மேற்கு ஆசியாவில் புவிசார் அரசியல் மோதல்களால் இடையூறுகள் ஏற்பட்டுள்ள போதிலும், நாட்டின் உர விநியோகச் சங்கிலியைப் பாதுகாக்கவும், உரங்கள் தடையின்றிக் கிடைப்பதை உறுதி செய்யவும் மத்திய அரசு விரிவான நடவடிக்கைகளை எடுத்துள்ளது. 2025-26 காலகட்டத்தில் ஏற்பட்ட மோதல் உரங்கள் மற்றும் முக்கிய மூலப்பொருட்களுக்கான உலகளாவிய விநியோகச் சங்கிலிகளை பாதித்தது. இதன் விளைவாக அதிக சரக்கு மற்றும் காப்பீட்டு செலவுகள், ஏற்றுமதி தாமதங்கள் மற்றும் விலை நிலையற்ற தன்மை ஆகியவை ஏற்பட்டன. இந்தியாவின் அம்மோனியா, பாஸ்பரிக் அமிலம் மற்றும் சல்பர் இறக்குமதி பாதிக்கப்பட்டது. அதே நேரத்தில் உலகளாவிய தளவாட இடையூறுகள் காரணமாக பொட்டாஷ் இறக்குமதி அதிக தரையிறங்கும் செலவுகளைக் கண்டது. இந்த சவால்கள் இருந்தபோதிலும், நாட்டில் உரங்கள் கிடைப்பது பன்முகப்படுத்தப்பட்ட ஆதாரங்கள் மற்றும் சரியான நேரத்தில் அரசின் தலையீடுகள் மூலம் பெரும்பாலும் போதுமானதாக இருந்தது.

உலகளாவிய விநியோகச் சங்கிலி இடையூறுகளால் ஏற்படும் அபாயங்களைத் தணிக்கும் வகையில் இறக்குமதி ஆதாரங்களை பன்முகப்படுத்த அரசு தொடர்ச்சியான முயற்சிகளை மேற்கொண்டுள்ளது.

சரியான நேரத்தில் உரங்கள் கிடைப்பதை உறுதி செய்வதற்காக ஒவ்வொரு பயிர் பருவத்திலும் ஒரு வலுவான பொறிமுறையை அரசு தொடர்ந்து செயல்படுத்தி வருகிறது. ஒவ்வொரு பருவமும் தொடங்குவதற்கு முன்பு, வேளாண்மை மற்றும் விவசாயிகள் நலத்துறை  மாநில அரசுகளுடன் கலந்தாலோசித்து, மாநில வாரியாகவும், மாத வாரியாகவும் உரத் தேவைகளை மதிப்பீடு செய்கிறது.

இந்த நடவடிக்கைகளின் விளைவாக, யூரியா, டிஏபி, எம்ஓபி மற்றும் என். பி. கே. எஸ் ஆகிய உரங்கள்  2025-26 நிதியாண்டிலும், தற்போது நடைபெற்று வரும் 2026 கரீப் பருவத்திலும் நாடு முழுவதும் போதுமான அளவு பராமரிக்கப்பட்டுள்ளன.

மக்களவையில் இன்று கேள்வி ஒன்றுக்கு எழுத்துப்பூர்வமாக அளித்த பதிலில் மத்திய ரசாயனம் மற்றும் உரங்கள் துறை அமைச்சர் திரு ஜகத் பிரகாஷ் நட்டா இந்தத் தகவலை தெரிவித்துள்ளார்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://www.pib.gov.in/PressReleasePage.aspx?PRID=2288857=48&lang=1

****

TV/PKV/SH