ون ڈسٹرکٹ ون پروڈکٹ (او ڈی او پی) یعنی 'ایک ضلع، ایک پروڈکٹ' ڈیپارٹمنٹ فار پروموشن آف انڈسٹری اینڈ انٹرنل ٹریڈ (ڈی پی آئی آئی ٹی) کی جانب سے شروع کی گئی ایک پہل ہے۔ اس کا مقصد ملک کے ہر ضلع سے کم از کم ایک پروڈکٹ کو منتخب کرنا، اسے ایک برانڈ بنانا اور اس کی تشہیر کرنا ہے تاکہ تمام خطوں میں ہمہ جہت اور مجموعی ترقی ممکن ہو سکے۔ ان پروڈکٹس کا انتخاب متعلقہ ریاستوں اور مرکز کے زیر انتظام علاقوں کی حکومتوں کی طرف سے کیا جاتا ہے۔ اب تک، او ڈی او پی فریم ورک کے تحت ملک کے 773 اضلاع سے 1,244 پروڈکٹس کی شناخت کی جا چکی ہے۔

او ڈی او پی مصنوعات کو فروغ دینے اور ان کی پہچان بڑھانے کے لیے کئی اقدامات کیے گئے ہیں، جن میں ملکی اور بین الاقوامی نمائشوں میں شرکت کو آسان بنانا، مختلف ایجنسیوں کے تعاون سے صلاحیت سازی کی پہل، اور گورنمنٹ ای-مارکیٹ پلیس (جی ای ایم)- او ڈی او پی بازار پر ای-کامرس رجسٹریشن مہم شامل ہیں۔

سرمایہ کاری کے لیے ریاستوں کو خصوصی امداد کی اسکیم (ایس اے ایس سی آئی) کے تحت، او ڈی او پی، جی آئی، اور مقامی دستکاری کی مصنوعات کی فروخت کو فروغ دینے کے لیے 'پی ایم ایکتا مالز' کے قیام کی خاطر 50 سالہ بلا سود قرض کے ذریعے ہر ریاست اور قانون ساز اسمبلی والے مرکز کے زیر انتظام علاقوں—دہلی، جموں و کشمیر، اور پڈوچیری—کو 200 کروڑ روپے تک کی مالی امداد فراہم کی جاتی ہے۔

خوراک ڈبہ بندی صنعت کی وزارت (ایم او ایف پی آئی) کے تحت نافذ کی جانے والی 'پردھان منتری فارملائزیشن آف مائیکرو فوڈ پروسیسنگ انٹرپرائزز' (ایم او ایف پی آئی) اسکیم فوڈ پروسیسنگ کے شعبے میں او ڈی او پی کے طریقہ کار کو اپناتی ہے۔ یہ اہل منصوبوں کے لیے زیادہ سے زیادہ 10 لاکھ روپے تک کی حد کے ساتھ 35 فیصد کریڈٹ لنکڈ کیپیٹل سبسڈی (قرض سے منسلک سرمایہ کاری امداد) فراہم کرتی ہے۔ مزید برآں، یہ اسکیم سیلف ہیلپ گروپس (SHGs) کے ارکان کو سیڈ کیپیٹل (ابتدائی سرمایہ) کی مدد، انٹرپرینیورشپ ڈویلپمنٹ پروگرام (ای ڈی پی) اور پروڈکٹ کے لحاظ سے مخصوص ٹریننگ کے ذریعے صلاحیت سازی، مشترکہ انفراسٹرکچر اور کامن انکیوبیشن سینٹرز کے لیے امداد، اور او ڈی او پی سمیت تمام مصنوعات کے لیے کامن برانڈنگ، پیکیجنگ، کوالٹی اسٹینڈرڈائزیشن اور فوڈ سیفٹی کمپلائنس سمیت برانڈنگ اور مارکیٹنگ کی مدد فراہم کرتی ہے۔ پی ایم ایف ایم ای اسکیم برانڈنگ اور مارکیٹنگ کے جزو کے تحت کامن برانڈنگ، پیکیجنگ، کوالٹی اسٹینڈرڈائزیشن اور فوڈ سیفٹی کمپلائنس کے لیے 50 فیصد گرانٹ کی شکل میں مدد فراہم کرتی ہے۔

او ڈی او پی پہل کے تحت کسی ضلع کے لیے مخصوص مالیاتی بجٹ مختص نہیں کیا گیا ہے۔ ریاستوں اور مرکز کے زیر انتظام علاقوں کی حوصلہ افزائی کی جاتی ہے کہ وہ او ڈی او پی مصنوعات کی ترقی کے لیے مرکزی اور ریاستی حکومتوں کی مختلف اسکیموں کے تحت دستیاب فوائد کا فائدہ اٹھائیں۔ ان میں ایم ایس ایم ای، فوڈ پروسیسنگ، مہارت کی ترقی، برآمدات، دستکاری، ہینڈ لوم، زراعت اور اس سے وابستہ شعبوں سے متعلق اسکیمیں شامل ہیں، جو بنیادی ڈھانچے کی ترقی، قرض، مہارت کو بہتر بنانے، معیار میں بہتری، برانڈنگ، مارکیٹ تک رسائی اور برآمدات کے لیے مدد فراہم کرتی ہیں۔

پی ایم ایف ایم ای اسکیم بیک ورڈ اور فارورڈ (مارکیٹنگ) روابط کو مضبوط کرنے کے لیے مرکز کی دیگر پہل قدمیوں کے ساتھ ہم آہنگی کو فروغ دیتی ہے۔ بیک ورڈ روابط کے لیے، یہ وزارت زرعی اور کاشتکاروں کی فلاح و بہبود کی وزارت کے ساتھ مل کر کام کرتی ہے تاکہ کسانوں کو فوڈ پروسیسنگ کلسٹرز کے ساتھ جوڑنے میں آسانی ہو۔ فارورڈ روابط کے لیے، برآمدات پر مبنی ویلیو چینز کو فروغ دینے کی خاطر اے پی ای ڈی اے  اور محکمہ ماہی گیری کے ساتھ کنورجنس کمیٹیاں تشکیل دی گئی ہیں۔ اس ہم آہنگی کے تحت، برانڈنگ، مارکیٹ تک رسائی اور برآمدات کے فروغ کی سہولت کے لیے اے پی ای ڈی اے کے ساتھ 24 مشترکہ او ڈی او پی پروڈکٹ کلسٹرز اور ایم پی ای ڈی اے کے ساتھ 7 مچھلی اور بحری مصنوعات کے کلسٹرز کی شناخت کی گئی ہے۔

’اضلاع بطور برآمدی مراکز‘ پہل قدمی کے تحت، حکومت کا مقصد ریاستوں اور مرکز کے زیر انتظام علاقوں سمیت تمام اسٹیک ہولڈرز کے ساتھ مشاورت کے ذریعے اضلاع میں امکانی مصنوعات اور خدمات کی شناخت کر کے نچلی سطح پر برآمدات کی ترقی کو فروغ دینا ہے۔ اس فریم ورک کے ذریعے، 734 اضلاع میں برآمدی صلاحیت رکھنے والی مصنوعات اور خدمات کی شناخت کی گئی ہے۔ مزید برآں، نفاذ کو آسان بنانے اور سپلائی چین کی رکاوٹوں کو دور کرنے کے لیے تمام 36 ریاستوں اور مرکز کے زیر انتظام علاقوں میں اسٹیٹ ایکسپورٹ پروموشن کمیٹیاں (ایس ای پی سیز) اور ڈسٹرکٹ ایکسپورٹ پروموشن کمیٹیاں (ڈی ای پی سی) قائم کی گئی ہیں، اور پیداوار سے لے کر برآمد تک ویلیو چین کو منظم بنانے کے لیے متعلقہ ڈسٹرکٹ ایکسپورٹ پروموشن کمیٹیوں کی طرف سے 249 ڈسٹرکٹ ایکسپورٹ ایکشن پلانز (ڈی ای اے پی) کو اپنایا گیا ہے۔

او ڈی او پی مصنوعات کے لیے مارکیٹ تک رسائی کو آسان بنانے کی خاطر گورنمنٹ ای-مارکیٹ پلیس (جی ای ایم) پر ایک مخصوص 'او ڈی او پی اسٹور فرنٹ' قائم کیا گیا ہے۔ سرکاری خریداری کے لیے جی ای ایم پر 1,300 سے زیادہ مصنوعات پر مشتمل 500 سے زیادہ او ڈی او پی پروڈکٹ کیٹیگریز دستیاب ہیں۔ اس کے علاوہ، 10 سے زیادہ ریاستوں نے او ڈی او پی مصنوعات کی مارکیٹنگ اور فروخت کے لیے مخصوص ای-کامرس پلیٹ فارم تیار کیے ہیں۔ او ڈی او پی مصنوعات کو قومی نمائشوں، تجارتی میلوں اور دیگر پروموشنل پروگراموں میں پیش کیا جاتا ہے، جس سے کاریگروں کو اپنے سامان کی نمائش کرنے اور خریداروں کے ساتھ جڑنے میں مدد ملتی ہے۔

بین الاقوامی سطح پر او ڈی او پی کو فروغ دینے کے لیے، وزارتِ خارجہ اور بیرونِ ملک مقیم ہندوستانی سفارت خانوں کے ساتھ مل کر پروموشنل پروگراموں کا انعقاد کیا گیا ہے، جن میں نمائشیں اور خریدار-فروخت کنندہ ملاقاتیں شامل ہیں، اور بین الاقوامی نمائشوں میں بھی شرکت کی گئی ہے۔ مختلف ریاستوں اور اضلاع کی او ڈی او پی مصنوعات کی نمائش کے لیے ہندوستانی سفارت خانوں میں 'او ڈی او پی والز' قائم کی گئی ہیں۔ تین بین الاقوامی ریٹیل اسٹورز (دو سنگاپور میں اور ایک کویت میں) او ڈی او پی مصنوعات فروخت کر رہے ہیں۔ مختلف دوطرفہ اور کثیر جہتی ملاقاتوں کے دوران او ڈی او پی مصنوعات کو سرکاری تحائف کے طور پر بھی شامل کیا گیا ہے، جس سے بین الاقوامی بازاروں میں ان کی پہچان اور مقبولیت میں اضافہ ہوا ہے۔

او ڈی او پی کے تحت کیے گئے اقدامات نے مقامی مصنوعات کے فروغ، مارکیٹ تک رسائی کو بہتر بنانے، انٹرپرینیورشپ کی حوصلہ افزائی اور روزگار کے مواقع پیدا کرنے میں مدد فراہم کی ہے۔ او ڈی او پی کے تحت ہونے والی برآمدات کے حوالے سے مخصوص تفصیلات مرکزی سطح پر نہیں رکھی جاتی ہیں۔

یہ جانکاری تجارت و صنعت کے وزیر مملکت جناب جتن پرساد کے ذریعہ آج راجیہ سبھا میں ایک تحریری جواب میں دی گئی۔

**********

 (ش ح –ا ب ن)

U.No:522