صفائی کرمچاریوں کے  قومی کمیشن( این سی ایس کے) نے نئی دہلی میونسپل کونسل (این ڈی ایم سی) میں منعقدہ ایک اعلیٰ سطحی میٹنگ میں صفائی اہلکاروں  کے کام کے حالات، حفاظت اور مجموعی فلاح و بہبود کو  فروغ دینے  کے ایک بڑے اقدام کے تحت  ایک جامع جائزہ لیا۔

این سی ایس کےکے رکن جناب  کرم سنگھ کرما کی صدارت میں ہونے والی اس میٹنگ میں این ڈی ایم سی  کے سکریٹری جناب  راہل سنگھ کے ساتھ چیف انجینئرز، ڈائریکٹرز، میڈیکل آفیسر آف ہیلتھ، چیف میڈیکل آفیسر، سینیٹری انسپکٹرز، سینئر محکمہ جاتی سربراہان، صفائی کرمچاری یونینوں کے نمائندے، آؤٹ سورس سروس فراہم کرنے والے اداروں کے عہدیداران اور مختلف میونسپل حلقوں کے صفائی کارکنوں  نے شرکت کی۔

 بات چیت کے دوران، جناب  کرم سنگھ کرما نے   صحت عامہ اور انجینئرنگ کے محکموں کے جامع آپریشنل ڈھانچے کا جائزہ لیا، جس میں تمام صفائی اہلکاروں کے لیے کام کا محفوظ ماحول یقینی بنانے کی خاطر  ہاتھ سے گندگی اٹھانے کے عمل  کو صفر کرنے اور مشینی کارروائیوں کو تیزی سے اپنانے پر خصوصی زور دیا گیا۔

جناب  ورما نے کہا، ’’ صفائی کرمچاری ہمارے شہروں کے حقیقی محافظ ہیں۔ وہ ہم میں سے باقی لوگوں سے بہت پہلے اپنے دن کا آغاز کرتے ہیں، علی الصبح  اپنے گھروں سے نکل جاتے ہیں تاکہ یہ یقینی بنا سکیں کہ ہماری سڑکیں، عوامی مقامات اور پڑوس صاف ستھرے، صحت مند اور خوش آئند ہوں۔ ان کی انتھک لگن شہری زندگی کی بنیاد ہے اور وہ اعلیٰ ترین احترام اور اعتراف  کے مستحق ہیں۔ ان کی   بہبود، وقار اور کام کے حالات کا تحفظ کرنا ہماری اور ہر شہری ادارے کی اجتماعی ذمہ داری ہے‘‘۔

یہ میٹنگ ایک ایسے باہمی تبادلہ خیال کے پلیٹ فارم کے طور پر کارآمد ثابت ہوئی جہاں ملازمین کی یونین کے رہنماؤں اور زمینی سطح کے صفائی عملے کی جانب سے کی گئی شکایات  اور ظاہر کردہ  ڈھانچہ جاتی خدشات کو براہ راست  طور پر سنا گیا اور مستقبل میں ٹھوس کارروائی کے لیے ان پر تبادلہ خیال کیا گیا۔

کمیشن کے رکن  نے ایک  طویل عرصے سے زیر التوا سروس کے مسائل کے تصفیے   کے لیے اہم انتظامی ہدایات جاری کیں۔ نئی دہلی میونسپل کارپوریشن کے پبلک ہیلتھ ڈیپارٹمنٹ کے تحت  ٹیمپوریری  مسٹر رول ( ٹی ایم آر) صفائی کرمچاریوں کی بھرتی کا عمل شروع کرنے کی فوری ہدایات دی گئیں۔ اس کے علاوہ، ملیریا   محکمے کے 28 زیر التوا ملازمین کی خدمات کو ایک ماہ کی سخت وقت کی حد کے اندر مستقل کرنے کا حکم دیا گیا۔ مزید برآں، ٹھیکیداروں اور بیرونی ایجنسیوں کو سخت احکامات جاری کیے گئے کہ وہ ملازمت کے تمام معاہدوں ، ایمپلائی اسٹیٹ انشورنس ( ای ایس آئی) اور ایمپلائز پروویڈنٹ فنڈ (ای پی ایف) کے عمل آوری   ریکارڈ جمع کرائیں۔ مشینی عمل اور حفاظت: انسانی صحت  سے متعلق  ہر قسم کے خطرے کو ختم کرنے کے لیے سیور اور گہرے نالوں کی صفائی کو مکمل طور پر مشینی نظام  میں منتقل کیا جائے۔

جناب  کرم سنگھ کرما نے اس بات پر زور دیا کہ ملک بھر میں مزدوروں کی   بہبود کے اقدامات پر کوئی سمجھوتہ نہیں کیا جا سکتا۔ انہوں نے ٹھیکیداروں کے کام کاج کی مسلسل نگرانی کرنے کی ہدایات دیں تاکہ یہ یقینی بنایا جا سکے کہ ہر آؤٹ سورس ملازم کو قانونی سماجی تحفظ کے فوائد وقت پر ملیں۔

این ڈی ایم سی کے سکریٹری جناب راہل  سنگھ نے دارالحکومت کو صاف ستھرا رکھنے کے ساتھ ساتھ اس کے ضروری افرادی قوت کے معیارِ زندگی اور حفاظت کو بلند کرنے کے لیے اعلیٰ درجے کی نگرانی  اور تکنیکی نظام کو اپنانے کے اپنے عزم کا اعادہ کیا۔

*****

 

 

 

ش ح-ن ا ۔س ا

U.No: 120

 

(रिलीज़ आईडी: 2286235) आगंतुक पटल : 4