জুলাই ২, ২০২৬দা, রিপব্লিক ওফ ইন্দিয়াগী প্রধান মন্ত্রী ঐচ.ই. নরেন্দ্র মোদী অমসুং জাপানগী প্রধান মন্ত্রী, ঐচ.ই. তাকাচী সানাইনা ভারতকী ন্যু দিল্লীদা উনদুনা হৌজিক ওইরিবা জিওপোলিতিকেলগী ফিভম অসি য়েংলগা ইনর্জী রেসিলিয়েন্স পুন্না মপাঙ্গল কনখৎহন্নবা এসিয়াগী থৌদাং লৌবা ঙম্বা লৈবাকশিং অমসুং মরুওইবা ইনর্জী কঞ্জ্যুমরশিং ওইনা পুন্না থবক তৌমিন্ননবা মখোয়গী অপাম্বা ফোংদোকখি।

ভারতনা খা এসিয়াদা ইনর্জী সেক্যুরিতীদা মতেং পাংবা অমসুং জাপানগী পার্তনরশিপ ওন ৱাইদ ইনর্জী এন্দ রিসোর্সেস রেসিলিয়েন্স (পাৱর এসিয়া) অসিনচিংবা ইনর্জী রেসিলিয়েন্স মপাঙ্গল কনখৎহন্নবা রিজনেল ইনিসিএতিবশিংগী মরুওইবা অদু নাকল অনিমক্না পনখি। লুচিংবশিংগী খন্ন-নৈনবগী মতুং ইন্না, রিপব্লিক ওফ ইন্দিয়াগী পেত্রোলিয়ম অমসুং নেচরেল গ্যাস মন্ত্রালয় অমসুং জাপানগী ইকোনোমী, ত্রেদ অমসুং ইন্দস্ত্রী মন্ত্রালয়না মখাদা পীরিবা অচৌবা খোঙথাংশিং অসিদা মতেং পাংগনি:

১. স্ত্রেতেজিক স্তোকপাইলিং ইকোসিস্তেমদা তেংবাং পীনবা

নাকল অনিমক্না মখোয়গী লৌশিং অমসুং এক্সপরিয়েন্স শিয়র তৌনবগী মরুওইবা অদু অমুক হন্না ফোংদোকখি অমসুং, করিগুম্বা মথৌ তারবদি, ক্রুদ ওইল অমসুং পেত্রোলিয়ম প্রদক্তশিংগী স্তোকপাইলিং সিস্তেমশিং অমসুং রিজর্ব মেকানিজমগা মরী লৈনবা অচৌবা কোওপরেসন প্রমোৎ তৌগনি। কোওপরেসন অসিনা মখাদা পীরিবা থীমশিং অসিদা মীৎয়েং থমগনি:

• ইন্দস্ত্রী স্তোকপাইলশিং য়াওনা নেস্নেল স্তোকপাইলিং সিস্তেমশিং অমসুং রিজর্বশিংগা মরী লৈনবা মেকানিজমশিং

• পোৎ পুথোক্লিবা লৈবাকশিংগা লোয়ননা এরেঞ্জমেন্তশিং তৌবগী মতাংদা কোওর্দিনেসন পীনবা

• ইমর্জেন্সী রেস্পোন্স অমসুং মার্কেৎ স্তেবিলাইজেসন

২. ইনর্জী শীজিন্নরিবা লৈবাকশিংগী ভোইস মপাঙ্গল কনখৎহনবা

থাও অমসুং গ্যাস শীজিন্নবা লৈবাকশিংগী ভোইস হেনগৎহন্দুনা, সপ্লাই এস্যুরেন্স, রেসিলিয়েন্স হেনগৎহনবা অমসুং ভোলেতিলিতী হন্থহন্নবা মেকানিজমশিং শেমগৎতুনা, ইনর্জী ফংহনবা অমসুং শেল চংদনা শীংনবশিং মায়োক্নবদা মতেং পীনবগী মরুওইবা অদু নাকল অনিমক্না অমুক হন্না ফোংদোকখি। কোওপরেসন অসিনা মখাদা পীরিবা থীমশিং অসিদা মীৎয়েং থমগনি।

• মার্কেৎ ত্রেন্দশিংগা মরী লৈনবা ইনফোর্মেসন শেয়র তৌনবা অমসুং মার্কেৎ স্তেবিলাইজেসনগীদমক পুন্না হোৎনমিন্নবা

• অহুমশুবা লৈবাকশিংদগী ইনর্জী সপ্লাই তৌনবা এঙ্গেজমেন্তশিং থিজিনবা

• অহুমশুবা লৈবাকশিংদা অপস্ত্রীম সেক্তরদা ইনভেস্তমেন্ত তৌনবা কম্মর্সিএল এঙ্গেজমেন্তশিং থিজিনবা।

৩. ইনর্জী ত্রান্সপোর্ত্তা তেংবাং পীনবা

লৈবাক অনিমক্কী ইনর্জী সেক্যুরিতীগী মরুওইবা য়ুম্বী অমা ওইনা ওইল অমসুং গ্যাসকী রেসিলিয়েন্ত, মশা-মরোমদোম লেপচবা অমসুং ইফিসিএন্ত মেরিতাইম ত্রান্সপোর্তকী মরুওইবা অদু নাকল অনিমক্না অমুক হন্না ফোংদোকখি। মেরিতাইম ইনর্জী ত্রান্সপোর্ত ভেল্যু চেনগী লমদা পুন্না শেন থাদনবগী খুদোংচাবশিং য়াওনা পুন্না থবক তৌমিন্নবগী খুদোংচাবশিং নৈনবদা নাকল অনিমক্না য়ানখি।

৪. ইন্সতিত্যুসনগী ওইবা তেংবাং পীনবা

তেক্নিক অমসুং ফাইনান্সিএল কোওপরেসন য়াওনা ইনর্জী সেক্তরদা মপুং ফানা মতেং পীননবা, মখাদা পীরিবশিং অসি য়াওনা মরী লৈনবা স্তেকহোল্দরশিংগী মরক্তা ইন্সতিত্যুস্নেল কোওপরেসন প্রমোৎ তৌনবা নাকল অনিমক্না মখোয়গী ৱাখল্লোন অদু ফোংদোকখি:

• ভারতকী ইন্সতিত্যুসনশিং: ইন্দিয়ন নেস্নেল ওইল কম্পনীশিং, ইন্দিয়ন স্ত্রেতেজিক পেত্রোলিয়ম রিজর্বস লিমিতেদ (আই.এস.পি.আর.এল.); অমসুং অতোপ্পা মরী লৈনবা স্তেকহোল্দরশিং

• জাপানগী ইন্সতিত্যুসনশিং: জাপান ওর্গনাইজেসন ফোর মেতলস এন্দ ইনর্জী সেক্যুরিতী (জোগমেক); জাপান বেঙ্ক ফোর ইন্তর্নেস্নেল কোওপরেসন (জে.বি.আই.সি.); অমসুং অতোপ্পা মরী লৈনবা স্তেকহোল্দরশিং

৫. দাইলোগকীদমক প্লেৎফোর্ম পীবা

স্তেৎমেন্ত অসিদা মশক তাক্লিবা মরুওইবা লমশিংদা তেংবাং পীনবা হেনগৎহন্নবা পান্দম থমদুনা নাকল অনিমক্না ইন্দিয়া-জাপান ইনর্জী দাইলোগকী মখাদা পেত্রোলিয়ম অমসুং নেচরেল গ্যাসকী ইন্দিয়া-জাপান জোইন্ত ৱার্কিং গ্রুপকী মখাদা খন্ন-নৈনবা ৱারেপ লৌখি। মসিগী প্লেৎফোর্ম অসিগী খুত্থাংদা নাকল অনিমক্না খ্বাইদগী নৌবা লৌশিং অমসুং এক্সপরিয়েন্সশিং শিয়র তৌগনি অমসুং তেংবাং পীননবা নাকল অনিমক্তা কান্নবা ওইগদবা খুদোংচাবশিং থিদোক্কনি।

***