تیسری برکس ٹرانسپورٹ ورکنگ گروپ کی میٹنگ آج ناگپور میں بھارت کی برکس چیئرشپ 2026 کے تحت شروع ہوئی، جس میں پائیدار، لچکدار اور مستقبل کے لیے تیار ٹرانسپورٹ سسٹمز پر تعاون کو آگے بڑھانے کے لیےبرکس کے رکن ممالک کے سینئر حکام جمع ہوئے۔

اگلے دو دنوں میں، مندوبین اہم پالیسی ترجیحات پر غور کریں گے جن میں پائیدار ٹرانسپورٹ انفراسٹرکچر، صاف نقل و حرکت، لاجسٹک لچک اور ملٹی موڈل کنیکٹیویٹی شامل ہیں، جبکہ ابھرتے ہوئے عالمی نقل و حمل کے چیلنجوں سے نمٹنے کے لیے ادارہ جاتی تعاون کو تقویت دی جائے گی۔

مندوبین کا خیرمقدم کرتے ہوئے، سڑک ٹرانسپورٹ اور شاہراہوں کی وزارت کے سکریٹری، جناب وی اوما شنکر نے، واسدھائیو کٹمبکم کے لازوال اصول کے تحت تعاون پر مبنی اور جامع ترقی کے لیے بھارت کے عزم کا اعادہ کیاکہ  دنیا ایک خاندان ہے۔

انہوں نے کہا کہبھارت کی برکس چیئر شپ موضوع’تعمیر برائے لچک، اختراع، تعاون اور پائیداری‘ ایک عوام پر مبنی وژن کی عکاسی کرتی ہے جو موثر، پائیدار اور لچکدار ٹرانسپورٹ ماحولیاتی نظام بنانے کے لیے عملی شراکت داری کی کوشش کرتی ہے۔

بھارت کی چیئر شپ کی ترجیحات پر روشنی ڈالتے ہوئے، سکریٹری نے کہا کہ ٹرانسپورٹ ایجنڈا بنیادی ڈھانچے میں پائیداری، پائیدار ہوابازی ایندھن ، ٹرانسپورٹ ڈیکاربنائزیشن، شہری نقل و حرکت، لچکدار لاجسٹکس اور ریلوے تحقیقی تعاون پر توجہ مرکوز کرتے ہوئے چھ اہم اقدامات کے ارد گرد تشکیل دیا گیا ہے۔ ان اقدامات کا مقصد علم کے تبادلے کو گہرا کرنا، تکنیکی تعاون کی حوصلہ افزائی کرنا، ادارہ جاتی شراکت داری کو مضبوط بنانا اور برکس کے رکن ممالک میں صلاحیت کی تعمیر میں مدد کرنا ہے۔

انہوں نے مشاہدہ کیا کہ مجوزہ اقدامات برکس ٹرانسپورٹ ورکنگ گروپ کی سابقہ مصروفیات کے دوران حاصل ہونے والی پیشرفت پر استوار ہیں جبکہ اس شعبے میں طویل مدتی تعاون کی مضبوط بنیاد رکھتے ہیں۔ اجتماعی طور پر، یہ برکس ممالک کے ٹرانسپورٹ کے نظام کو ترقی دینے کے لیے مشترکہ عزم کی عکاسی کرتے ہیں جو جدید، ماحول کے لحاظ سے ذمہ دار اور لوگوں کی امنگوں کے لیے جوابدہ ہیں۔

جناب وی اوماشنکر نے نوٹ کیا کہ ناگپور میٹنگ ایک وسیع مشاورتی عمل کے اختتام کو نشان زد کرتی ہے جس میں پانچ ورچوئل تیاری میٹنگیں شامل ہیں، جس کے دوران ممبر ممالک نے بھارت کی صدارت میں شناخت کیے گئے ترجیحی موضوعات پر تفصیلی بات چیت کی۔ تمام وفود کی تعمیری شرکت کو سراہتے ہوئے، انہوں نے اس یقین کا اظہار کیا کہ تعاون کا یہی جذبہ گفت و شنید میں رہنمائی کرے گا اور اہم نتائج پر وسیع اتفاق رائے پیدا کرنے میں مدد کرے گا۔

چیئر کے طور پربھارت کے کردار کی توثیق کرتے ہوئے، انہوں نے شرکت کرنے والے وفود کو یقین دلایا کہ بات چیت شفاف، جامع اور اتفاق رائے پر مبنی رہے گی، اس بات کو یقینی بناتے ہوئے کہ نتائج تمام برکس اراکین کی اجتماعی ترجیحات اور ترقیاتی تناظر کی عکاسی کرتے ہیں۔

انہوں نے توسیع شدہ برکس گروپنگ کی بڑھتی ہوئی اہمیت پر بھی روشنی ڈالی، یہ نوٹ کرتے ہوئے کہ اس کے رکن ممالک مل کر دنیا کی آبادی کا 49.5 فیصد، عالمی جی ڈی پی کا 40 فیصد اور عالمی تجارت کا 26 فیصد ہیں۔ اس تناظر میں، انہوں نے کہا کہ نقل و حمل میں بہتر تعاون رابطے کو مضبوط بنانے، سپلائی چین کی لچک کو بہتر بنانے اور پائیدار اقتصادی ترقی میں بامعنی کردار ادا کرنے کی صلاحیت رکھتا ہے۔

سکریٹری نے اس یقین کا اظہار کیا کہ اگلے دو دنوں میں ہونے والی بات چیت سے برکس ممالک کے درمیان شراکت داری اور باہمی سیکھنے کے جذبے کو تقویت ملے گی اور آئندہ وزارتی میٹنگ میں خاطر خواہ نتائج کی راہ ہموار ہوگی۔

ورکنگ گروپ کی میٹنگ کے بعد 11 جولائی 2026 کو ناگپور میں ہونے والی تیسری برکس ٹرانسپورٹ وزراء کی میٹنگ ہوگی۔

***

(ش ح۔اص)

UR No 9771