (www.pmsuryaghar.gov.in) আবেদন কৰি ছাদৰ ওপৰত সৌৰ (আৰ টি এছ) প্ৰণালী স্থাপনৰ বাবে আঁচনিখনৰ সুবিধা লাভ কৰিব পাৰে।

২০২৫-২৬ বছৰটোত, ৬.৭ গিগাৱাট  সঞ্চিত স্থাপিত সৌৰ ক্ষমতাৰ সৈতে মুঠ ১৮.৭১ লাখ আৰ টি এছ প্ৰণালী স্থাপন কৰা হৈছে যাৰ ফলত পি এম এছ জি: এম বি ৱাই-ৰ অধীনত গ্ৰাম্য পৰিয়ালসমূহকে ধৰি সমগ্ৰ দেশৰ ২২.৭১ লাখ পৰিয়াল উপকৃত হৈছে।

পি এম এছ. জি: এম বি ৱাই-ৰ অধীনত, ২০২৪ চনৰ ফেব্ৰুৱাৰীত আৰম্ভ হোৱাৰ পৰা, মুঠ ৩৯,৭২,৪৪৭ আৰ টি এছ প্ৰণালী স্থাপন কৰা হৈছে, যাৰ ফলত ২২.০৭.২০২৬ অনুসৰি গ্ৰাম্য অঞ্চলৰ পৰিয়ালসমূহকে ধৰি সমগ্ৰ দেশৰ ৪৮,০২,৭১৭ পৰিয়াল উপকৃত হৈছে।

যদিও আঁচনিখনৰ অধীনত আৰ টি এছ স্থাপন কৰা গ্ৰাহকসকলৰ বিদ্যুৎ বিল বহু পৰিমাণে হ্ৰাস কৰা হৈছে, গ্ৰাম্য পৰিয়ালসমূহকে ধৰি সমগ্ৰ দেশতে স্থানীয় বিতৰণ কোম্পাণীৰ দ্বাৰা ১৮.৯৩ লাখৰো অধিক হিতাধিকাৰীয়ে তেওঁলোকৰ বিদ্যুৎৰ স্ব-ব্যৱহাৰৰ ওপৰত নিৰ্ভৰ কৰি যিকোনো মাহ/বিলিং সময়ছোৱাত আঁচনিখনৰ অধীনত আৰ টি এছ প্ৰণালী স্থাপন কৰাৰ পাছত শূন্য বিদ্যুৎ বিল লাভ কৰাৰ খবৰ পোৱা গৈছে।

আৱাসিক খণ্ডত ছাদৰ ওপৰত সৌৰ প্ৰকল্প স্থাপনৰ উপৰি, পি এম এছ জি: এম বি ৱাই-ত শিক্ষা তথা স্বাস্থ্য প্ৰতিষ্ঠানকে ধৰি চৰকাৰী আৰু বাণিজ্যিক ভৱনসমূহত আৰ টি এছ প্ৰকল্প স্থাপনৰ পৰিকল্পনা কৰা হৈছে, অৱশ্যে, এই শ্ৰেণীৰ গ্ৰাহকসকলক কোনো কেন্দ্ৰীয় বিত্তীয় সাহায্য (চি এফ এ) প্ৰদান কৰা হোৱা নাই কিয়নো ছাদৰ ওপৰত সৌৰ প্ৰকল্প স্থাপন কৰাটো চি এফ এ অবিহনেও তেওঁলোকৰ বাবে আৰ্থিকভাৱে লাভদায়ক।

নতুন আৰু নৱীকৰণযোগ্য শক্তি মন্ত্ৰালয়ৰ কেন্দ্ৰীয় ৰাজ্য মন্ত্ৰী শ্ৰী শ্রীপদ য়েছো নাইকে ৰাজ্যসভাত এটা প্ৰশ্নৰ লিখিত উত্তৰত এই তথ্য দাখিল কৰে।

*****

Nihi Sharma/MK