ದೇಶದಲ್ಲಿ ನವೀಕರಿಸಬಹುದಾದ ಇಂಧನ ಸ್ಥಾಪಿತ ಸಾಮರ್ಥ್ಯವು 2014ರಲ್ಲಿ ಇದ್ದ 76.38 ಗಿಗಾವಾಟ್‌ನಿಂದ (GW) 30.06.2026ರ ವೇಳೆಗೆ 288.58 ಗಿಗಾವಾಟ್‌ಗೆ ಹೆಚ್ಚಾಗಿದೆ. ಸೌರ, ಪವನ ಮತ್ತು ಇತರ ನವೀಕರಿಸಬಹುದಾದ ಮೂಲಗಳ ಅಡಿಯಲ್ಲಿ ಮೂಲ-ವಾರಿ ಸ್ಥಾಪಿತ ಸಾಮರ್ಥ್ಯವನ್ನು ಕೆಳಗೆ ನೀಡಲಾಗಿದೆ:

 

ಮೂಲ	ಸ್ಥಾಪಿತ ಸಾಮರ್ಥ್ಯ (ಗಿಗಾವಾಟ್‌ಗಳಲ್ಲಿ)
ಸೌರ ವಿದ್ಯುತ್	162.15
ಪವನ ವಿದ್ಯುತ್	57.44
ಜೈವಿಕ ವಿದ್ಯುತ್	11.75
ಜಲ ವಿದ್ಯುತ್	57.24
ಒಟ್ಟು	288.58

 

30.06.2026ರ ವೇಳೆಗೆ ದೇಶದಲ್ಲಿ ಒಟ್ಟು 297.36 ಗಿಗಾವಾಟ್ ಪಳೆಯುಳಿಕೆಯೇತರ ಇಂಧನ ಆಧಾರಿತ ವಿದ್ಯುತ್ ಸಾಮರ್ಥ್ಯವನ್ನು ಸ್ಥಾಪಿಸಲಾಗಿದೆ. ಇದು 288.58 ಗಿಗಾವಾಟ್ ನವೀಕರಿಸಬಹುದಾದ ಇಂಧನ ಸಾಮರ್ಥ್ಯ ಮತ್ತು 8.78 ಗಿಗಾವಾಟ್ ಪರಮಾಣು ವಿದ್ಯುತ್ ಸಾಮರ್ಥ್ಯವನ್ನು ಒಳಗೊಂಡಿದೆ.

ಹಣಕಾಸು ವರ್ಷ 2014 ರಿಂದ ಹಣಕಾಸು ವರ್ಷ 2026 ರವರೆಗೆ, ದೇಶದ ನವೀಕರಿಸಬಹುದಾದ ಇಂಧನ ವಲಯವು ಅಂದಾಜು 45.72 ಬಿಲಿಯನ್ ಅಮೆರಿಕ ಡಾಲರ್ ಗಳಷ್ಟು ವಿದೇಶಿ ನೇರ ಹೂಡಿಕೆಯನ್ನು (FDI) ಆಕರ್ಷಿಸಿದೆ. ಹೆಚ್ಚುವರಿಯಾಗಿ, ಈ ಅವಧಿಯಲ್ಲಿ ದೇಶೀಯ ಹಣಕಾಸು ಸಂಸ್ಥೆಗಳು (12 ಸಾರ್ವಜನಿಕ ವಲಯದ ಬ್ಯಾಂಕುಗಳು, ಐಆರ್‌ಇಡಿಎ, ಪಿಎಫ್‌ಸಿ, ಆರ್‌ಇಸಿ, ಐಐಎಫ್‌ಸಿಎಲ್, ನಬಫಿಡ್ ಮತ್ತು ಸಿಡ್ಬಿ) ನವೀಕರಿಸಬಹುದಾದ ಇಂಧನ ವಲಯಕ್ಕೆ ₹12.32 ಲಕ್ಷ ಕೋಟಿಯನ್ನು ವಿನಿಯೋಗಿಸಿವೆ.

ಕೇಂದ್ರ ನೂತನ ಮತ್ತು ನವೀಕರಿಸಬಹುದಾದ ಇಂಧನ ಸಚಿವಾಲಯದ ಸಹಾಯಕ ಸಚಿವರಾದ ಶ್ರೀ ಶ್ರೀಪಾದ್ ಯಸ್ಸೋ ನಾಯಕ್ ಅವರು ಇಂದು ರಾಜ್ಯಸಭೆಯಲ್ಲಿ ಕೇಳಲಾದ ಪ್ರಶ್ನೆಗೆ ನೀಡಿದ ಲಿಖಿತ ಉತ್ತರದಲ್ಲಿ ಈ ಮಾಹಿತಿಯನ್ನು ಮಂಡಿಸಿದ್ದಾರೆ.

 

*****

 

(रिलीज़ आईडी: 2287208) आगंतुक पटल : 21