યુનિયન પબ્લિક સર્વિસ કમિશન દ્વારા 20 થી 21 જૂન 2026 દરમિયાન યોજાયેલી કમ્બાઇન્ડ જીઓ-સાયન્ટિસ્ટ (મેઇન) એક્ઝામિનેશન, 2026ના લેખિત ભાગના પરિણામના આધારે, નીચે દર્શાવેલ રોલ નંબર ધરાવતા ઉમેદવારો ઇન્ટરવ્યુ/પર્સનાલિટી ટેસ્ટ માટે લાયક ઠર્યા છે.

આ ઉમેદવારોની ઉમેદવારી તમામ બાબતોમાં પાત્ર જણાય તેને આધીન કામચલાઉ છે. ઉમેદવારોએ પર્સનાલિટી ટેસ્ટ સમયે વય, શૈક્ષણિક લાયકાત, સમુદાય, શારીરિક અક્ષમતા, EWS વગેરેને લગતા તેમના દાવાના સમર્થનમાં મૂળ પ્રમાણપત્રો રજૂ કરવાના રહેશે. તેથી, તેમને આ પ્રમાણપત્રો તૈયાર રાખવાની સલાહ આપવામાં આવે છે.

પરીક્ષાના નિયમો અનુસાર, પર્સનાલિટી ટેસ્ટ/ઇન્ટરવ્યુ માટે લાયક ઠરેલા ઉમેદવારો માટે https://upsconline.nic.in પર યોગ્ય સમયે તેમની શૈક્ષણિક લાયકાતની સ્થિતિ અપડેટ કરવા માટે એક વિન્ડો ખોલવામાં આવશે. જે ઉમેદવારો ઓનલાઇન અરજી કરતી વખતે નિર્ધારિત શૈક્ષણિક લાયકાત ધરાવતા ન હતા, તેમણે કોમન એપ્લિકેશન ફોર્મ પર તેમની વિગતો અપડેટ કરવાની રહેશે અને જરૂરી લાયકાત પરીક્ષા પાસ કર્યાનો પુરાવો અપલોડ કરવાનો રહેશે, જે કરવામાં નિષ્ફળ જશે તો તેવા ઉમેદવારોને પર્સનાલિટી ટેસ્ટ/ઇન્ટરવ્યુમાં બેસવાની મંજૂરી આપવામાં આવશે નહીં અને તેમની ઉમેદવારી રદ થવા પાત્ર રહેશે.

નોંધ: આ સમયગાળા દરમિયાન, પર્સનાલિટી ટેસ્ટ માટે લાયક ઠરેલા તમામ ઉમેદવારોને પત્રવ્યવહાર/પોસ્ટ સરનામું, ઉચ્ચ લાયકાત, વિવિધ ક્ષેત્રમાં સિદ્ધિઓ, રોજગાર વિગતો/સેવા અનુભવ, સેવા ફાળવણી, સેવા પસંદગીઓ (જો બંને કેટેગરીની જગ્યાઓ માટે લાયક હોય તો) અપડેટ કરવાનો વિકલ્પ પણ આપવામાં આવશે. આ વિન્ડોમાં અપડેટ કરવામાં આવેલી વિગતોને આખરી ગણવામાં આવશે અને અન્ય કોઈ માધ્યમથી પ્રાપ્ત થતા આ ફીલ્ડ્સમાં ફેરફાર માટેની કોઈ વિનંતી ધ્યાને લેવામાં આવશે નહીં.

લાયક ઠરેલા ઉમેદવારોને ઇન્ટરવ્યુ સમયે રજૂ કરવાના પ્રમાણપત્રોના સંબંધમાં ભારતના ગેઝેટ, તારીખ 03.09.2025માં પ્રકાશિત કમ્બાઇન્ડ જીઓ-સાયન્ટિસ્ટ એક્ઝામિનેશન-2026ના નિયમોને ધ્યાનપૂર્વક વાંચવાની વધુ સલાહ આપવામાં આવે છે. ઉમેદવાર તેની વય, જન્મ તારીખ, શૈક્ષણિક લાયકાત, જાતિ (SC/ST/OBC), EWS અને શારીરિક અક્ષમતાની સ્થિતિના સમર્થનમાં પૂરતો માન્ય પુરાવો રજૂ ન કરવા માટે એકમાત્ર જવાબદાર રહેશે. લાયક ઠરેલા ઉમેદવારોએ ઇન્ટરવ્યુ/પર્સનાલિટી ટેસ્ટ દરમિયાન ચકાસણી માટે તમામ મૂળ પ્રમાણપત્રો લાવવાના રહેશે.

પર્સનાલિટી ટેસ્ટ માટે લાયક ઠરેલા ઉમેદવારોના ઇન્ટરવ્યુનું સમયપત્રક, યોગ્ય સમયે કમિશનની વેબસાઇટ પર પ્રકાશિત કરવામાં આવશે. જો કે, ઇન્ટરવ્યુની ચોક્કસ તારીખ ઉમેદવારોને જણાવવામાં આવશે. ઉમેદવારોને વધુ માહિતી માટે તેમનો ઇ-મેઇલ પણ તપાસવાની સલાહ આપવામાં આવે છે.

ઉમેદવારોને જણાવવામાં આવેલ પર્સનાલિટી ટેસ્ટની તારીખ અને સમયમાં ફેરફાર માટેની કોઈ વિનંતી કોઈ પણ સંજોગોમાં ગ્રાહ્ય રાખવામાં આવશે નહીં.

ઉમેદવારોની માર્ક-શીટ આખરી પરિણામ પ્રકાશિત થયાની તારીખથી (પર્સનાલિટી ટેસ્ટ યોજ્યા પછી) 15 દિવસની અંદર કમિશનની વેબસાઇટ પર મૂકવામાં આવશે અને 30 દિવસની મુદત માટે વેબસાઇટ પર ઉપલબ્ધ રહેશે. ઉમેદવારો તેમના રોલ નંબર અને જન્મ તારીખ દાખલ કર્યા પછી માર્ક શીટ મેળવી શકશે. માર્ક શીટની પ્રિન્ટેડ/હાર્ડ કોપી, જોકે, સ્વ-સરનામાવાળા સ્ટેમ્પ વાળા કવર સાથે ચોક્કસ વિનંતીના આધારે UPSC દ્વારા ઉમેદવારોને જારી કરવામાં આવશે. માર્ક શીટની પ્રિન્ટેડ/હાર્ડ કોપી મેળવવા ઈચ્છુક ઉમેદવારોએ કમિશનની વેબસાઈટ પર માર્ક્સ પ્રદર્શિત થયાના ત્રીસ દિવસની અંદર વિનંતી કરવાની રહેશે, ત્યારબાદ આવી વિનંતીઓ ધ્યાને લેવામાં આવશે નહીં.

ઉમેદવારોને તેમના સરનામામાં ફેરફાર, જો કોઈ હોય તો, પત્રો અથવા ઇ-મેઇલ દ્વારા તરત જ કમિશનને જાણ કરવાની સલાહ આપવામાં આવે છે.

યુનિયન પબ્લિક સર્વિસ કમિશન તેના કેમ્પસમાં ફેસિલિટેશન કાઉન્ટર ધરાવે છે. ઉમેદવાર કામકાજના દિવસોમાં સવારે 10.00 થી સાંજે 5.00 વચ્ચે રૂબરૂ અથવા ટેલિફોન નંબર (011)-23385271/23381125/23098543 પર આ કાઉન્ટર પરથી તેમની પરીક્ષા/પરિણામ અંગેની કોઈ પણ માહિતી/સ્પષ્ટીકરણ મેળવી શકે છે.

પરિણામ જોવા માટે અહીં ક્લિક કરો:

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com