হাইদ্রোজেন ত্রেন্দা মায় ওনশিল্লকপা

ইন্দিয়ন রেলৱেজনা ক্লিন অমসুং সস্তেনেবল ত্রান্সপোর্তেসনগী অনৌবা য়ুগ অমদা চঙশিল্লি। হাইদ্রোজেন ফ্যুল সেল তেক্নোলোজী অসি ফোসিল ফ্যুলদা য়ুম্ফম ওইবা ত্রেক্সন সিস্তেমশিংগীদমক্তা মালেমগী ওইনা অফবা অতোপ্পা পাম্বৈ অমা ওইনা থোক্লক্লি। ভারতকী অহানবা লমদমসিগী ওইবা হাইদ্রোজেন-পাৱর ত্রেন অসিনা মথংগী জেনরেসনগী তেক্নোলোজী অসি শিজিন্নবদা মরু ওইবা খোংথাং অমা ওইরি। হাইদ্রোজেন শিজিন্নদুনা মশাগী ইলেক্ত্রিসিতী পুথোকপা লোকোমোতিব অমনি। ২০২৬গী জুলাই ১৭দা হৌদোকপগা লোয়ননা, হাইদ্রোজেন ফ্যুল সেলনা চলাইবা ত্রেন অসি থবক হৌনবা শেম শাখ্রে। মসিনা অৱাংথংবা রেলৱেগী জিন্দ-সোনিপৎ সেক্সন্দা চৎকনি। প্রোজেক্ত অসিনা এদভান্স প্রোপল্সন তেক্নোলোজীগা দিদিকেতেদ হাইদ্রোজেন স্তোরেজ, রিফ্যুলিং অমসুং ওপরেস্নেল ইনফ্রাস্ত্রকচরগা পুনশিন্নরি। মসিনা ভারত্তা ক্লিন রেল ত্রান্সপোর্তেসনগী ওইথোকপা য়াবশিং উৎলগনি। পাইলোত ইনিসিয়েতিব অমা ওইনা শেমগৎখিবা প্রোজেক্ত অসিনা ইন্দিয়ন রেলৱেজকী ইনোবেসনগীদমক অচেৎপা থাজবা অদু উৎলি। মসিনা ইনর্জী ইফিসিএন্সী অমসুং অকোইবগী ফিভমগা মরী লৈনবা ত্রান্সপোর্তসু খুমাং চাউশিলহল্লি।

মসিগা লোইননা, ভারত অসি হাইদ্রোজেন-পাৱর রেল ত্রান্সপোর্তেসন এক্সপ্লোর তৌরিবা লৈবাকশিংগী খনগৎলবা কাংলুপ অমদা য়াওরক্লি। মসিগী মনুংদা জর্মনী, জাপান, চাইনা অমসুং য়ুনাইতেদ স্তেৎস য়াওরি। তেক্নোলোজী অসি হৌরক্লিবা থাক্তা লৈরি, প্রোজেক্ত অসিনা মমল য়াম্লবা ওপরেস্নেল এক্সপরিয়েন্স ফংহল্লগনি। মসিনা রেলৱে সেক্তরদা হাইদ্রোজেননা চলাইবা মোবিলিতীগী তুংগী এপ্লিকেসনশিং শৌগৎকনি।

ভারতকী অহানবা হাইদ্রোজেন্দা য়াওবশিং

হাইদ্রোজেন ত্রেন প্রোজেক্ত অসি রিসর্চ, দিজাইন এন্দ স্তেন্দর্দ ওর্গনাইজেসন (আর.দি.এস.ও.) না শেম্বা দিজাইন এপ্রুবমেন্ত অমসুং তেক্নিকেল স্পেসিফিকেসনগী মতুং ইন্না শেমগৎখ্রে। মপুংফানা ভারত্তা দিজাইন তৌদুনা শেমগৎখিবা প্রোজেক্ত অসিনা আত্মনির্ভর ভারতকী মিৎয়েং অদু উৎলি।

জিন্দ-সোনেপত সেক্সনগী হাইদ্রোজেন্না থৌবা ত্রেনগী মরু ওইবা কান্নবশিং

• কার ১০গী হাইদ্রোজেন ফ্যুল সেলদা য়ুম্ফম ওইবা ত্রেনসেৎ।
• হাইদ্রোজেন ফ্যুল সেল প্রোপলসন সিস্তেমগী কিলোৱাৎ ১২০০না চলাইবা।
• পুং অমদা কিলোমিতর ১১০গী দিজাইন স্পীদ অমদা পুং অমদা কিলোমিতর ৭৫ কী খ্বাইদগী য়াঙবা খোঙজেলদা চেনবগী অয়াবা পীখ্রে।
• পেসেঞ্জর ২,৬০০ পুবা ঙমগনি।
• প্রোতোতাইপ মেন্যুফেকচরিংগী খুত্থাংদা দিজাইন স্তেজতা শেমগৎপা।
• মসিনা জিন্দ জঙ্কসন, গোহানা জঙ্কসন অমসুং সোনিপৎপু শম্নহল্লগনি অমসুং ইন্তরমিদিতেৎ স্তেসনশিংসু মথৌ তৌহল্লগনি।
• প্রোপোজ তৌরিবা স্তোপশিংগী মনুংদা জিন্দ সিতী, পন্দু পিন্দরা জঙ্কসন, ললিত খেরা স্তোপ, ভম্বেৱা, ইসাপুর খেরি স্তোপ, বুতান স্তোপ, খন্দরাই স্তোপ, রব্রাহ স্তোপ, লাথ স্তোপ, মোহানা, বরৱাসনি স্তোপ অমসুং সোনিপৎ ন্যু য়াওরি।

ত্রেন অসিদা শিজিন্নরিবা তেক্নোলোজী

হাইদ্রোজেন ফ্যুল সেল তেক্নোলোজীনা হাইদ্রোজেন শিজিন্নদুনা কেমিকেল রিএক্সন অমগী খুত্থাংদা ইলেক্ত্রিসিটি পুথোকই। প্রাইমরী ইনর্জী সোর্স অসি প্রোতোন একচেঞ্জ মেম্ব্রেন ফ্যুল সেল (পি.ই.এম.এফ.সি.) অমনি। মসি প্রোতোন কন্দক্তিং পর্ফ্লুওরোসুলফোনিক এসিদ (পি.এফ.এস.এ.) পোলিমর মেম্ব্রেন অমদা হাইদ্রোজেন অমসুং ওক্সিজেন রিএক্ত তৌদুনা ইলেক্ত্রিসিতী পুথোকপা ফ্যুল সেল অমনি। থৌওং অসিনা সাইদ-প্রদক্তশিং ওইনা ঈশিং মনিল অমসুং মৈশা খক্তমক পুথোকই। হাইদ্রোজেন অসি ৪৩ MJ/Kg ওইবা দিজলগা চাংদম্নবদা ১২০ MJ/Kg (কিলোগ্রাম অমমমদা ওইবা মেগাজুল) ওইরিবা হাই এনার্জি ফ্যুল অমনি। মসি মেনেজ তৌবা য়াবা কার্বন ফুটপ্রিন্ট অমগা লোইননা মেনতেন্সন য়াম্না নেম্মি। মসিনা হাইদ্রোজেন অসি রেল ত্রান্সপোর্তকীদমক্তা হৌজিক ফংলিবা খ্বাইদগী ক্লিন ওইবা প্রোপলসন তেক্নোলোজী ওইহল্লি। মসিগী মতেং পাংনবা, ইন্দিয়ন রেলৱেজনা অখন্নবা ইনফ্রাস্ত্রকচর অমা শেম্লে।

হাইদ্রোজেন ইনফ্রাস্ত্রকচর

লৈবাক অসিগী খ্বাইদগী চাউবা রেলৱেজ হাইদ্রোজেন স্তোরেজ অমসুং রিফ্যুএলিং ফেসিলিতী অসি হরিয়ানাগী জিন্দতা লিংখৎখ্রে। ইন্দিজিনস ফেসিলিতী অসিনা মতম অমদা হাইদ্রোজেন কেজি ৩,০০০ রোম স্তোর তৌই। মসিনা হাইদ্রোজেননা চলাইবা ত্রেন ওপরেসনদা মতেং পাংগনি। পেত্রোলিয়ম অমসুং এক্সপ্লোসিভ সেফতী ওর্গনাইজেসন (পি.ই.এস.ও.) না মথৌ তাবা লাইসেন্স পীখ্রে। লাইসেন্স অসিনা মফম অসিদা কম্প্রেস তৌরবা হাইদ্রোজেন গ্যাস স্তোরেজ তৌবা অমসুং পীথোকপদা কোনশিল্লি। হাইদ্রোজেন ইকোসিস্তেম অসি ইন্তর্নেস্নেল ওইনা য়ানবা স্তেন্দর্দশিংগী মতুং ইন্না দিজাইন তৌখ্রে। মসিগী মনুংদা এন.ই.পি.এ.-2 (নেস্নেল ফায়র প্রোতেক্সন এসোসিয়েসন) অমসুং আই.এস.ও. (ইন্তর্নেস্নেল ওর্গনাইজেসন ফোর স্তেন্দর্দাইজেসন) ১৯৮৮০ সেরিজ য়াওরি। সিস্তেম পুম্নমক অসি ইন্দিপেন্দেন্ত থর্দ পার্তী সেক্যুরিতী এসেসমেন্ত তৌখি। মসি মালেমগী মকোক থোংবা তেক্নিকেল ইন্সপেক্সন অমসুং সর্তিফিকেসন এজেন্সীশিংগী মনুংদা অমা ওইরিবা জর্মনগী TÜV SÜD না পাংথোকখি।

ত্রেন অসিদা হাইদ্রোজেন দ্রাইভিং পাৱর কার (দি.পি.সি.) অনি অমসুং ত্রেলর কোচ (তি.সি.) নি। দি.পি.সি. খুদিংমক্তা ফ্যুল সেলশিং, লিথিয়াম আইরন ফোস্ফেৎ (এল.এফ.পি.) বেতরীশিং অমসুং হাইদ্রোজেন স্তোরেজ সিলিন্দরশিং লৈ। থাজবা য়াবা ওপরেসনশিং লৈহন্নবা, ফেসিলিতী অসি মখাদা পীরিবা অসিগা লোয়ন-লোয়ননা লৈ:

• রিফ্যুএলিং ওপরেসনগীদমক্তা হাইদ্রোজেন কম্প্রেসন সিস্তেম অমা।
• তেক্নিকেল সপোর্ত অমসুং থাজবা য়াবা মথৌ তৌনবগীদমক মরুওইবা স্পের্স।
• লেপ্পা লৈতনা তেন থাবগীদমক স্তেন্দবাই কম্প্রেসর অমা।

ইনফ্রাস্ত্রকরশিং পুনশিল্লিবা অসিনা হাইদ্রোজেন্না থৌবা ত্রেন অসি শাফহল্লি অমসুং মীয়ামদা কান্নহল্লি।

শাফনা চলাইহনবা

ইন্দিয়ন রেলৱেজনা হাইদ্রোজেন ত্রেন ওপরেসনশিংদা মতেং পাংনবা অপুনবা ওপরেস্নেল অমসুং সেফতী ফ্রেমৱার্ক অমা শেমখ্রে। তোঙান তোঙানবা মনিং তম্লবা সেফতী সিস্তেমশিংনা হাইদ্রোজেন স্তোরেজ, ত্রান্সফর অমসুং শিজিন্নবগী স্তেজ খুদিংমক লেপ্তনা মোনিটর তৌই, ভেরিফাই তৌই অমসুং প্রোতেক্ত তৌই।

মথৌ পাংথোকহন্নবা শেম শাবশিং

• স্তেন্দর্দ ওপরেতিং প্রোসেসরশিং, চাং নাইনা ওদিৎশিং অমসুং প্রেস্ক্রাইব তৌরবা সেফতী প্রোভিজনশিং লৈরে।
• দিল্লীগী শকুরবস্তিদা লৈরিবা মেনতেন্সন ফেসিলিতী অসি হাইদ্রোজেন ত্রেন ওপরেসনগীদমক শেম-শারি।
• ত্রেনিং ফংলবা অমসুং সর্টিফিকেট লৈবা পর্সোনেলনা মরুওইবা ওপরেসনশিং মেনেজ তৌগনি।
• তেক্নিকেল পর্সোনেলনা অহানবা ফেজ মনুংদা ত্রেনগা লোয়নগনি।
• হাইদ্রোজেন রিফ্যুলিং সিস্তেম অসি ২৪x৭ মোনিটরিং মখাদা লৈগনি।

শাফহন্নবা পায়খৎলিবা খোঙথাংশিং

• পোৎথোক পুথোকপা, থম্নবা অমসুং য়েন্থোকপা মফমশিংদা হাইদ্রোজেন লিক দেতেক্তরশিং ইনস্তোল তৌখ্রে।
• লেপ্তনা য়েংশিনবগীদমক ফ্লেম দিতেক্তরশিংসু ইনস্তোল তৌখ্রে।
• সেক্যুরিতী সেন্সরশিং অসি চাং নাইনা ইন্সপেক্সন তৌগনি অমসুং শেংদোক্কনি।
• নন-ষ্টোপ ভেন্টিলেসননা মতম পুম্নমক্তা ত্রেন অদুদা নুংশিৎ চেনবা ঙম্মী।
• করিগুম্বা মৈ, মৈহৌ নত্ত্রগা মৈহৌগুম্বদা মান্নদবা করিগুম্বা অমত্তা থেংনরবদি, সিস্তেম অসিনা হাইদ্রোজেন সপ্লাই অসি মশা মথন্তনা ওতোমেটিক ওইনা ককপা ঙমগনি।
• করিগুম্বা মৈ, মৈহৌ নত্ত্রগা মৈহৌগুম্বদা মান্নদবা করিগুম্বা অমত্তা থেংনরবদি, সিস্তেম অসিনা হাইদ্রোজেন সপ্লাই অসি মশা মথন্তনা ওতোমেটিক ওইনা ককপা ঙমগনি।
• লোকো পাইলোৎকী কেবিন অসি অখন্নবা মোদ অমগা লোয়ননা দিজাইন তৌখ্রে। মসিনা ইমর্জেন্সী অমদা ত্রেন অসি সেক্যুরিতীদা হোংদোকপা য়াহল্লি।
• স্ক্রীন অমনা মতম পুম্নমক্তা লোকো পাইলোৎতা সিস্তেম পুম্নমক্কী অশেংবা হকশেল অদু উৎলি।
• সেফ ওপরেসনশিং লৈহন্নবা ইন্সপেক্সন অমসুং মেনতেন্সন সেদ্যুলশিং লেপখ্রে।

তুং কোয়না চৎকদবা রেল মোবিলিতী অমগী মায়কৈদা

হাইদ্রোজেন ত্রেন অসি অনৌবা ত্রেন সেৎ অমা পুথোকপদা নত্তনা অতৈসু য়াওরি। মসিনা তুংগী হাইদ্রোজেননা চলাইবা রেলৱেজ ওপরেসনগীদমক মথৌ তাবা সিস্তেমশিং, ইনফ্রাস্ত্রকচর অমসুং ইন্সতিত্যুস্নেল কেপাসিতী শেমগৎলি। প্রোজেক্ত অসিনা তেক্নোলোজী, ওপরেতিং প্রোসিদ্যুরশিং অমসুং মেন্তেনান্স প্রাক্তিসশিং ভেলিদেত তৌবদা মতেং পাংই। মসিনা হাইদ্রোজেননা চলাইবা মোবিলিতীদা চাওনা মতেং পাংনবা তঙাই ফদবা তেক্নিকেল কেপাসিতীশিংসু মপাঙ্গল কনখৎহল্লি। মসিনা নেস্নেল গ্রীন হাইদ্রোজেন মিসন অমসুং নেৎ-জিরো কার্বন ইমিসনগী পান্দমশিং শৌগৎলি। ইন্দিয়ন রেলৱেজকী মখা তানা মোদর্নাইজেসন তৌরকপগা লোইননা, খোংথাং অসিনা পাক শন্না শিজিন্ননবগী য়ুম্ফম ওইরে। প্রোজেক্ত অসিনা হেন্না রেসিলেন্ত ওইবা ত্রান্সপোর্ত সিস্তেম অমা শেমগৎনবগী মায়কৈদা মরু ওইবা খোংথাং অমা উৎলি।

ই-পাউ লৌফমশিং

রেলৱেজ মন্ত্রালয়

https://www.pib.gov.in/PressReleasePage.aspx?PRID=2201556&reg=48&lang=2

https://www.pib.gov.in/PressReleasePage.aspx?PRID=2265781&reg=3&lang=1

https://www.pib.gov.in/PressReleasePage.aspx?PRID=2285240&reg=48&lang=1

https://rdso.indianrailways.gov.in/railwayboard/uploads/directorate/stat_econ/2024/Indian%20Railways%20Annual%20Report%20%26%20Accounts%202022-23%20ENGLISH.pdf

ইনফোর্মেসন অমসুং ব্রোদকাস্তিং মন্ত্রালয়

https://www.facebook.com/inbministry/videos/indias-first-hydrogen-powered-train-is-set-to-redefine-rail-travel-clean-green-a/813246554362679/

মফম অসিদা pdf য়েংনবা নম্বীয়ু

***