ભારતના રાષ્ટ્રીય માનવ અધિકાર આયોગ (NHRC) એ એક મીડિયા અહેવાલ પર સુઓ મોટો સંજ્ઞાન લીધું છે જેમાં જણાવાયું છે કે 7 જૂન 2026 ના રોજ છત્તીસગઢના રાયપુરના ઉરલા ઔદ્યોગિક વિસ્તારમાં આવેલી એક ફેક્ટરીમાં વિસ્ફોટ થવાને કારણે ઓછામાં ઓછા ત્રણ કામદારોના મોત થયા છે અને અન્ય કેટલાક લોકો ઇજાગ્રસ્ત થયા છે. ફેક્ટરીમાં ઓક્સિજન સિલિન્ડર ફાટવાના કારણે આ વિસ્ફોટ થયો હોવાનું કથિત રીતે બહાર આવ્યું છે.

આયોગે અવલોકન કર્યું છે કે સમાચાર અહેવાલની વિગતો જો સાચી હોય, તો તે માનવ અધિકારોના ઉલ્લંઘનની ગંભીર સમસ્યાઓ ઊભી કરે છે. તેથી, આયોગે છત્તીસગઢના મુખ્ય સચિવ અને પોલીસ મહાનિર્દેશક (ડીજીપી) ને નોટિસ પાઠવીને બે અઠવાડિયામાં આ બાબતે વિગતવાર અહેવાલ માંગ્યો છે. આ અહેવાલમાં ઇજાગ્રસ્તોની સ્વાસ્થ્ય સ્થિતિ તેમજ મૃતકોના આશ્રિતો અને ઇજાગ્રસ્તોને ચૂકવવામાં આવેલા વળતર (જો કોઈ હોય તો) નો સમાવેશ કરવાની અપેક્ષા રાખવામાં આવે છે.

8 જુલાઈ 2026 ના રોજ પ્રસિદ્ધ થયેલા મીડિયા અહેવાલ અનુસાર, ઇજાગ્રસ્ત કામદારોને સારવાર માટે નજીકની હોસ્પિટલોમાં ખસેડવામાં આવ્યા હતા અને ફેક્ટરી બંધ કરી દેવામાં આવી હતી.

IJ/DK/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com