چھتیس گڑھ میں واقع کول انڈیا کی ذیلی کمپنی ساؤتھ ایسٹرن کول فیلڈ لمیٹڈ (ایس ای سی ایل) نے اپنی اہم سی ایس آر پہل ‘ایس ای سی ایل کے سشرت’ کے نوٹیفکیشن جاری ہونے کے ساتھ کوئلے کی وزارت کی رہنمائی میں ایک مزید اہم سنگ میل حاصل کیا ہے ۔

 کوئلے کی وزارت نے آدھار (مالی اور دیگر سبسڈیز ، فوائد اور خدمات کی ہدف بند فراہمی) ایکٹ ، 2016 اور گڈ گورننس (سماجی بہبود ، اختراع اور علم) رولز ، 2020 کے تحت ‘ایس ای سی ایل کے سشرت’ اسکیم کے مستفیدین کے لیے آدھار کی تصدیق کے واسطےگزٹ نوٹیفکیشن جاری کیا ہے ۔  نوٹیفکیشن رضاکارانہ آدھار کی تصدیق کے ذریعے مستفیدین کو فوائد کی شفاف ، موثر اور ہدف بند فراہمی کی سہولت فراہم کرتا ہے ، جبکہ ایسے لوگوں کے لیے حکومت سے منظور شدہ شناختی دستاویزات بھی فراہم کرتا ہے جو آدھار کا استعمال نہ کرنے کا انتخاب کرتے ہیں ۔

ایس ای سی ایل کی جانب سے2023 میں شروع کی جانے والی پہل‘ ایس ای سی ایل کے سشرت’ کمپنی کی اہم سی ایس آر پہل ہے جو ایس ای سی ایل کے کارو باری علاقوں کے ہونہار طلبہ کو مفت رہائشی این ای ای ٹی کوچنگ فراہم کرتی ہے ، جس سے وہ طب اور متعلقہ صحت کی نگہداشت میں کریئر بنانے کے قابل بن پاتے ہیں ۔

اس پروگرام کے مسلسل غیر معمولی نتائج برآمد ہوئے ہیں ۔  اس کے پہلے بیچ (2023-24) میں 40 میں سے 39 طلبہ نے این ای ای ٹی کوالیفائی کیا ، 11 طلبہ نے ایم بی بی ایس ، 2 بی ڈی ایس ، بی اے ایم ایس اور بیچلر آف فزیوتھراپی (بی پی ٹی ایچ) پروگراموں میں داخلہ حاصل کیا ، جبکہ 2 طلبہ نے چھتیس گڑھ اور مدھیہ پردیش کے سرکاری کالجوں میں ویٹرنری کورسز میں داخلہ لیا ہے ۔

دوسرے بیچ (25-2024) نے بھی متاثر کن کامیابی درج کی ، جس میں 40 میں سے 31 طلبہ نے این ای ای ٹی کوالیفائی کیا ، جس کی وجہ سے ،   سرکاری اداروں کے ایم بی بی ایس، بی ڈی ایس، بی اے ایم ایس اور بیچلر آف فشریز سائنس (بی ایف ایس سی) میں داخلے ہوئے ۔

گزٹ نوٹیفکیشن  سے‘ایس ای سی ایل کے سشرت’ کے ارتقاء میں ایک مزید اہم سنگ میل کی نشاندہی ہوتی ہے ، جو اس کے ادارہ جاتی فریم ورک کو مضبوط کرتا ہے اور مستفیدین کے لیے شفافیت ، جواب دہی اور رسائی میں آسانی کو مزید بڑھاتا ہے ۔

قابل ذکر بات یہ ہے کہ یہ پہل وزارت کوئلے کی کسی بھی پی ایس یو کی جانب سے پہلی اور واحد سی ایس آر اسکیم بن گئی جسے حکومت ہند کے براہ راست فوائد کی منتقلی (ڈی بی ٹی) پورٹل پر درج کیا گیا ہے ، جس میں اس کے مضبوط گورننس فریم ورک اور حکومت ہند کے ٹیکنالوجی کے وژن کے ساتھ ہم آہنگی کی تصدیق کی گئی ہے ۔

‘ایس ای سی ایل کے سشرت’ کے ذریعے ، ایس ای سی ایل کان کنی سے وابستہ برادریوں کے باصلاحیت طلبہ کے لیے مواقع پیدا کرنا جاری رکھے ہوئے ہے جبکہ طبی پیشہ ور افراد کی اگلی نسل کی پرورش کرکے ملک کے صحت کی نگہداشت کے ماحولیاتی نظام میں اپنا کردار ادا کر رہا ہے ۔

***

ش ح۔م ش ع۔ اش ق

U. No-9872