অহানবা ওইনা লৈবাক অসিনা মশানা শাজবা কে.জি ৩৫০ থ্রষ্ট ক্লাসকী এক্সপেন্দেবল তর্বো জেৎ ইঞ্জিন দি.আর.দি.ওগী গ্যাস তর্বাইন রিছার্স ইষ্টাব্লিসমেন্ত(জি তি আর ই) না মাইপাক্না পুথোক্লে। ইঞ্জিন অসি শানবা অমসুং পানখৎনবগীদমক উদ্যোগকী খোঙলোয় ওইনা জি.তি.আর.ইনা অজাদ ইঞ্জিনিয়ারিং, হায়দ্রবাদ মশক খঙদোক্লে। জুলাই ২২, ২০২৬ দা মাইপাক্না ইঞ্জিন অসি থবক পাংথোক্লে অমসুং অজাদ ইঞ্জিনিয়ারিংনা জি.তি.আর.ইদা শীন্নখ্রে, মসি ভারতকী  এরোস্পেস অমসুং দিফেন্সকী থবকশিংদা অচৌবা মাইপাকপা অমনি। চহি কয়া অরুবা ইঞ্জিনিয়ারিং, অৱাংবা থাক্কী মেনুফেকচরিংগী মাইপাকপশিং অমসুং ভারতকী সাইন্তিফিক অমসুং উদ্যোগকী কাংবুশিংগী মরক্ত থবক তৌমিন্নরকপগী ফল ফংলে। 

লৈবাক খর খক্তনা পাংথোকপা ঙমদুনা, মালেমদা জেত ইঞ্জিন তেক্নোলোজি অসি খ্বাইদগী অৱাংবা থাক্কী ইঞ্জিনিয়ারিংগী হিরমশিংগী মনুংদা অমা ওইরি, মসিদা য়াম্না কুপ্পা, অৱাংবা থাক্কী মেতালুরজি অমসুং মেনুফেকচরিংগী থবকশিং দরকার ওই। দি.আর.দি.ওগী দিজাইন্দা য়ুম্ফম ওইদুনা অসিগুম্বা অরুবা থবক পাংথোকপা অসিদা ভারতকী দিফেন্স ইন্দষ্ট্রিগী তৌবা ঙম্বা হেনগৎলকপগী মমি তারে।

ইঞ্জিন অদু অজাদ ইঞ্জিনিয়ারিংগী শ্রী রাকেস চোপদারনা শক্নাইরবা সাইন্তিষ্ট অমসুং দিরেক্তর জেনেরেল (এরোনৌতিকেল সিষ্টেমস) দোক্তর কে রাজালক্ষমী মেনন অমসুং শক্নাইরবা সাইন্তিষ্ট অমসুং দিরেক্তর জি.তি.আর.ই দোক্তর এস.ভি রামামুর্তিদা শীন্নখি।

মঙলান অদু পুৱারি ওইরবা মাইপাকপা অমা ওন্থোকপগীদমক দিফেন্স সেক্রেতরি অমসুং সেক্রেতরি, দিফেন্স দিপার্তমেন্ত আর.দি অমসুং চিয়ার্মেন, দি.আর.দি.ও শ্রী রাজেস কুমার সিংহনা জি.তি.আর.ই অমসুং উদ্যোগ পুন্না থবক তৌমিন্নবদা থাগৎপা ফোঙদোকখি।

***