ریلویز کی حفاظت کو مضبوط بنانے اور سگنلنگ انفراسٹرکچر کو جدید خطوط پر استوار کرنے کے ایک اہم اقدام کے طور پر  انڈین ریلوے نے مشرقی ریلوے کے مالدہ ڈویژن میں 20 مقامات پر ریلے بیسڈ انٹر لاکنگ سسٹم کو جدید الیکٹرانک انٹر لاکنگ سسٹم سے تبدیل کرنے کی منظوری دے دی ہے، جس پر 274 کروڑ روپے لاگت آئے گی۔

اس منصوبے کے تحت موجودہ ریلے روم/پینل انٹر لاکنگ (پی آئی/آر آر آئی) نظام کو مشرقی ریلوے کے ہائی یوٹی لائزیشن  نیٹ ورک(ایچ یو این ) روٹس پر واقع 18 ریلوے اسٹیشنوں اور 2 انٹرمیڈیٹ بلاک سگنلنگ(آئی بی ایس) مقامات پر الیکٹرانک انٹر لاکنگ سسٹم سے تبدیل کیا جائے گا۔

مصروف ترین راستوں پر  سگنلنگ انفراسٹرکچر کی جدید کاری

منظور شدہ منصوبے کے تحت مالدہ ڈویژن میں 20 فعال مقامات (18 اسٹیشنز اور 2 آئی بی ایس مقامات) پر روایتی ریلے بیسڈ سگنلنگ نظام کو جدید الیکٹرانک انٹر لاکنگ ٹیکنالوجی سے تبدیل کیا جائے گا۔

یہ جدید کاری سگنلنگ نظام کی اعتمادی، کارکردگی اور دیکھ بھال میں آسانی کو نمایاں طور پر بہتر بنائے گی اور مشرقی ریلوے کے ایک مصروف ترین کوریڈور پر بڑھتی ہوئی مسافر اور مال بردار ٹریفک کو سنبھالنے کے لیے ایک مضبوط تکنیکی بنیاد فراہم کرے گی۔

محفوظ، اسمارٹ اور زیادہ قابلِ  بھروسہ ریل سے  متعلق کارروائیاں

الیکٹرانک انٹر لاکنگ ایک جدید اور محفوظ سگنلنگ  ٹیکنالوجی ہے جو روٹ سیٹنگ اور سگنلنگ کے نظام کو خودکار بناتی ہے اور آلات کی خرابی یا انسانی غلطی کے امکانات کو نمایاں طور پر کم کرتی ہے۔ یہ اپ گریڈڈ نظام آپریشنل لچک میں اضافہ کرے گا، خدمات میں رکاوٹوں کو کم کرے گا، خرابی کی صورت میں بحالی کے عمل کو تیز کرے گا اور ٹرینوں کی بروقت آمد و رفت کو بہتر بنائے گا۔

یہ منصوبہ ہائی یو ٹی لائزیشن  نیٹ ورک روٹس پر ٹرینوں کی حفاظت کو یقینی  بنانے، آپریشنل کارکردگی کو مؤثر کرنے  اور ٹرینوں کی تیز اور قابلِ اعتماد نقل و حرکت میں مدد دے گا، جبکہ مستقبل کی ٹیکنالوجیز جیسے کَوچ  اور دیگر جدید سگنلنگ نظاموں کے لیے بہتر تیاری بھی فراہم کرے گا۔

یہ منظوری انڈین ریلوے کے اس جاری مشن کا حصہ ہے جس کا مقصد پورے قومی ریلوے نیٹ ورک میں جدید ٹیکنالوجی کے ذریعے سگنلنگ انفراسٹرکچر کو اپ گریڈ کرنا ہے، تاکہ  محفوظ،اسمارٹ  اور زیادہ مؤثر ریل آپریشنز کو یقینی بنایا جا سکے۔

*********

(ش ح۔ت ف۔م ذ)

U.R .9474