U Myntri Khynnah jong ka sorkar pdeng (Independent Charge) ia ka Tnad Science & Technology, Earth Sciences, bad u Myntri Khynnah ha ka Prime Minister's Office, Personnel, Public Grievances and Pensions, Atomic Energy and Space, Dr. Jitendra Singh, mynta ka sngi u la ong ba hadien shiphew snem jong ki jingpynkylla ha ka synshar khadar kiba la prat lynti bad ka jingweng noh ïa ki kyndon kiba la rim haduh 2,000 tylli, ka India ka rung sha ka kawei pat ka bynta jong ka jingkylla ha ka synshar khadar lyngba ki jingpynkylla ha ka synshar khadar bad ka e-Governance. Haba ïadei bad ka jingkyntu jong u Myntri Rangbahduh ka ri u Narendra Modi ïa ka "Reform Express” ha ka samoi treikam kaba lai jong ka Sorkar, u la ong ba ki jingpynkylla ha ki por ban wan kidei ban pynïasoh lang ïa ka Artificial Intelligence, ka jingshngain ha ka kam cyber, ki jingdon jingem ba iadei bad ki lad digital na ka bynta ki paidbah bad ki rynsan ai jingshakri ba pynshong nongrim ha ki nongshong shnong ban tei ïa ka rukom synshar kaba stet bad kaba pynïaid da ka teknoloji kaba lah ban pynurlong ia ki jingangnud jong ka Vikshit Bharat@2047.

U Myntri ka sorkar pdeng u Dr. Jitendra Singh u la plie ia ka National Conference kaba ar sngi halor ka Next Generation Administrative and e-Governance Reforms, kaba la pynlong lang da ka Tnad Administrative Reforms and Public Grievances (DARPG) bad ka Sorkar Meghalaya ha Shillong. U Myntri Rangbah ka jylla Meghalaya u Conrad K. Sangma, Secretary jong ka DARPG, ka Nivedita Shukla Verma, Chief Secretary jong ka jylla Meghalaya Dr. Shakil P. Ahammed, Additional Secretary DARPG u Puneet Yadav, ki heh ophisar na ka sorkar pdeng bad sorkar jylla, ki District Collector bad ki nongmihkhmat na kylleng ka ri ki la iadonlang ha kane ka jingialang.

Haba batai ïa ki jingpynkylla ha ka rukom synshar kum u budlum jong ka jingïaid lynti jong ka roi ka par jong ka India, u Dr. Jitendra Singh u la ong ba ka jingsynshar ka la mad ïa ka jingkylla kaba ym pat ju jia mynno mynno ruh hapoh ka jingialam jong u Myntri Rangbahduh ka ri u Narendra Modi lyngba ki nongrim jong ka jingkhuid jingsuba, ka jingkitkhlieh, ka jingpynkup bor lyngba ki lad digital bad ka jingsynshar kaba pynshong nongrim ha ka jingmih. U la ong ba ka Sorkar ka la iaid stet na ka jingpynbeit ryntih sha ka jingpynsuk katba ka buh ia ki nongshong shnong ha ka bynta pdeng jong ka jingthaw ia ki polisi bad ka jingai jingshakri ia ki paidbah.

Haba pynkynmaw ba ïa ki national conference halor ki jingpynkylla ha ka rukom synshar mynta la pynlong ha kylleng ki thaiñ bapher bapher jong ka ri ha ka jaka ban sahkut tang ha New Delhi, u Myntri u la ong ba kane ka rukom ka la pynkhlain ïa ka jingïatreilang hapdeng ka Sorkar Pdeng bad ki Jylla katba ka iarap ban ïasam kham jylliew ïa ki rukom synshar kiba jop. Ka Shillong, u la ong, ka don ha ka jaka kaba kyrpang ha kane ka jingiaid lynti bad u la pynpaw ia ka jingngeit skhem ba, kumba long ka Shillong Declaration kaba mynshwa, kane ka jingialang kaba mynta ruh kan kut ha ka "Shillong Declaration 2.0" ban rah shakhmat ia ka kam ban wanrah jingkylla.

U Myntri u la ong ba ka thain shatei lammihngi ka la paw kum kawei na ki nongioh jingmyntoi ba heh tam na ka jingthmu pynroi jong u Myntri Rangbahduh u Modi. U la pynkynmaw ba u Myntri Rangbahduh u la wan jngoh ia kane ka thain haduh phraphew sien, kaba pyni ia ka jingphaikhmat kaba ym pat ju jia mynno mynno ruh ia ka thain shatei lammihngi. Haba ïadei bad ka jingïaroh jong u Myntri Rangbahduh dang shen ïa ki jingkieng jri jong ka Jylla Meghalaya ha Mann Ki Baat, u Dr. Jitendra Singh u la ong ba ka Jylla ka la long ka nuksa na ka bynta ka roi ka par kaba ïalam da ka imlang sahlang bad ka jingsain dur ha ka kam ai jingsynshar. U la ïaroh ruh ïa ki sienjam jong ka Sorkar Meghalaya, ba kynthup ïa ka New Shillong Administrative City, kaba pynïasoh lang ïa ki jingdon jingem kiba katkum ka juk mynta bad ka jingsynshar lyngba ki lad digital bad ka jingpynkhreh kam kaba jrong samoi.

Haba kren shaphang ka jingïaid lynti jong ka India ha ka jingsynshar lyngba ki lad digital, u Dr. Jitendra Singh u la ong ba palat 56 klur ki Jan Dhan Account, ka jingai jingshakri kaba pyndonkam da u Aadhaar, ka Direct Benefit Transfer bad ka Unified Payments Interface ki la pynkylla ïa ka jingïadei hapdeng ki nongshong shnong bad ka Sorkar. Ka UPI mynta ka pyntreikam palat 18 billion ki jingsiew jingdiah man la u bnai, kaba pynlong ia ka India kum ka nongialam ha ka pyrthei ha kaba iadei bad ki jingsiew digital.

U Myntri u la ong ba ka Tnad Administrative Reforms and Public Grievances ka la pynkylla ia ka Centralized Public Grievance Redress and Monitoring System (CPGRAMS) sha kawei na ki rynsan kaba heh tam ha ka pyrthei kaba plié lad ia ki briew ba kin pynsngew ia ki jingeh bad kaba pyndonkam da ka teknoloji. Ki jingujor man la u snem ki la kiew na kumba 2lak ha u snem 2014 sha ka 25lak mynta, kaba pyni ia ka jingkiew ka jingshaniah jong ki paidbah ha ka jingsynshar kaba shimkhia. U la ong ba ia kane ka rynsan mynta la kyrshan da ka Artificial Intelligence lyngba ki jingshakri chatbot ba bun jait ki ktien katba dang pynneh ia ka jingiadei hapdeng ki briew ha ka kyrdan ba khatduh jong ka jingpynbeit ia ki jingeh ban pynthikna ia ka jingtreikam bad ka jingsngewlem.

U Dr. Jitendra Singh u la kren ruh shaphang ki katto katne ki jingsaindur thymmai ha ka rukom synshar ba la wanrah ha kine ki shiphew snem ba la leit noh, kynthup ïa ki Digital Life Certificate ba la pynshong nongrim ha ka teknoloji ban ithuh ïa ka durkhmat, ka e-Office, ka Prashasan Gaon Ki Ore, ki sienjam ba ïatreilang jong ki jylla bad ka the National e-Services Delivery Assessment, kine baroh ki la pynkhlain shibun ia ka jinglong kaba shai, ka jingtreikam kaba paka bad ka jingpynpoi ia ki lad jingshakri sha baroh.

Haba kren shaphang ki jingpynkylla ha ka rukom synshar, u Myntri u la ong ba ki rukom synshar kidei ban nang iai kylla ryngkat bad ki jingkylla ha ka teknoloji bad ki jingdonkam jong ka imlang sahlang. U la ong ba bun ki kyndon kiba la rim ki la bteng tang namar ba ym shym la peit biang ia ki. Ka Sorkar ka la pynduh noh namarkata haduh 2,000 tylli ki kyndon kiba la rim bad ki jingbthah ban bud ryntih ki bym iahap shuh, da kaba bujli noh da ki rukom synshar kiba iadei bad ki nongshong shnong bad kiba iadei bad ka juk mynta kiba kham iadei bad ka Jylla kaba mynta kaba niewkor ia ka bha ka miat.

U Dr. Jitendra Singh u la kdew katto katne ki nuksa ha kaba ki rukom treikam kiba la rim kiba ktah ïa ki nongshong shnong, ki nongïoh bai bam tymmen bad ki nongtrei sorkar la bujli noh da ki rukom treikam kiba kham suk bad kham don ka jingsngewlem. U la ong ba ki jingpynkylla ha ka synshar khadar kim sahkut tang ha ka teknoloji hynrei ki donkam ia ka jingkylla kaba iadei ha ka rukom pyrkhat ha ka synshar khadar. "Ka teknoloji ka nang kiew stet, hynrei ka jingpyrkhat jong ngi kadei ban kylla ha kajuh ka rukom," u la ong, da kaba ban jur ba ka jingsynshar kaba la pynkhreh na ka bynta ka lawei ka shong ha ka jinglong jong ki jaka treikam kumba ka shong ha ka jingsaindur thymmai ha ki kam digital.

U Myntri u la ban jur ruh ïa ka Campaign ba kyrpang ha ka ri baroh kawei na ka bynta ban pyndep ia ki kam kiba dang sah bad ka jingkhuid jingsuba, ba la sdang ha u snem 2021, kaba la nang kylla sha ka sienjam ban wanrah jingkylla kaba kongsan ha ka synshar khadar. Ka campaign ka la pynmih palat T. 4,000 klur lyngba ka jingpyndonkam ia ka jingstad saian ban pynkhuid ia ki tiar ba la jot bad ki tiar ba la rim katba la pyllait ia jan 700 lak square feet ka jaka jong ki ophis bad kyntiew ia ka jingtreikam kaba kham bha ha kylleng ki jaka treikam jong ka sorkar.

Haba kyntu ïa ki Jylla bad ki Union Territory ban pdiang ïa ki rukom synshar kiba jop iwei na iwei pat, u Dr. Jitendra Singh u la ong ba ki jingpynkylla katkum ka por ban wan ka dei ban pynleit jingmut ha ka jingpyniaid ia ki kam paidbah kaba pyndonkam da ka Artificial Intelligence, ki jingshakri paidbah ba la pynïasoh lang, ka jingshngain ha ka kam cyber, ka jingpynkylla ïa ki rukom treikam, ka jingthaw polisi ba pynshong nongrim ha ki sakhi bad ka jingkhlain jong ki jaka treikam ban ialah pyrshah ia jingeh kiba mih.

Haba pynkut, u Myntri u la ong ba ka National Conference kadei ban long ka rynsan ban pynsted ïa ka jingpynkylla ïa ka rukom synshar jong ka India bad ban noh synniang sha ka jing thmu na ka bynta ka Viksit Bharat@2047 lyngba ka jingpyniaid ia ki kam paidbah kaba kham stet, kaba kham bha bad kaba kham pynleit jingmut ha ki nongshong shnong.

***