ஒரு மாவட்டம் ஒரு தயாரிப்பு  என்பது தொழில் மற்றும் உள்நாட்டு வர்த்தக மேம்பாட்டு துறையின் (டிபிஐஐடி) ஒரு முன்முயற்சியாகும், இது நாட்டின் ஒவ்வொரு மாவட்டத்திலிருந்தும் குறைந்தபட்சம் ஒரு தயாரிப்பைத் தேர்ந்தெடுப்பது, பிராண்டிங் செய்வது மற்றும் ஊக்குவிப்பதை நோக்கமாகக் கொண்டுள்ளது. இந்தத் தயாரிப்புகளின் தேர்வு அந்தந்த மாநில/யூனியன் பிரதேச அரசுகளால் மேற்கொள்ளப்படுகிறது. இன்றுவரை, நாட்டில் உள்ள 773 மாவட்டங்களில் 1,244 தயாரிப்புகள் இந்தக் கட்டமைப்பின் கீழ் அடையாளம் காணப்பட்டுள்ளன.

உள்நாட்டு மற்றும் சர்வதேச கண்காட்சிகளில் பங்கேற்பதை எளிதாக்குவது, பல்வேறு முகமைகளுடன் இணைந்து திறன் மேம்பாட்டு முயற்சிகள், அரசு மின்னணு சந்தைக்கான (ஜிஇஎம்) மின்னணு வணிக உள்நுழைவு இயக்கங்கள், ஓ. டி. ஓ. பி. தயாரிப்புகளின் தெரிவுநிலையை மேம்படுத்த பல நடவடிக்கைகள் எடுக்கப்பட்டுள்ளன.

மூலதன முதலீட்டிற்காக மாநிலங்களுக்கு சிறப்பு உதவி வழங்கும் திட்டத்தின் கீழ், தில்லி, ஜம்மு-காஷ்மீர் மற்றும் புதுச்சேரி ஆகிய சட்டப்பேரவைகளைக் கொண்ட ஒரு மாநிலம்/யூனியன் பிரதேசங்களுக்கு ரூ 200 கோடி வரை நிதியுதவி, உள்ளூர் கைவினைப் பொருட்களின் விற்பனையை ஊக்குவிப்பதற்காக வழங்கப்படுகிறது.

மாநிலங்களவையில் எழுத்து மூலம் அளித்த பதிலில் மத்திய வர்த்தகம் மற்றும் தொழில்துறை இணை அமைச்சர் திரு ஜிதின் பிரசாதா இந்தத் தகவலை தெரிவித்துள்ளார்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://www.pib.gov.in/PressReleasePage.aspx?PRID=2288853&reg=48&lang=1

****

TV/PKV/SH