PIB Backgrounder
হেপাতাইতিস থেংননবা ভারতকী লান্থেং
प्रविष्टि तिथि:
27 JUL 2026 10:45AM by PIB Imphal
|
ভারতনা ২০৩০ ফাওবদা হেপাতাইতিস মায়থিবা পীননবা পান্দম ফংনবগীদমক হকশেলগী লমদা লৈরম্বা পলশিং মওং মরিল নাইনা নমখায়রক্লি। নেস্নেল ভাইরেল হেপাতাইতিস কন্ত্রোল প্রোগ্রাম্না ইনফেক্সন ঙাকথোক্নবা অমসুং লায়না অসিনা শোকহল্লবা মীওইশিংদা হিদাক লাংথক লেম্না ফংহনবা অমসুং লাইওং খঙদোকপা য়াওনা হেল্থ সিস্তেম এপ্রোচ অমদা চঙশিল্লি অমদি তোঙান তোঙানবা নেস্নেল প্রোগ্রামশিংগা পুন্না চৎমিন্নরি।
|
হেপাতাইতিস হায়বসি করিনো?
হেপাতাইতিস হায়বসি হেপাতাইতিস ভাইরসশিং নত্রগা অতৈ ইনফেক্সনশিং, য়ু অমসুং দ্রগ্সকুম্বা হু চেনবা পোৎলমশিং, অমসুং ওতোইম্যুন লায়নাশিংনা থোকহনবা ফিরাক্তা শোকহনবা ফীভম অমনি। মরুওইবা হেপাতাইতিস ভাইরস মঙা লৈ, মসিগী মনুংদা তাইপ B অমসুং তাইপ C অসি খ্বায়দগী তোয়না থোকই অমসুং মসিনা সিরোসিস অমসুং লিভর কেন্সর য়াওনা মতম শাংনা নাবা লায়নাশিং থোকহল্লি।
ভারত্তা হেপাতাইতিসপু মীয়ামগী হকশেলগী অৱাবা অমনি হায়না লাউথোকখ্রে। ২০১৮ দা, লৈঙাকনা লায়না অসি থেংননবগীদমক স্ক্রীনিং অমসুং লায়েংবগী থৌওংশিং ফংহন্নবা নেসনেল ভাইরেল হেপাতাইতিস প্রোগ্রাম হৌদোকখি। মসি তোঙান-তোঙানবা ভাইরসনা থোকহনবা লায়নাশিংগা থেংননবা UN গী চাওখৎ-থৌরাংগী তুং কোইগদবা পান্দমগী পরিংদা চৎলি।
শন্দোকপা, ঙাকথোকপা অমসুং লায়েংবগী মওং
|
হেপাতাইতিস ভাইরস
|
মরম / শন্দোকপা
|
ঙাকথোকপা অমসুং লায়েংবা
|
|
হেপাতাইতিস A (HAV)
|
মোৎশিল্লবা চীঞ্জাক/ঈশিংগী খুত্থাঙদা ফেকেল-ওরেল রুত
মওং মরিল তাদবা সেনিতেসন অমসুং অফবা থক্নবগী ঈশিং ৱাৎপা
|
ঙাকথোকপা: অফবা থক্নবা ঈশিংল হায়জিন অমসুং সেনিতেসনগী থৌরাংশিং
লায়েংবা: মহৌশানা সেল্ফ-লিমিতিং ওই। সপ্পোর্তিব কেয়র (ঈশিং থকপা/মচি ওইবা মচল চাবা)। অকক্নবা এন্তিভাইরেল লৈতে।
|
|
হেপাতাইতিস B (HBV)
|
খ্বায়দগী তোয়না থোকপা: পোকপা মতমদা মমাদগী মচাদা
লায়না চেনবা ঈ অমসুং ঈগী পোৎলমশিং অমসুং হকচাঙগী মচুম্নচিংবা
|
াকথোকপা: ভেক্সিন্না ঙাকথোকপা ঙম্বা লায়নানি। য়ুনিভর্সেল ইম্ম্যুনাইজেসন প্রোগ্রামগী মখাদা হেপাতাইতিস B ভেক্সিন (পোকপদা পীবা দোজ হেক য়ারিবমখৈ থুনা অমসুং মরুওইনা পোকপগী পুং ২৪ গী মনুংদা, পোকপগী চয়োল ৬, ১০ অমসুং ১৪ দা ফংহনবা)
লায়েংবা: মতম কুইনা নাবা হেপাতাইতিস B অসি লৈবাক্কী চৎন-পথাপকী মখাদা ইলিজিবল ওইবশিংগী মরক্তা এন্তিভাইরেল হিদাক্না লাকশিল্লি।
|
|
হেপাতাইতিস C (HCV)
|
সেফ ওইদবা ইঞ্জেক্সন/থৌওংদগী ঈদা মহিক চঙখিবা
য়েত্তুম /সীরিঞ্জ শীজিন্নবা
লায়না চেনবা ঈ অমসুং ঈগী পোৎলমশিং অমসুং হকচাঙগী মচুম্নচিংবগা থেংনরুবা
|
ঙাকথোকপা: শোক্কদবা মরমশিং হন্থহন্নবা থৌরাং (য়েত্তুম পুনবা), শাফগদবা ইঞ্জেক্সন থৌওংশিং শীজিন্নবা। হেপাতাইতিস C নাবা ঙাকথোক্নবা পাম্বৈ শীজিন্নবা।
লায়েংবা: দাইরেক্ত-এক্তিং এন্তিভাইরেল (DAAs) দ্রগশিংগা লোয়ননা পান-জিনোতাইপিক রেজিমেন শীজিন্নবা অনাবা মীওই অয়াম্বা চয়োল ১২-২৪গী মনুংদা ফহল্লি।
|
|
হেপাতাইতিস D (HDV)
|
লায়না চেনবা ঈ অমসুং ঈগী পোৎলমশিং অমসুং হকচাঙগী মচুম্নচিংবগা থেংনরুবা
মতম কুইনা HBV গা লোয়নদুনা লৈরিবা খরখক্তদা নাহল্লি।
|
ঙাকথোকপা: মনুংদা লৈরিবা HBV লায়না ঙাকথোক্তুনা, হেপাতাইতিস B ভেক্সিন্না চপ মান্নবা মতমদা HDV ইনফেক্সনগী মায়োক্তা মপুং ফানা ঙাকথোকই।
|
|
হেপাতাইতিস E (HEV)
|
মোৎশিল্লবা চীঞ্জাক/ঈশিংগী খুত্থাঙদা ফেকেল-ওরেল রুত
মওং মরিল তাদবা সেনিতেসন অমসুং অফবা থক্নবগী ঈশিং ৱাৎপা
|
ঙাকথোকপা: অফবা থক্নবা ঈশিং, হাইজিন অমসুং সেনিতেসনগী থৌরাং
লায়েংবা: মহৌশানা সেল্ফ-লিমিতিং ওই। সপ্পোর্তিব কেয়র (ঈশিং থকপা/মচি ওইবা মচল চাবা)। অকক্নবা এন্তিভাইরেল লৈতে।
|
নেস্নেল ভাইরেল হেপাতাইতিস কন্ত্রোল প্রোগ্রাম অমসুং অতৈশিং
NVHCP গী মখাদা লৌখৎলিবা মরুওইবা থৌরাংশিংগী মনুংদা মীয়ামদা পাক শন্না খঙহনবদা মীৎয়েঙ থম্বা ঙাকথোক্নবা, য়োকখৎনবা অমসুং লায়না ঙাকথোক্নবা থৌরাংশিং, মথৌ তাবা পুম্নমক্তা ভাইরেল হেপাতাইতিসকী লাইওং খঙদোকপা অমসুং লায়েং ফংহনবা হেনগৎহনবশিং য়াওরি।
NVHCP প্রোগ্রাম্না হেপাতাইতিস A, B, C, D অমসুং E ভাইরস লাকশিল্লি।
হেপাতাইতিস A অমসুং E অসি মহৌশানা শাথিবা, লাইওং উৎপা অমসুং লাইচৎ থোক্কনবা ওই অমসুং ইন্তিগ্রেতেদ দিজীজ সর্ভিলেন্স প্রোগ্রামগী খুত্থাঙদা য়েংশিল্লি।
হেপাতাইতিস C অমসুং হেপাতাইতিস B লায়েংনবগীদমক মথৌ তাবা পুম্নমক্তা লেম্না লাইওং খঙদোক্নবা থৌওং অমসুং হিদাক লাংথকশিং ফংহল্লি।
প্রোগ্রাম অসিনা NVHCP-MIS পোর্তেলগী খুত্থাঙদা অনাবা মীওইশিং লায়েংনবা অমসুং রিপোর্ত তৌননবা রেকোর্দ অমসুং রিপোর্ত তৌবগী চে শীজিন্নদবা থৌওং শীজিন্নরি।
সিরোপ্রিভেলেন্স হায়বসি সেম্পল সর্ভে অমদা লায়না অমা নারে হায়বা খঙলবা মীওইশিংগী শেয়রনি। ভারতকী ২০২১ HIV সেন্তিনেল সর্ভিলেন্স দেতাদা, হেপাতাইতিস B অমসুং হেপাতাইতিস C নারবা মীওইশিংগী ০.৮৫% — চাউরাক্না মথঙশিৎনা মীওই ১১৮ গী মনুংদা ১ অমসুং মীওই ৩৪৫ গী মনুংদা ১ নি।
লৈঙাক অসিনা লায়নাশিং অসি ঙাকথোকপা অমসুং লায়েংবদা মতেঙ পাংগদবা তোঙান তোঙানবা নেস্নেল হেল্থ প্রোগ্রামশিং চলাইরি।
- রিপ্রদক্তিব, মেতর্নেল, নিউবোর্ন, চাইল্দ, এদোলেসেন্ত হেল্থ অমসুং ন্যুত্রিসন প্রোগ্রাম:
- মীরোনবা নুপীশিং হেপাতাইতিস B চাংয়েং তৌথোক্নবা য়ুনিভর্সেল প্রোগ্রাম।
- য়ুনিভর্সেল ইম্ম্যুনাইজেসন প্রোগ্রাম
- নৌনা পোকপা অঙাং পুম্নমক্তা হেপাতাইতিস B বর্থ দোজ ফংহনবা অমসুং পোকপা মতুং পুং ২৪ গী মনুংদা হেপাতাইতিস B গা লোয়ননা হেপাতাইতিস B ইম্ম্যুনোগ্লোবুলিন (HBIG) মীরোনবী নুপী পুম্নমক্কী নৌনা পোকপা মচাশিংদা ফংহনবা
- নেস্নেল এইদ্স কন্ত্রোল প্রোগ্রাম (NACP): ফেসিলিতী নৎত্রগা আউতরীচকী খুত্থাঙদা হেপাতাইতিস B অমসুং C গী হায়-রিক্স গ্রুপশিং স্ক্রীনিং তৌবা
- হেল্থকেয়র ৱর্করশিং হেপাতাইতিস B ভেক্সিন কাপ্পা অমসুং ইনফেক্সন ঙাকথোক্নবা হেপাতাতিস B স্ক্রীন নেগেতিব HRG ফংহনবা
- নেস্নেল ত্যুবরকুলোসিস ইলিমিনেসন প্রোগ্রাম (NTEP): মোলিকুলর তেস্তিং তৌনবগীদমক NTEP গী মখাদা লৈবা মেচিনশিং শীজিন্নবা
- ব্লদ ত্রান্সফ্যুজন সর্ভিসেস: মখা তাবা মেনেজমেন্তকীদমক হেপাতাইতিস B/C পোজিতিব দোনরশিংগী লিঙ্কেজ শেমগৎপা।
প্রোগ্রাম অসিনা মাগী তোল-ফ্রী নম্বর (১৮০০-১১-৬৬৬৬) NTEP কা শেয়র তৌদুনা ইনফেক্সন, প্রিভেন্সন, শন্দোকপগী মওং, মেনেজমেন্ত অমসুং তোঙান তোঙানবা সর্ভিস দেলিভরী মফমশিং লৈবাক্কী মফম শিনবা থুংনা প্রোগ্রাম অসিগী মখাদা মপাঙ্গল কনখৎহল্লি।
হেপাতাইতিস ঙাকথোকপা
২০১৮ দগী হৌরগা, ভারতকী নেস্নেল ভাইরেল হেপাতাইতিস কন্ত্রোল প্রোগ্রাম্না লৈবাক শিনবা থুংনা হেপাতাইতিস B অমসুং C গী স্ক্রীনিং অমসুং লায়েংবগী থৌরাং লেম্না ফংহল্লি। লোকেল ফন্দিং, অহোঙবা জেনেরিক হিদাক লাংথকশিং, অমসুং হান্নদগী লৈরবা হেল্থ প্রোগ্রামশিং হৈ-শিংনা শীজিন্নবনা লায়েং অসি হেন্না পাক শন্না শন্দোকপদা মতেঙ পাংলি। সর্ভিসশিং হৌজিক্তি দিস্ত্রিক্ত হোস্পিতালশিংদগী লোকেল হেল্থ সেন্তরশিংদা য়ৌরক্তুনা চাংয়েং অমসুং লায়েং পথাপশিং মীপুম খুদিংগা নকশিন্নহল্লি। মসিদা সবকা সাথ, সবকা বিকাস – পুম্নমক চাওখৎমিন্ননবা, মীপুম খুদিং য়ৌহন্নবা পুন্না হোৎনমিন্নবগী মমি তারি।
রিফরেন্সশিং
হকশেল অমসুং য়াইফ-য়ুম্বাল মন্ত্রালয়:
অতৈশিং:
PDF তা পাবিয়ু।
***
(रिलीज़ आईडी: 2290553)
आगंतुक पटल : 4