انسانی حقوق کے قومی کمیشن (این ایچ آر سی) انڈیا نے ذرائع ابلاغ میں شائع ہونے والی اس خبر کا ازخود نوٹس لیا ہے کہ 7 جولائی 2026 کو جھارکھنڈ کے ضلع لوہردگا میں واقع ایک اعلیٰ ثانوی رہائشی اسکول کے ہاسٹل میں چار طالبات کو سانپ نے ڈس لیا تھا۔ اس واقعے میں ایک طالبہ ہلاک ہوگئی، جبکہ دیگر تین طالبات زیرعلاج ہیں۔ اطلاعات کے مطابق طالبات رات کا کھانا کھانے کے بعد ہاسٹل کی نچلی منزل پر واقع کمرے میں سو رہی تھیں کہ اسی دوران سانپ نے انہیں ڈس لیا۔

کمیشن نے مشاہدہ کیا ہے کہ اگر ذرائع ابلاغ میں شائع ہونے والی خبر درست ہے تو یہ واقعہ طالبات کے انسانی حقوق کی سنگین خلاف ورزی کا معاملہ بنتا ہے۔ اسی بنا پر کمیشن نے ریاست کے چیف سکریٹری کو نوٹس جاری کرتے ہوئے دو ہفتوں کے اندر اس معاملے پر تفصیلی رپورٹ طلب کی ہے۔ کمیشن نے ہدایت دی ہے کہ رپورٹ میں زخمی طالبات کی موجودہ صحت کی کیفیت اور انہیں فراہم کیے جا رہے علاج کی تفصیلات بھی شامل کی جائیں۔

مورخہ10 جولائی2026 کو شائع ہونے والی میڈیا رپورٹس کے مطابق زخمی طالبات میں سے ایک کی حالت تشویشناک ہے، جسے بہتر اور خصوصی علاج کے لیے رانچی کے راجندر انسٹی ٹیوٹ آف میڈیکل سائنسز (رِمز) منتقل کیا گیا ہے۔

*********

 ش ح۔ض ر۔ش ت

Urdu No-9885