প্ৰধানমন্ত্ৰীৰ কাৰ্যালয়
হাৰিয়ানাৰ জিন্দত উন্নয়নমূলক প্ৰকল্পৰ উদ্বোধনী তথা আধাৰশিলা স্থাপন অনুষ্ঠানৰ আভাস শ্বেয়াৰ কৰে প্ৰধানমন্ত্ৰীয়ে
प्रविष्टि तिथि:
17 JUL 2026 6:40PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে আজি হাৰিয়ানাৰ জিন্দত উন্নয়নমূলক প্ৰকল্পৰ উদ্বোধনী আৰু আধাৰশিলা স্থাপন অনুষ্ঠানৰ আভাস ভাগ কৰে। সভাস্থলীত উপস্থিত হৈ আনন্দ প্ৰকাশ কৰি প্ৰধানমন্ত্ৰীগৰাকীয়ে শক্তিপীঠ মাতা জয়ন্তীৰ বিশেষ আশীৰ্বাদ লাভ কৰা এই অঞ্চলৰ চহকী ঐতিহাসিক, বীৰত্বপূৰ্ণ আৰু আধ্যাত্মিক ঐতিহ্যৰ বিষয়ে কয়।
এক্সৰ এলানি ধাৰাবাহিক পোষ্টৰ জৰিয়তে আভাস শ্বেয়াৰ কৰি শ্ৰী মোদীয়ে কয়,
সেউজ গতিশীলতাৰ দিশত ভাৰতে উল্লেখযোগ্য অগ্ৰগতি লাভ কৰিছে!
জিন্দত ভাৰতৰ প্ৰথমখন থলুৱা হাইড্ৰজেন-চালিত ৰেলৰ জিন্দ আৰু শনিপটৰ মাজত উদ্বোধন কৰা হৈছিল।
এই উল্লেখযোগ্য কৃতিত্বই ভাৰতীয় ৰে’লৱেৰ প্ৰতিভা আৰু নিষ্ঠা প্ৰদৰ্শন কৰিছে। এয়া আত্মনিৰ্ভৰ ভাৰত আৰু ভৱিষ্যতৰ বাবে সাজু পৰিবহণৰ প্ৰতি আমাৰ দায়বদ্ধতাৰ গৌৰৱময় প্ৰতীক।
হাৰিয়ানাৰ জিন্দত দেশৰ প্ৰথমখন হাইড্ৰজেন ৰেল উদ্বোধন কৰি গৌৰৱ অনুভৱ কৰিছো। স্বচ্ছ, সেউজ তথা আত্মনিৰ্ভৰ ভাৰত গঢ়াৰ দিশত এয়া এক ডাঙৰ সফলতা। অত্যাধুনিক প্ৰযুক্তিৰে নিৰ্মিত এই ৰেলখনে ভাৰতৰ প্ৰযুক্তিগত সামৰ্থ্যৰ প্ৰতীক হোৱাই নহয় সমগ্ৰ বিশ্বৰ বাবেও এক আদৰ্শ হিচাপে কাম কৰে।
জিন্দৰ উন্নয়ন কাৰ্যসূচীত হাৰিয়ানা পৰিয়ালৰ সদস্যসকলৰ উৎসাহে আমাক নতুন শক্তিৰে ওপচাই তুলিলে।
জিন্দ আৰু শনিপটৰ মাজত দেশৰ প্ৰথমখন হাইড্ৰ’জেন ৰে’ল উদ্বোধন কৰাটো ভাৰতৰ বাবে একবিংশ শতিকাৰ প্ৰযুক্তিৰ দিশত এটা বৃহৎ পদক্ষেপ। এই ৰেলখনৰ সম্ভাৱনীয়তাৰ কথা শুনি দেশৰ প্ৰতিজন নাগৰিকে অত্যন্ত গৌৰৱ অনুভৱ কৰিব!
২০১৪ চনৰ আগৰ পৰিস্থিতি হ’লে বিশ্বৰ তেল সংকটে ভাৰতৰ ৰে’ল ব্যৱস্থাক অচল কৰি পেলালেহেঁতেন৷ কিন্তু আমাৰ চৰকাৰে আগতীয়াকৈ চিন্তা-চৰ্চা কৰি সমাধান কাৰ্যকৰী কৰে, যাৰ ইতিবাচক ফল দেশখনে দেখিছে।
হাৰিয়ানাৰ দ্বৈত ইঞ্জিনৰ চৰকাৰে ৰাজ্যৰ পুত্ৰ-কন্যাসকলক ক্ৰীড়াৰ ক্ষেত্ৰতো প্ৰতিটো সুবিধা প্ৰদান কৰি আহিছে। সমাগত গুৰুত্বপূৰ্ণ প্ৰতিযোগিতাসমূহৰ বাবে ৰাজ্যৰ যুৱ বন্ধুসকললৈ মোৰ বিশেষ অনুৰোধ...
****
MJPS/SS/VJ/KD
(रिलीज़ आईडी: 2285997)
आगंतुक पटल : 5