DRDOની ગેસ ટર્બાઇન રિસર્ચ એસ્ટાબ્લિશમેન્ટ (GTRE) દ્વારા ડિઝાઇન કરાયેલ 350 કિગ્રા થ્રસ્ટ ક્લાસના પ્રથમ સ્વદેશી એક્સપેન્ડેબલ ટર્બો જેટ એન્જિનનો સફળતાપૂર્વક વિકાસ કરવામાં આવ્યો છે. GTRE એ એન્જિનના ઉત્પાદન અને એસેમ્બલી માટે આઝાદ એન્જિનિયરિંગ, હૈદરાબાદને ઉદ્યોગ ભાગીદાર તરીકે પસંદ કરી હતી. 22 જુલાઈ, 2026ના રોજ, ભારતની એરોસ્પેસ અને સંરક્ષણ ઇકોસિસ્ટમ માટે એક સીમાચિહ્નરૂપ સિદ્ધિ સમાન આ એન્જિન સફળતાપૂર્વક તૈયાર કરવામાં આવ્યું હતું અને આઝાદ એન્જિનિયરિંગ દ્વારા GTRE ને સુપ્રત કરવામાં આવ્યું હતું. આ સોંપણી ભારતની વૈજ્ઞાનિક અને ઔદ્યોગિક શ્રેણીઓ વચ્ચે વર્ષોની ચોક્કસ એન્જિનિયરિંગ, અદ્યતન ઉત્પાદન અને ગાઢ ભાગીદારીની પરાકાષ્ઠા દર્શાવે છે.

માત્ર થોડાક જ દેશો દ્વારા મહારત પ્રાપ્ત કરાયેલી જેટ એન્જિન ટેકનોલોજીને વિશ્વની સૌથી અત્યાધુનિક એન્જિનિયરિંગ શાખાઓમાંની એક ગણવામાં આવે છે, જે અસાધારણ ચોકસાઈ, અદ્યતન ધાતુશાસ્ત્ર અને સમાધાન વગરના ઉત્પાદન ધોરણોની માંગ કરે છે. ડીઆરડીઓની ડિઝાઇન પર આધારિત આવી જટિલ સિસ્ટમની ડિલિવરી ભારતીય સંરક્ષણ ઉદ્યોગની વધતી ટેકનોલોજીકલ ક્ષમતાઓને પ્રતિબિંબિત કરે છે.

આ એન્જિન આઝાદ એન્જિનિયરિંગના સીઇઓ શ્રી રાકેશ ચોપદાર દ્વારા વિશિષ્ટ વૈજ્ઞાનિક અને નિયામક જનરલ (એરોનોટિકલ સિસ્ટમ્સ) ડૉ. કે. રાજલક્ષ્મી મેનન અને ઉત્કૃષ્ટ વૈજ્ઞાનિક અને નિયામક GTRE ડૉ. એસ.વી. રમણામૂર્તિને સોંપવામાં આવ્યું હતું.

સંરક્ષણ સચિવ તેમજ સંરક્ષણ R&D વિભાગના સચિવ અને ડીઆરડીઓના અધ્યક્ષ શ્રી રાજેશ કુમાર સિંહે GTRE અને ઉદ્યોગની આ ભાગીદારીને બિરદાવી હતી, જે આ વિઝનને એક ઐતિહાસિક સીમાચિહ્નમાં પરિવર્તિત કરવામાં નિમિત્ત બની છે.

SM/BS/JD