প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা শেন্মিৎলোনগী মন্ত্রীমন্দলগী কমিতীনা ঙসি উত্তর প্রদেশকী বরানসী শহরগী কঞ্জেসন হন্থহন্নবগীদমক গঙ্গা তুরেলগা শম্নহল্লগা নেস্নেল হায়ৱে-১৯ (এন.ঐচ.-১৯) অমসুং বরানসী রিং রোদকী মরক্তা লিঙ্ক/ কন্নেক্তর কোরিদোর অমা শেমগৎনবা অয়াবা পীখ্রে। কিলোমীতর ৪৬.০৩৯ শাংবা প্রোজেক্ত অসিদা লেন তরুক্না শাবা মপুং ওইবা লম্বী অমা, মমিং লৈরবা কেবল-স্তেদ ব্রিজ অমা, এক্সত্রাদোস ফুট ওভর ব্রিজ-কম-মেজর ব্রিজ, লুপশিং, রাম্পশিং, লিঙ্ক রোদশিং অমসুং সর্বিস রোদশিং য়াওরি। মসি হাইব্রিদ এন্যুএতি মোদেল (ঐচ.এ.এম.) গী মখাদা পুন্না লুপা করোর ১৪,৪৪৭.৬৪গী কেপিতেল কোস্তকী মখাদা ইমপ্লিমেন্ত তৌগনি। মসিগী মনুংদা সিবিল কন্সত্রক্সন কস্ত লুপা করোর ৬,০৩৭.৮৫ (জি.এস.তি য়াওদনা য়ুতিলিতী শিফ্তিং য়াওনা) অমসুং এন.ঐচ.ও.গী মখাদা লম লৌশিনবগী শেনফম লুপা করোর ৫৪১.১১ য়াওরি।

প্রোজেক্ত অসিনা NH-19 অমসুং বরানসী রিং রোদকী মরক্তা শম্নগনি। মসিনা শহর অসিগী লম্বীগী নেৎৱার্ক অসি য়াম্না লাইথোকহল্লগনি অমসুং অর্বান মোবিলিতী ফগৎহল্লগনি। 80 100 কি.মি. / পুংগী ওপরেতিং স্পীদকীদমক দিজাইন তৌদুনা মফম অদুদা চত্থোক চৎশিন তৌবগী চাংচৎকী মতম অদু চাউরাক্না মিনিত 60দগী মিনিত 20দা হন্থহল্লগনি হায়না পানরি, মসিনা চাউরাক্না চাদা 67 হন্থহল্লগনি। এন.ঐচ.-১৯ অমসুং কাশী রেলৱে স্তেসনগী মরক্তা চৎথোক-চৎশিন তৌবগী মতম অসি চাউরাক্না মিনিত ৫০দগী মিনিত ২৫দা হন্থহল্লগনি। মসিনা মিনিত ২৫ (চাউরাক্না চাদা ৫০) কনবা ঙম্লগনি।

পি.এম. গতী শক্তি নেস্নেল মাস্তর প্লানগা মরী লৈননা, কোরিদোর অসিনা মরুওইবা হাইৱেজশিং, রেলৱে স্তেসনশিং, লাল বাহাদুর শাস্ত্রী এয়রপোর্ত অমসুং রামনগর আই.ৱাই.এ.আই. পোর্ত ফাওবা চঙবা ঙমহন্দুনা মল্তি-মোদেল কনেক্তিবিতী হেঙ্গৎহল্লগনি। কাশী বিশ্বনাথ লাইশঙ, বনারস হিন্দু য়ুনিভর্সিতী (বি.ঐচ.য়ু.), নমো ঘাট, রামনগর ফোর্ৎ অমসুং বরানসীগী ঘাটশিং য়াওনা মরুওইবা ধর্মগী, এজুকেসনেল অমসুং কলচরেল লেন্ডমার্কশিংগা মরী লৈনবা মওং-মতৌশিংসু মশক থোক্না ফগৎহল্লগনি। মরু ওইবা ইকোনোমিক, সোসিএল অমসুং লোজিস্তিক নোদশিং শম্নহন্দুনা প্রোজেক্ত অসিনা লোজিস্তিক্কী ইফিসিএন্সী হেনগৎহল্লগনি, লম্বীগী সেফতী হেঙ্গৎহল্লগনি, তুরিজম অমসুং পিলগ্রিমগী লমদা খুদোংচাবা ফংহল্লগনি অমসুং নোংপোক উত্তর প্রদেশ শিনবা থুংনা তুংকোইনা চৎকদবা রিজনেল ইকোনোমিক গ্রোথতা মতেং ওইরগনি।

কোরিদোর অসি এনঐচ-১৯, বরানসী রিং রোদ (এনঐচ-১৩৫বি), রামনগর/বিঐচয়ু অমসুং অতোপ্পা মরুওইবা অর্বান দিস্তিনেসনশিংগী মরক্তা হাই-স্পিদ, এক্সেস-কন্ত্রোল তৌরবা কনেক্সন অমা পীরদুনা বরানসী অমসুং চান্দৌলিগী লম্বী নেৎৱর্ক অসি ত্রান্সফোর্মেতিব অর্বান মোবিলিতী প্রোজেক্ত অমা ওইনা শেমখ্রে। চহি খুদিংগী তুরিস্ত অমসুং লাইরব মীওই কোতি ১৫ হেনবনা বরানসীদা লাকপা অসিনা কাশী বিশ্বনাথ লাইশঙ, বনারস হিন্দু য়ুনিভর্সিতী (বি.ঐচ.য়ু.), নমো ঘাট, রামনগর ফোর্ৎ, বরানসীগী ঘাটশিং অমসুং কাশী রেলৱে স্তেসন য়াওনা মরুওইবা ধর্ম্মগী, এজুকেস্নেল অমসুং কলচরেল লেন্দমার্কশিংগা মরী লৈনবা মওংদা ফগৎহনগনি। বি.ঐচ.য়ু./লঙ্কা অমসুং সামনে ঘাতকী মরক্তা শাবা এলিভেটেদ স্পুর অমনা লঙ্কা জঙ্কসনদা ত্রাফিক্কী অৱাবা হন্থহল্লগনি।

প্রোজেক্ত অসিনা কন্ত্রোল তৌরবা এক্সেসকী খুত্থাংদা লম্বীগী সেফতী হেনগৎহল্লগনি, ভেহিকল ওপরেতিং কোস্ত অমসুং ইমিসন হন্থহল্লগনি, চৎথোক-চৎশিনগী থাজবা হেনগৎহল্লগনি, অমসুং পেসেঞ্জর অমসুং ফ্রেত ত্রাফিক্কী ইফিসেন্ত ওইবা চৎথোক-চৎশিনদা মতেং পাংগনি। মসিনা এন.ঐচ. -১৯, বি.ঐচ.য়ু.-রামনগর কোরিদোর অমসুং এন.ঐচ. -৩৫সু চাউখৎলবা সহরগী ময়োলদগী লম্বীদা চৎপা ত্রাফিকপু থৈদোক্লগনি৷

প্রোজেক্ত অসিদা ময়েক শেংবা ইঞ্জিনীয়রিংগী মগুন কয়া য়াওরি। মসিগী মনুংদা গঙ্গা তুরেলগী মথক্তা মীতর ৯১০গী মমিং লৈরবা কেবল স্তেদ ব্রিজ অমা, কাশী বিশ্বনাথ লাইশঙগা শোইদনা শম্নবা ত্রেভেলরশিংগা লোইননা কিলোমিতর ১.৩২গী এক্সত্রাদোসেদ ফুট ওভর ব্রিজ-কুম্বা মেজর ব্রিজ অমা, হৌজিক লৈরিবা/প্রোপোজ তৌরিবা মালবিয়া ব্রিজগী মথক্তা রেল ওভর ব্রিজ অমা, অখন্নবা ইমর্জেন্সী পার্কিং বেশিং, নোইস বেরিয়রশিং, ফসেদ লাইতিং অমসুং বরানসীগী কলচরেল হেরিতেজদগী ইথিল লৌদুনা শেমগৎপা আর্কিতেকচরেল ইলিমেন্তশিং য়াওরি। মসিগী মগুনশিং অসিনা ত্রান্সপোর্তেসন ইফিসিএন্সী ফগৎহনবতা নত্তনা সহর অসিগী অর্বান লেন্দস্কেপসু হেনগৎহনগনি। মসিনা বরানসীগী স্কাইলাইন্দা মশক থোকপা অহেনবা অমা শেমগনি অমসুং ভারতকী খ্বাইদগী মরুওইবা ধর্মগী অমসুং কলচরগী মফম অমা ওইনা মসিগী থাক অসি মপাঙ্গল কনখৎহনগনি।

পি.এম. গতি শক্তি নেস্নেল মাস্তর প্লানগী মতুং ইন্না থৌরাং তৌরিবা কোরিদোর অসিনা ইকোনোমিক নোদ অমা (চন্দৌলি এস.ই.জেদ.), সোসিএল নোদ অমা (চন্দৌলি এস্পিরেস্নেল দিস্ত্রিক্ত) অমসুং মরুওইবা লোজিস্তিক নোদ তরুক হায়বদি লাল বাহাদুর শাস্ত্রী এয়রপোর্ত, কাশী রেলৱেজ স্তেসন, বনারস রেলৱেজ স্তেসন, বরানসী সিতী রেলৱেজ স্তেসন, পি.তি. দীন দয়াল উপাধ্যায় জঙ্কসন অমসুং রামনগর আই.ৱাই.এ.আই. পোর্ত। ত্রান্সপোর্ত হবশিং অসিগা কাশী বিশ্বনাথ লাইশঙ, বনারস হিন্দু য়ুনিভর্সিতী (বি.ঐচ.য়ু.), নমো ঘাট, রামনগর ফোর্ৎ অমসুং বরানসীগী ঘাটশিং অসিগা শম্নহন্দুনা প্রোজেক্ত অসিনা মল্তি-মোদেল ইন্তিগ্রেসন হেঙ্গৎহল্লগনি, লোজিস্তিক ইফিসিএন্সী হেঙ্গৎহল্লগনি, তুরিজম অমসুং পিলগ্রিমগী খুদোংচাবা ফংহল্লগনি, অমসুং নোংপোক উত্তর প্রদেশকী মফম খুদিংদা তুং কোইনা চৎকদবা রিজনেল ইকোনোমিক দিবেলপমেন্ততা মতেং ওইরগনি।

অপুনবা ওইনা, প্রপোজ তৌরিবা গঙ্গা এলেভেতেদ কোরিদোর অসিনা মোদর্ন, হাই কেপাসিতী অর্বান ত্রান্সপোর্ত কোরিদোর অমা শেমগৎলগনি। মসিনা বরানসীদা হেন্না থুনা, হেন্না সেফ অমসুং হেন্না থাজবা য়াবা কনেক্তিবিতী ফংহন্দুনা, কঞ্জেসন হন্থহন্দুনা, মল্তি-মোদেল ইন্তিগ্রেসন মপাঙ্গল কনখৎহন্দুনা, তুরিজম অমসুং পিলগ্রিম ইনফ্রাস্ত্রকচর হেনগৎহন্দুনা অমসুং পি.এম. গতি শক্তিদা মতেং পাংলগনি৷

কোরিদোরগী মেপ:

 ***