ભારતની સ્વદેશી ઓટોમેટિક ટ્રેન પ્રોટેક્શન (ATP) સિસ્ટમના વિસ્તરણ તરફના અન્ય એક મહત્વપૂર્ણ પગલામાં, ભારતીય રેલવેએ ઉત્તર રેલવેના દિલ્હી ડિવિઝનના ફીડર બ્રાન્ચ લાઈનો સહિત રેવાડી-દિલ્હી અને શકુરબસ્તી-બટિંડા સેક્શનના 680 રૂટ કિલોમીટર (RKm) પર કવચ વર્ઝન 4.0 ની જોગવાઈને મંજૂરી આપી છે. આ પ્રોજેક્ટને ₹206 કરોડના ખર્ચે મંજૂરી આપવામાં આવી છે.

આ પ્રોજેક્ટ ભારતીય રેલવે દ્વારા દેશભરમાં ચાલી રહેલા કવચના અમલીકરણનો એક ભાગ છે, જેનો ઉદ્દેશ્ય ઉચ્ચ ઘનતા અને વ્યૂહાત્મક રીતે મહત્વપૂર્ણ રૂટો પર સ્વદેશી સુરક્ષા પ્રણાલીનો વિસ્તાર કરવાનો છે.

કવચ એ ભારતની સ્વદેશી રીતે વિકસાવવામાં આવેલી ઓટોમેટિક ટ્રેન પ્રોટેક્શન (ATP) સિસ્ટમ છે જે સિગ્નલ પાસ્ડ એટ ડેન્જર (SPAD) ની ઘટનાઓ અને ટ્રેનની અથડામણોને અટકાવીને રેલવે સુરક્ષાને નોંધપાત્ર રીતે વધારવા માટે ડિઝાઇન કરવામાં આવી છે. આ સિસ્ટમ ટ્રેનની અવરજવર પર સતત નજર રાખે છે, જ્યારે પણ જરૂર પડે ત્યારે આપમેળે બ્રેક લગાવે છે, ટ્રેનોને મહત્તમ અનુમતિપાત્ર ઝડપે સુરક્ષિત રીતે ચલાવવાની મંજૂરી આપે છે અને ગાઢ ધુમ્મસ જેવી પ્રતિકૂળ હવામાન પરિસ્થિતિઓમાં પણ વિશ્વસનીય ટ્રેન કામગીરીને ટેકો આપે છે.

ભારતીય રેલવેના આ મહત્વપૂર્ણ રૂટો પર કવચ વર્ઝન 4.0 ની ગોઠવણી સુરક્ષાને મજબૂત કરશે, કાર્યક્ષમતામાં સુધારો કરશે, ટ્રેન કામગીરીની વિશ્વસનીયતામાં વધારો કરશે અને મુસાફરો તેમજ માલસામાન બંને સેવાઓની ઝડપી, ટેકનોલોજી આધારિત હેરફેરને ટેકો આપશે.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com